പക്ഷിപ്പനി: ഇന്നലെ 15655 താറാവുകളെ കൊന്നു

ആലപ്പുഴ: പക്ഷിപ്പനി സ്ഥിരീകരിച്ച നെടുമുടി, കരുവാറ്റ പഞ്ചായത്തുകളിലെ 15,655 താറാവുകളെ മൃഗസംരക്ഷണ വകുപ്പിന്‍റെ റാപ്പിഡ് റെസ്പോൺസ് ടീമുകൾ ഇന്നലെ (ഡിസംബർ 16) കൊന്നു. ഇതോടെ രോഗവ്യാപനം പ്രതിരോധിക്കുന്നതിനായി ഈ മേഖലകളില്‍ കൊന്ന താറാവുകളുടെ എണ്ണം 17,677 ആയി. 

നെടുമുടി പഞ്ചായത്തിലെ 4, 12, 15 വാർഡുകളിലും കരുവാറ്റയിലെ ഒന്നാം വാർഡിലും കൊല്ലുന്ന താറാവുകളെ കത്തിക്കുന്ന നടപടികള്‍  പഞ്ചായത്തുകളുടെ നേതൃത്വത്തില്‍ നടന്നുവരുന്നു. മൃഗസംരക്ഷണ വകുപ്പിന്‍റെ നേതൃത്വത്തില്‍ സമീപ മേഖലകളിലും കര്‍ശന നിരീക്ഷണം ഏര്‍പ്പെടുത്തിയിട്ടുണ്ട്.