വിദേശ തൊഴില്‍ വായ്പാ പദ്ധതി: പട്ടികജാതി വിഭാഗക്കാര്‍ക്ക് അപേക്ഷിക്കാം
സംസ്ഥാന പട്ടികജാതി പട്ടിക വര്‍ഗ വികസന കോര്‍പ്പറേഷന്‍, സംസ്ഥാന പട്ടികജാതി വികസന വകുപ്പുമായി ചേര്‍ന്ന് നടപ്പാക്കുന്ന വിദേശ തൊഴില്‍ വായ്പാ പദ്ധതിയിലേക്ക് അപേക്ഷ ക്ഷണിച്ചു. അഭ്യസ്തവിദ്യരായ തൊഴില്‍രഹിതരും ഏതെങ്കിലും വിദേശ രാജ്യത്തെ അംഗീകൃത തൊഴില്‍ദാതാവില്‍ നിന്നും തൊഴില്‍ നല്‍കുന്നതിന് ഓഫര്‍ ലെറ്റര്‍ ലഭിച്ചിട്ടുളളവരുമാവണം അപേക്ഷകര്‍. ഭാരത സര്‍ക്കാരിന്‍റെ പ്രൊട്ടക്റ്റര്‍ ജനറല്‍ ഓഫ് എമിഗ്രന്‍റ്സ്, പെര്‍മിറ്റ് നല്‍കിയ തൊഴില്‍ദാതാക്കളോ അഥവാ റിക്രൂട്ട്മെന്‍റ് ഏജന്‍റുമാരോ വഴി വിദേശത്ത് തൊഴില്‍ ലഭിച്ചു പോകുന്നവരുടെ അപേക്ഷകള്‍ മാത്രമേ വായ്പയ്ക്കായി പരിഗണിക്കൂ. മാത്രമല്ല, നോര്‍ക്ക റൂട്ട്സ്, ഒഡെപെക് എന്നീ സ്ഥാപനങ്ങള്‍ സ്പോണ്‍സര്‍ ചെയ്യുന്ന അപേക്ഷകര്‍ക്ക് മുന്‍ഗണന നല്‍കും. 18-55 ആണ് പ്രായപരിധി. കുടുംബ വാര്‍ഷികവരുമാനം 350000 രൂപ കൂടരുത്. പരമാവധി വായ്പ തുക രണ്ട് ലക്ഷവും അതില്‍ ഒരു ലക്ഷം രൂപ സബ്സിഡിയുമാണ്. വായ്പയുടെ പലിശ നിരക്ക് ആറ് ശതമാനവും തിരിച്ചടവ് കാലയളവ് മൂന്ന് വര്‍ഷവുമാണ്. അപേക്ഷകര്‍ക്ക് വിദേശത്ത് തൊഴില്‍ ചെയ്യുന്നതിനുളള വര്‍ക്ക് എഗ്രിമെന്‍റ്, വിസ, പാസ്പോര്‍ട്ട്, എമിഗ്രേഷന്‍ സര്‍ട്ടിഫിക്കറ്റ് ആവശ്യമെങ്കില്‍ അത് ലഭിച്ചിരിക്കണം. അപേക്ഷ ഫോമിനും വിശദ വിവരത്തിനും കോര്‍പ്പറേഷന്‍റെ ജില്ലാ ഓഫിസില്‍ ലഭിക്കും.
- Log in to post comments