പൂവിളിയും പുലിക്കളിയുമായി അരങ്ങുണർന്നു

പുലിക്കളിയും ചെണ്ട മേളവും തെയ്യവുമെല്ലാമായി ഓണക്കാലത്തിന്റെ വരവറിയിച്ചു ഇൻഫോപാർക്കിൽ കലാപരിപാടികളും വിളംബരജാഥയും അരങ്ങേറി. ജില്ലാ ഭരണകൂടവും ജില്ലാ ടൂറിസം പ്രൊമോഷൻ കൗൺസിലും ഇൻഫോ പാർക്കും സംയുക്തമായി നടത്തിയ ആഘോഷപരിപാടികളുടെ ഉദ്ഘാടനം പി. വി ശ്രീനിജിൻ എം. എൽ. എ നിർവഹിച്ചു. 

ഡി.ടി. പി. സി സെക്രട്ടറി ശ്യാം കൃഷ്ണൻ, ഇൻഫോപാർക്ക് സി. ഇ. ഓ ജോൺ എം. തോമസ് തുടങ്ങിയവർ പങ്കെടുത്തു. 
ഓണാഘോഷങ്ങളുടെ ജില്ലാതല ആഘോഷങ്ങൾക്ക് മുന്നോടിയായാണ് ഇൻഫോപാർക്ക് പരിസരത്ത് വിളംബരജാഥയും വിവിധ പരിപാടികളും അരങ്ങേറിയത്. തെയ്യം, കാവടി, പുലിക്കളി തുടങ്ങിയവയുടെ അകമ്പടിയോടെ നടന്ന വിളംബര ജാഥക്ക് ശേഷം തപസ്യ ഇൻഫോപാർക്കിൽ വിവിധ കലാപരിപാടികളും അരങ്ങേറി.