സംസ്ഥാന സ്‌കൂൾ കായിക മേള: ജഴ്‌സി വിതരണോദ്ഘാടനം നടത്തി

സംസ്ഥാന സ്‌കൂൾ കായിക മത്സരങ്ങളിൽ ജില്ലയെ പ്രതിനിധീകരിക്കുന്ന കുട്ടികൾക്ക് ജില്ലാ പഞ്ചായത്ത് നൽകുന്ന ജഴ്‌സിയുടെ വിതരണോദ്ഘാടനം ജില്ലാ പഞ്ചായത്ത് പ്രസിഡണ്ട് പി പി ദിവ്യ നിർവഹിച്ചു. ജില്ലാ പഞ്ചായത്ത് ഹാളിൽ നടന്ന ചടങ്ങിൽ സ്ഥിരം സമിതി അധ്യക്ഷ അഡ്വ. കെ കെ രത്‌നകുമാരി അധ്യക്ഷത വഹിച്ചു. ജില്ലാ പഞ്ചായത്തിന്റെ പ്രത്യേക പദ്ധതിയുടെ ഭാഗമായി 3.17 ലക്ഷം രൂപയാണ് ജഴ്സി വിതരണത്തിന് മാറ്റിവെച്ചത്. ചടങ്ങിൽ വിദ്യാഭ്യാസ ഉപഡയറക്ടർ വി എ ശശീന്ദ്രവ്യാസ്, ഹയർ സെക്കൻഡറി റീജിയണൽ ഡപ്യൂട്ടി ഡയറക്ടർ എ സുധബിന്ദു, ഡയറ്റ് പ്രിൻസിപ്പൽ കെ വിനോദ്കുമാർ, ആർ ഡി എസ് സെക്രട്ടറി കെ ജെ ജോൺസൺ, പൊതുവിദ്യാഭ്യാസ സംരക്ഷണ യജ്ഞം ജില്ലാ കോർഡിനേറ്റർ പി വി പ്രദീപൻ, എസ് എസ് കെ ജില്ലാ കോർഡിനേറ്റർ ഇ സി വിനോദ് എന്നിവർ സംസാരിച്ചു.