കരട് ഗുണഭോക്തൃ പട്ടിക പ്രസിദ്ധീകരിച്ചു

        പിന്നാക്ക വിഭാഗ വികസന വകുപ്പ് മുഖേന സംസ്ഥാനത്തെ ഒ.ബി.സി വിഭാഗങ്ങൾക്ക് വിവിധ മത്സര പരീക്ഷാ പരിശീലനങ്ങൾക്ക് ധനസഹായം നൽകുന്നതിനായി നടപ്പാക്കി വരുന്ന പദ്ധതിയായ എംപ്ലോയബിലിറ്റി എൻഹാൻസ്മെന്റ് പ്രോഗ്രാമിന്റെ മെഡിക്കൽ/എൻജിനിയറിങ് വിഭാഗത്തിന്റെ കരട് ഗുണഭോക്തൃ പട്ടികകൾ www.bcdd.kerala.gov.in, www.egrantz.gov.in എന്നീ വെബ് സൈറ്റുകളിൽ പ്രസിദ്ധീകരിച്ചു. ന്യൂനതകൾ പരിഹരിക്കുന്നതിനായി ഇ-ഗ്രാന്റ്സ് മുഖേന റിവേർട്ട് ചെയ്തിട്ടുള്ള അപേക്ഷകൾ ന്യൂനതകൾ പരിഹരിച്ച് മാർച്ച് 10നകം പോർട്ടൽ മുഖേന തിരികെ സമർപ്പിക്കണം. കരട് പട്ടികകളിന്മേൽ ആക്ഷേപമുണ്ടെങ്കിൽ ആയത് സംബന്ധിച്ച രേഖകൾ മാർച്ച് 14നകം പിന്നാക്ക വിഭാഗ വികസന വകുപ്പിന്റെ ബന്ധപ്പെട്ട മേഖലാ ഓഫസുകളിൽ സമർപ്പിക്കണം. ഇതു സംബന്ധിച്ച് പിന്നീടുള്ള അവകാശ വാദങ്ങൾ അനുവദിക്കില്ല. കൂടുതൽ വിവരങ്ങൾക്ക് പിന്നാക്ക വികസന വകുപ്പിന്റെ മേഖലാ ഓഫീസുകളിൽ ബന്ധപ്പെടണം.

പി.എൻ.എക്സ്. 1130/2023