സ്പോര്ട്സ് അക്കാദമി സെലക്ഷന് ട്രയല്സ് 12 ന്
സംസ്ഥാന സ്പോര്ട്സ് കൗണ്സിലിന്റെ ആഭിമുഖ്യത്തില് റോവിങ്, കനോയിങ് ആന്റ് കയാക്കിങ് എന്നീ കായികയിനങ്ങളില് സ്പോര്ട്സ് അക്കാദമികളിലേക്കുള്ള സെലക്ഷന് ട്രയല്സ് 7,8,9 ക്ലാസ്സുകളിലെയും, പ്ലസ് വണ് , ഡിഗ്രി (ഒന്നാം വര്ഷം) ക്ലാസ്സുകളിലെയും കായിക താരങ്ങള്ക്കായി മാര്ച്ച് 12 ഞായാറാഴ്ച ആലപ്പുഴ എസ്.ഡി .വി ഹയര് സെക്കന്ഡറി സ്കൂള്ഗ്രൗണ്ടില് വെച്ച് നടക്കും. രാവിലെ 8 മണി മുതല് 12 മണി വരെ കനോയിങ് ആന്റ് കയാക്കിങും ഉച്ചക്ക് 1 മുതല് വൈകിട്ട് 6 മണി വരെ റോവിങ് ഇനങ്ങളിലുമായിരിക്കും ട്രയല്സ് നടക്കുക. 7, 8 ക്ലാസ്സുകളിലേക്കാണ് പ്രവേശനം ( നിലവില് 6 , 7 ക്ലാസ്സുകളില് പഠിക്കുന്നവര്ക്ക് മാത്രം). സംസ്ഥാനാടിസ്ഥാനത്തില് 1 , 2 , 3 സ്ഥാനം നേടുന്നവര്ക്കും ദേശീയ മത്സരത്തില് പകെടുക്കുന്നവര്ക്കും 9 ാം ക്ലാസ്സിലേക്ക് പ്രവേശനം ലഭിക്കും. 9, പ്ലസ് വണ് ക്ലാസുകളിലേക്ക് സെലക്ഷന് ഹാജരാകുന്നവര് സംസ്ഥാന മത്സരങ്ങളില് മൂന്നാം സ്ഥാനം നേടിയിരിക്കണം . ദേശീയ മത്സരങ്ങളില് മെഡല് നേടിയിട്ടുള്ളവര്ക്കു നേരിട്ടുള്ള പ്രവേശനം ലഭിക്കും. പ്ലസ് വണ് , കോളേജ് അക്കാദമികളിലേക്കുള്ള സെലക്ഷന് സംസ്ഥാന മത്സരങ്ങളില് പങ്കെടുത്തിരിക്കണം.
- Log in to post comments