കൊച്ചി കോർപറേഷനിൽ കുട്ടികളുടെ ഹരിത സഭ ചേർന്നു

മാലിന്യമുക്ത നവകേരളം ജനകീയ കാമ്പയിന്റെ ഭാഗമായി കൊച്ചി കോർപറേഷന്റെ ആഭിമുഖ്യത്തിൽ കുട്ടികളുടെ ഹരിത സഭ സംഘടിപ്പിച്ചു.

നഗരസഭയിലെ വിവിധ സ്കൂളുകളിൽ നിന്നായി 260 കുട്ടികളും അധ്യാപകരും പങ്കെടുത്ത പരിപാടിയിൽ, സ്കൂളുകളിലെ മാലിന്യ സംസ്കരണത്തിന്റെ വിവിധ മോഡലുകൾ അവതരിപ്പിച്ചു.

ഹെൽത്ത് ഓഫീസർ ഡോ. ശശികുമാർ നഗരസഭയുടെ നിലവിലുള്ള മാലിന്യ സംസ്കരണ പ്രവർത്തനങ്ങളെക്കുറിച്ചുള്ള റിപ്പോർട്ട് അവതരിപ്പിച്ചു.

ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ടി. കെ. അഷ്റഫ് ഉദ്ഘാടനം നിർവഹിച്ച ചടങ്ങിൽ, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ വി. എ. ശ്രീജിത്ത് അധ്യക്ഷനായി.

ക്ലീൻ സിറ്റി മാനേജർ ജി. സുധീഷ്, ഹരിത കേരളം മിഷൻ റിസോഴ്‌സ് പേഴ്സൺ നിസ്സ നിഷാദ് എന്നിവർ ചടങ്ങിൽ പങ്കെടുത്തു.