പഴയ സാധനങ്ങള്‍ കൈമാറാം, വാങ്ങാം സൗജന്യമായി മേളയില്‍ സ്വാപ്പ് ഷോപ്പുമായി കുടുംബശ്രീ ജില്ലാ മിഷന്‍
ഇന്‍ഫര്‍മേഷന്‍ - പബ്ലിക് റിലേഷന്‍സ് വകുപ്പ് വിവിധ വകുപ്പുകളുടെ സഹകരണത്തോടെ മെയ് നാല് മുതല്‍ 10 വരെ മുന്‍സിപ്പല്‍ ബസ്റ്റാന്റിന് സമീപത്തെ മൈതാനത്ത് നടത്തുന്ന എന്റെ കേരളം പ്രദര്‍ശന വിപണനമേളയില്‍ സ്വാപ്പ് ഷോപ്പുമായി കുടുംബശ്രീ ജില്ലാ മിഷന്‍. പഴയ സാധനങ്ങള്‍ കൈമാറാനുള്ള കൈമാറ്റ ചന്തയായിട്ടാണ് കുടുംബശ്രിയുടെ സ്റ്റാളുള്ളത്. വീടുകളില്‍, സ്ഥാപനങ്ങളില്‍ ഉപയോഗിക്കാത്തതും എന്നാല്‍ ഉപയോഗ യോഗ്യവുമായ സാധനങ്ങള്‍ കൈമാറ്റച്ചന്തയില്‍ സ്വീകരിക്കും. കളിപ്പാട്ടങ്ങള്‍, വൃത്തിയുള്ള വസ്ത്രങ്ങള്‍, കുഞ്ഞുടുപ്പുകള്‍, ജീന്‍സ്, ഷൂ, ബാഗ്, വൃത്തിയുള്ള ഹെല്‍മെറ്റ്, പാത്രങ്ങള്‍, എഴുതാനുള്ള പുസ്തകങ്ങള്‍, നോവലുകള്‍, ഫാന്‍സി ഐറ്റംസ്, മറ്റു ഉപയോഗപ്രദമായ വസ്തുക്കള്‍ എന്നിവയാണ് കൈമാറ്റ ചന്തയില്‍ സ്വീകരിക്കുക. ഇപ്രകാരം ലഭിക്കുന്ന സാധനങ്ങള്‍ കൈമാറ്റ ചന്തയിലൂടെ ആവശ്യക്കാര്‍ക്ക് സൗജന്യമായി വാങ്ങാനും സാധിക്കും.
- Log in to post comments