കുടുംബശ്രീ വെള്ളാങ്കല്ലൂര്‍ ബ്ലോക്ക് ക്ലസ്റ്റര്‍തല അരങ്ങ് ഇന്ന് തുടങ്ങും

ഇരിങ്ങാലക്കുട, വെള്ളാങ്കല്ലൂര്‍ ബ്ലോക്ക് ക്ലസ്റ്റര്‍തല കുടുംബശ്രീ അരങ്ങ് കലോത്സവത്തിന് ഇന്ന് (ഏപ്രില്‍ 30) തുടക്കമാവും. ഏപ്രില്‍ 30, മെയ് രണ്ട് എന്നീ തിയ്യതികളിലായി ഗേള്‍സ് എല്‍.പി സ്‌കൂള്‍, ടൗണ്‍ ഹാള്‍ ഇരിങ്ങാലക്കുട, എന്നിവിടങ്ങളിലായാണ് കലോത്സവം നടക്കുന്നത്.

 33 സ്റ്റേജ് ഇനങ്ങളിലും 16 ഓഫ് സ്റ്റേജിനങ്ങളിലുമായി അഞ്ഞൂറോളം അയല്‍ക്കൂട്ടം - ഓക്‌സിലറി അംഗങ്ങള്‍ മത്സരങ്ങളില്‍ മാറ്റുരയ്ക്കും. 18 വയസ്സ് മുതല്‍ 40 വയസ്സ് വരെ ജൂനിയര്‍, 40 വയസിനു മുകളില്‍ സീനിയര്‍ തലങ്ങളിലാണ് മത്സരങ്ങള്‍ നടക്കുന്നത്. മെയ് രണ്ടിന് വൈകീട്ട് 4.30 ന് ഇരിങ്ങാലക്കുട ടൗണ്‍ഹാളില്‍ സമാപന സമ്മേളനത്തില്‍ മത്സര വിജയികള്‍ക്ക് സമ്മാനങ്ങള്‍ കൈമാറും. ഒന്നാം സ്ഥാനം ലഭിക്കുന്ന മത്സരാര്‍ത്ഥികള്‍ ജില്ലാതലത്തില്‍ നടക്കുന്ന കുടുംബശ്രീ അരങ്ങ് കലോത്സവത്തിലേക്ക് അര്‍ഹത നേടും.