എന്റെ കേരളം പ്രദര്‍ശന വിപണന മേള: മികച്ച കവറേജിന് പുരസ്‌കാരം എന്‍ട്രികള്‍ ഇന്ന് (മെയ് 10) രാവിലെ പത്തിനകം നല്‍കണം
സംസ്ഥാന സര്‍ക്കാരിന്റെ നാലാം വാര്‍ഷികത്തോടനുബന്ധിച്ച് പാലക്കാട് സ്റ്റേഡിയം ബസ് സ്റ്റാന്‍ഡിന് സമീപത്തെ മൈതാനത്ത് നടക്കുന്ന എന്റെ കേരളം പ്രദര്‍ശന വിപണന മേളയ്ക്ക് മികച്ച രീതിയില്‍ കവറേജ് നല്‍കുന്ന പത്ര റിപ്പോര്‍ട്ടര്‍, ഫോട്ടോഗ്രാഫര്‍, ചാനല്‍ റിപ്പോര്‍ട്ടര്‍, വീഡിയോഗ്രാഫര്‍, റേഡിയോ എന്നിവയ്ക്ക് പുരസ്‌കാരങ്ങള്‍ നല്‍കുന്നു. ഏഴ് ദിവസങ്ങളിലായി നടക്കുന്ന മേളയുടെ സമഗ്ര കവറേജ്, മികച്ച റിപ്പോര്‍ട്ടുകള്‍ എന്നിവ പരിഗണിച്ചായിരിക്കും പുരസ്‌കാരങ്ങള്‍ നല്‍കുക.
ഇന്ന് (മെയ് 10) രാവിലെ കൃത്യം 10 മണിക്കുള്ളില്‍ തന്നെ ഏഴ് ദിവസങ്ങളില്‍ നടത്തിയ കവറേജിന്റെ വാര്‍ത്ത, ഫോട്ടോ എന്നിവയുടെ പത്രക്കട്ടിങ്ങുകള്‍ നേരിട്ടും വീഡിയോ, ഓഡിയോ ക്ലിപ്പുകള്‍ എന്നിവ പെന്‍ഡ്രൈവിലാക്കിയും ജില്ലാ ഇന്‍ഫര്‍മേഷന്‍ ഓഫിസിലെത്തിക്കേണ്ടതാണ്. മേളയുടെ അവസാന ദിനമായ മെയ് 10ന് നടക്കുന്ന സമാപന സമ്മേളനത്തില്‍ പുരസ്‌കാരങ്ങള്‍ വിതരണം ചെയ്യും.
- Log in to post comments