അറിയിപ്പുകള്
കെല്ട്രോണ് മാധ്യമ കോഴ്സുകളിലേക്ക് അപേക്ഷിക്കാം
പൊതുമേഖല സ്ഥാപനമായ കെല്ട്രോണിന്റെ മാധ്യമ കോഴ്സുകളിലേക്ക് അപേക്ഷ ക്ഷണിച്ചു. പ്രിന്റ് മീഡിയ, ടെലിവിഷന് ജേണലിസം, ഡിജിറ്റല് മീഡിയ, വാര്ത്താ അവതരണം, ആങ്കറിങ്, പബ്ലിക് റിലേഷന്, അഡ്വര്ട്ടൈസിങ്, ആര്ട്ടിഫിഷ്യല് ഇന്റലിജന്സ് അധിഷ്ഠിത കണ്ടന്റ് നിര്മാണം, വീഡിയോ ക്യാമറ പരിശീലനം, വീഡിയോ എഡിറ്റിങ്
എന്നിവയാണ് കോഴ്സുകള്. ഏതെങ്കിലും വിഷയത്തില് ബിരുദമുള്ളവര്ക്കും പ്ലസ് ടു കഴിഞ്ഞവര്ക്കും അനുയോജ്യമായ കോഴ്സുകളിലേക്ക് അപേക്ഷിക്കാം. പഠനകാലയളവില് അംഗീകൃത മാധ്യമസ്ഥാപനങ്ങളില് പ്രായോഗിക പരിശീലനം, ഇന്റേണ്ഷിപ്പ്, പ്ലേസ്മെന്റ് സപ്പോര്ട്ട് എന്നിവ ലഭ്യമാക്കും. തിരുവനന്തപുരം, കോഴിക്കോട്, പാലക്കാട് ജില്ലകളിലെ കെല്ട്രോണ് പരിശീലന കേന്ദ്രങ്ങളിലേക്കാണ് അപേക്ഷ സമര്പ്പിക്കേണ്ടത്. അവസാന തീയതി ജനുവരി 26. അപേക്ഷാഫോമിനും കൂടുതല് വിവരങ്ങള്ക്കും 9544958182 നമ്പറില് ബന്ധപ്പെടാം.
വാര്ഡ് അസിസ്റ്റന്റ് നിയമനം
കോഴിക്കോട് ഗവ. മെഡിക്കല് കോളേജ് മാതൃ-ശിശു സംരക്ഷണ കേന്ദ്രം കാരുണ്യ ആരോഗ്യ സുരക്ഷാ പദ്ധതിക്ക് കീഴില് ഒരു വര്ഷത്തേക്ക് വാര്ഡ് അസിസ്റ്റന്റിനെ നിയമിക്കുന്നതിനുള്ള അഭിമുഖം ജനുവരി 22ന് രാവിലെ 11ന് ഐ.എം.സി.എച്ച് സൂപ്രണ്ട് ഓഫീസില് നടക്കും. യോഗ്യത: എസ്.എസ്.എല്.സി, കേന്ദ്ര-സംസ്ഥാന സര്ക്കാറുകളുടെ ജനറല് ഡ്യൂട്ടി അസിസ്റ്റന്റ് കോഴ്സ്/സംസ്ഥാന സര്ക്കാര് അംഗീകാരമുള്ള നഴ്സിങ് അസിസ്റ്റന്റ് കോഴ്സ്. പ്രായപരിധി: 20-45.
- Log in to post comments