ഹൈമാസ്റ്റ് ലൈറ്റുകള്, ബസ് കാത്തിരിപ്പ് കേന്ദ്രം വി.എസ്.അച്ചുതാനന്ദന് എം.എല്.എ ഉദ്ഘാടനം ചെയ്തു
രാത്രികാല യാത്ര ക്ലേശനത്തിന് പരിഹാരമായി എലപ്പുള്ളി പഞ്ചായത്തില് സ്ഥാപിച്ച അഞ്ച് ഹൈമാസ്റ്റ് ലൈറ്റുകളുടെ ഉദ്ഘാടനം ഭരണപരിഷ്ക്കാര കമ്മീഷന് ചെയര്മാനും മലമ്പുഴ എം.എല്.എയുമായ വി.എസ്.അച്ചുതാനന്ദന് നിര്വഹിച്ചു. പള്ളത്തേരി, പാറ, തേനാരി, ചുറ്റിപ്പാറ, കൈതക്കുഴി എന്നിവിടങ്ങളില് സ്ഥാപിച്ച ഹൈമാസ്റ്റ് ലൈറ്റുകളുടെ സ്വിച്ച് ഓണ് കര്മ്മമാണ് എം.എല്.എ. നിര്വഹിച്ചത്.
വി.എസ്.അച്ചുതാനന്ദന് എം.എല്.എയുടെ ആസ്തി വികസന ഫണ്ടില് നിന്നും 19.5 ലക്ഷം രൂപ ചെലവഴിച്ചാണ് അഞ്ച് ലൈറ്റുകള് സ്ഥാപിച്ചത്. മലമ്പുഴ മണ്ഡലത്തിലൊട്ടാകെ 20 ഹൈമാസ്റ്റ് ലൈറ്റുകള് സ്ഥാപിക്കുന്നതിനായി 78 ലക്ഷം രൂപയാണ് എം.എല്.എയുടെ ആസ്തി വികസന ഫണ്ടില് നിന്നും വകയിരുത്തുന്നത്.
കൊടുമ്പ് പഞ്ചായത്തിലെ കാടാങ്കോട് ബസ് കാത്തിരിപ്പ് കേന്ദ്രം വി.എസ്. അച്യുതാനന്ദന് എം.എല്.എ ജനങ്ങള്ക്കായി തുറന്നുകൊടുത്തു. എം.എല്.എയുടെ ആസ്തി വികസന ഫണ്ടില് നിന്നും നാല് ലക്ഷം ചെലവിട്ടാണ് പദ്ധതി നടപ്പാക്കിയത്. ഗ്രാമപഞ്ചായത്ത് പ്രസിഡന്റുമാര്, അംഗങ്ങള്, നാട്ടുകാര് പരിപാടിയില് പങ്കെടുത്തു.
- Log in to post comments