പാലിന്റെ ഗുണനിലവാരം സൗജന്യമായി പരിശോധിക്കാം  

ഓണത്തോടനുബന്ധിച്ച് വിപണിയിലെത്തുന്ന പാലിന്റെ ഗുണനിലവാരം ഉറപ്പുവരുത്തുന്നതിന് ഓഗസ്റ്റ് 20 മുതല്‍ 24 വരെ ഗുണനിലവാര പരിശോധന നടത്താന്‍ സൗകര്യമൊരുക്കുന്നു. സിവില്‍ സ്റ്റേഷനിലെ രണ്ടാം നിലയിലെ ക്ഷീരവികസന വകുപ്പിന്റെ ഗുണനിയന്ത്രണ ലാബിലാണ് ഇന്‍ഫര്‍മേഷന്‍ സെന്റര്‍ സജ്ജീകരിക്കുക. ഓണക്കാലത്ത് പൊതുജനങ്ങള്‍ക്ക് പാലിന്റെ ഗുണനിലവാരം ബോധ്യപ്പെടുന്നതിനും, ക്ഷീരകര്‍ഷകരുടെയും ക്ഷീരസംഘങ്ങളുടെയും പാല്‍ സാമ്പിളുകള്‍ പരിശോധിക്കാന്‍ സൗകര്യമുണ്ടായിരിക്കുമെന്ന് ക്വാളിറ്റി കണ്‍ട്രോള്‍ ഓഫീസര്‍ അറിയിച്ചു. ഫോണ്‍: 0491 2505157.