മികച്ച സംരംഭകർക്കും കരകൗശല വിദഗ്ധർക്കുമുള്ള പുരസ്‌കാര വിതരണം ഇന്ന് (ഡിസംബർ 11)

സംസ്ഥാനത്തെ മികച്ച വ്യാവസായിക സംരംഭകർക്കും മികച്ച കരകൗശല വിദഗ്ധർക്കുമായി വ്യവസായ വാണിജ്യ വകുപ്പ് ഏർപ്പെടുത്തിയ പുരസ്‌കാര വിതരണം ഇന്ന് (ഡിസംബർ 11) നടക്കും. വൈകിട്ട് 4.30 ന് മാസ്‌കറ്റ് ഹോട്ടൽ സിംഫണി ഹാളിൽ വ്യവസായ വകുപ്പ് മന്ത്രി ഇ.പി. ജയരാജൻ പുരസ്‌കാരവിതരണ ചടങ്ങ് ഉദ്ഘാടനം ചെയ്യും. വി.കെ. പ്രശാന്ത് എം.എൽ.എ അധ്യക്ഷത വഹിക്കും.
2015-16 വർഷത്തെ മികച്ച വ്യാവസായിക സംരംഭകർക്കും 2016ലെ മികച്ച കരകൗശല വിദഗ്ധർക്കുമുള്ള പുരസ്‌കാര വിതരണമാണ് നടക്കുന്നത്. മേയർ കെ. ശ്രീകുമാർ മുഖ്യപ്രഭാഷണം നടത്തും. കെ.എസ്.ഐ.ഡി.സി മാനേജിംഗ് ഡയറക്ടർ എം.ജി. രാജമാണിക്യം, ശില്പി കാനായി കുഞ്ഞിരാമൻ, വ്യവസായ വാണിജ്യ വകുപ്പ് പ്രിൻസിപ്പൽ സെക്രട്ടറി സഞ്ജയ് ഗാർഗ്, ഡയറക്ടർ കെ. ബിജു, കെ.എസ്.എസ്.ഐ.എ സംസ്ഥാന പ്രസിഡന്റ് ഖാലിദ്. എം, സുരേഷ്‌കൂമാർ. എസ് തുടങ്ങിയവർ സംബന്ധിക്കും.
പി.എൻ.എക്‌സ്.4477/19