താമസ സൗകര്യം ഒരുക്കുന്നതിന് പ്രൊപ്പോസല് ക്ഷണിച്ചു
സാമൂഹ്യ പ്രശ്നങ്ങള് നേരിടന്ന മിശ്ര വിവാഹ ദമ്പതികള്ക്ക് സുരക്ഷിതമായി താമസിക്കുന്നതിന് താമസ സൗകര്യം ഒരുക്കാന് കഴിയുന്ന സന്നദ്ധ സംഘടനങ്ങളില് നിന്നും പ്രൊപ്പോസല് ക്ഷണിച്ചു. പരമാവധി ഒരു വര്ഷം താമസിപ്പിക്കണം. മിശ്ര വിവാഹ ദമ്പതികള്ക്ക് സുരക്ഷിതമായി താമസിക്കുന്നതിന് എല്ലാ ജില്ലകളിലും സെയ്ഫ് ഹോമുകള് ആരംഭിക്കുന്നതിനുളള സാമൂഹ്യനീതി വകുപ്പിന്റെ പദ്ധതിപ്രകാരമാണ് നടപടി. ഒരു ഹോമില് പരമാവധി 10 ദമ്പതികള്ക്ക് ഭക്ഷണം ഉള്പ്പെടെയുളള അടിസ്ഥാന സൗകര്യങ്ങള് ലഭ്യമാക്കണം. താല്പര്യമുളള സന്നദ്ധസംഘടനകള് ജില്ലാ സാമൂഹ്യനീതി ഓഫീസില് മാര്ച്ച് 20 നകം വിശദമായ പ്രൊപ്പോസലുകള് സമര്പ്പിക്കണം. എന്ജിഒകള് പ്രൊപ്പോസല് നല്കിയിട്ടുണ്ടെങ്കില് വീണ്ടും നല്കേണ്ടതില്ല. വിശദവിവരം ജില്ലാ സാമൂഹ്യനീതി ഓഫീസുകളിലും സാമൂഹ്യനീതി ഡയറക്ടറേറ്റിലും ലഭിക്കും. ഫോണ് 0471 2306040.
- Log in to post comments