കോവിഡ് ധനസഹായം പുതിയ വെബ്‌സൈറ്റിലൂടെ

കർഷക തൊഴിലാളി ക്ഷേമനിധി അംഗങ്ങൾക്ക് 1000 രൂപ കോവിഡ് ധനസഹായം നൽകുന്നതിന് പുതിയ വെബ്‌സൈറ്റ് നിലവിൽ വന്നു. അക്ഷയ കേന്ദ്രങ്ങൾ വഴിയോ മൊബൈൽ വഴിയോ www.karshakathozhilali.org എന്ന വെബ്‌സൈറ്റിലൂടെയോ അപേക്ഷിക്കാവുന്നതാണ്. അപേക്ഷയോടൊപ്പം ആധാർ കാർഡ്, ബാങ്ക് പാസ്ബുക്കിന്റെ ആദ്യപേജ്, അംഗത്വ പാസ്ബുക്കിന്റെ വിശദ വിവരങ്ങളടങ്ങിയ ആദ്യപേജ്, അവസാനം അംശാദായം അടച്ച പേജ്, മേൽപറഞ്ഞ രേഖകളിലെ പേരിലോ വിലാസത്തിലോ വ്യത്യാസമുണ്ടെങ്കിൽ വൺ ആന്റ് സെയിം സർട്ടിഫിക്കറ്റ് എന്നീ രേഖകളും ഹാജരാക്കേണ്ടതാണ്. ഒരിക്കൽ അപേക്ഷ സമർപ്പിച്ചവർ വെബ്‌സൈറ്റിലൂടെയോ, ഇ-മെയിൽ വിലാസത്തിലോ, വാട്‌സാപ്പ് ഗ്രൂപ്പുകളിലോ വീണ്ടും അപേക്ഷിക്കേണ്ടതില്ലെന്ന് ജില്ലാ എക്‌സിക്യൂട്ടീവ് ഓഫീസർ അറിയിച്ചു. ഫോൺ: 0487 2386754.