ലോക്ക് ഡൗൺ: ഇന്ന് ആറ് കേസുകൾ രജിസ്റ്റർ ചെയ്തു

ലോക്ക് ഡൗണിനെ തുടർന്ന് ഇന്ന് (മെയ്‌ 11)  രാവിലെ 11.30 വരെ ജില്ലയിൽ പോലീസ് നടത്തിയ പരിശോധനയിൽ  ആറ് കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി  ആർ. മനോജ് കുമാർ അറിയിച്ചു. ഇത്രയും  കേസുകളിലായി 7 പ്രതികളെ അറസ്റ്റ് ചെയ്തു. 4 വാഹനങ്ങളും പിടിച്ചെടുത്തു.  1250 പോലീസുകാരെ  ജില്ലയിൽ വിന്യസിച്ചിട്ടുണ്ട്.

ഇന്നലെ 199 പേരെ  അറസ്റ്റ് ചെയ്തു

ലോക്ക് ഡൗണിനെ തുടർന്ന് ഇന്നലെ (മെയ്‌ 10) ജില്ലയിൽ പോലീസ് നടത്തിയ പരിശോധനയിൽ 154 കേസുകൾ രജിസ്റ്റർ ചെയ്തു.
ഇത്രയും കേസുകളിലായി 199  പേരെ   അറസ്റ്റ് ചെയ്തിട്ടുണ്ട്. 113 വാഹനങ്ങൾ പിടിച്ചെടുത്തു. കാൽനട യാത്രക്കാർ, വാഹനങ്ങളുമായി ചുറ്റിത്തിരിഞ്ഞവർ,  കടകൾ തുറന്ന്പ്രവർത്തിച്ചവർ   എന്നിവർക്കെതിരെയാണ്  കേസ് രജിസ്റ്റർ ചെയ്തത്.
 
 മാസ്ക് ധരിക്കാത്ത 126 പേർക്കെതിരെ കേസ്

 മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ  126 പേർക്കെതിരെ ഇന്നലെ (മെയ്‌ 10 ) പോലീസ് കേസെടുത്തു.  മാസ്ക് ധരിക്കേണ്ടതിന്റെ  ആവശ്യകത പറഞ്ഞതിനുശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.