എടവനക്കുന്ന് കുടിവെള്ള പദ്ധതിയുടെ പ്രവൃത്തി ഉദ്ഘാടനം ചെയ്തു

കുടിവെള്ള പ്രശ്‌നപരിഹാരത്തിനായി പേരാമ്പ്ര ഗ്രാമപഞ്ചായത്തിൽ നടപ്പാക്കുന്ന എടവനക്കുന്ന് കുടിവെള്ള പദ്ധതിയുടെ പ്രവൃത്തി ഉദ്ഘാടനം ചെയ്തു.
ഗ്രാമപഞ്ചായതിന്റെയും ജില്ലാ പഞ്ചായത്തിന്റെയും സംയുക്താഭിമുഖ്യത്തിൽ നടപ്പാക്കുന്ന പദ്ധതിയുടെ  പ്രവൃത്തി ഉദ്ഘാടനം  ജില്ലാ പഞ്ചായത്ത് ഡിവിഷൻ മെമ്പർ എ കെ ബാലൻ നിർവ്വഹിച്ചു. ജില്ലാപഞ്ചായത്തിന്റെ 10 ലക്ഷം രൂപയും ഗ്രാമ പഞ്ചായത്തിന്റെ 2 ലക്ഷം രൂപയുമാണ് പദ്ധതിക്കായി ഉപയോഗിക്കുന്നത്.
 പഞ്ചായത്ത് പ്രസിഡണ്ട് കെ എം റീന അദ്ധ്യക്ഷത വഹിച്ചു. വാർഡ് മെമ്പർ ആലീസ് മാത്യു , ബ്ലോക്ക് ഡിവിഷൻ മെമ്പർ അജിത കൊമ്മിണിയോട്ട്, അബ്ദുൾ റഹ്മാൻ, മോളി, കെ ബാബു, ജയേഷ് എന്നിവർ പങ്കെടുത്തു.