വോട്ടര് പട്ടികയിൽ പേര് ചേർക്കാൻ അവസരം
അഴിയൂര് ഗ്രാമപഞ്ചായത്തില് വോട്ടര് പട്ടികയില് പേര് ചേര്ക്കല് ക്രമീകരണം ഏര്പ്പെടുത്തുന്നു. പുതുതായി വോട്ടര് പട്ടികയില് പേര് ചേര്ക്കാന് അപേക്ഷ നല്കിയവര് ഹിയറിംഗ് തീയതിക്കും സമയത്തും രേഖകള് നേരിട്ടോ ദൂതന് മുഖേനയോ ഹാജരാക്കിയാല് മതിയാകും. നേരിട്ടുള്ള ഹിയറിംഗ് ഉണ്ടായിരിക്കുന്നതല്ല. വയസ്സ്, താമസം എന്നിവ തെളിയിക്കുന്ന രേഖകൾ മൊബൈല് നമ്പര് സഹിതം സ്വയം സാക്ഷ്യപ്പെടുത്തി ഹാജരാക്കണം. വോട്ടര്പട്ടികയിലെ ക്രമനമ്പര് കൃത്യമായി രേഖപ്പെടുത്തിയിരിക്കണം. രേഖകള് കൃത്യമായില്ലെങ്കിലും വിവരങ്ങള് യഥാവിധി സമര്പ്പിച്ചിട്ടില്ലെങ്കിലും വോട്ട് ഉള്പ്പെടുത്താന് സാധിക്കുകയില്ല. വോട്ട് ചേര്ക്കുമ്പോള് അനുവദിച്ച സമയത്ത് മാത്രമേ രേഖകള് സ്വീകരിക്കുകയുള്ളൂ. പഴയതായി ഫോം നമ്പര് 5 സമര്പ്പിച്ചതില് ക്രമനമ്പര് വ്യത്യാസം വന്നത് കൊണ്ട് ഫോം നമ്പര് അഞ്ചില് പുതുതായി രേഖപ്പെടുത്തിയാവണം പഞ്ചായത്ത് ഓഫീസില് എത്തിക്കേണ്ടത്.
കോവിഡ് മാനദണ്ഡങ്ങള് കര്ശനമായി പാലിക്കുന്നതിൻ്റെ ഭാഗമായി ഒരു സമയത്ത് 5 പേര്ക്ക് മാത്രമേ പഞ്ചായത്ത് കോമ്പൗണ്ടില് പ്രവേശനം ഉണ്ടായിരിക്കുകയുള്ളൂ. പേന കരുതേണ്ടതാണ്.
- Log in to post comments