നേഴ്‌സിംഗ് സ്‌കൂള്‍ പ്രവേശനത്തിന് അപേക്ഷിക്കാം

ആരോഗ്യവകുപ്പിന് കീഴിലെ കോഴിക്കോട് ബീച്ച് ഗവ. സ്‌കൂള്‍ ഓഫ് നേഴ്‌സിംഗ് സ്‌കൂളില്‍ 2020 ഒക്ടോബറില്‍ ആരംഭിക്കുന്ന ജനറല്‍ നേഴ്‌സിംഗ് ആന്‍ഡ് മിഡ് വൈഫറി കോഴ്‌സിലേക്ക് ഫിസിക്‌സ്, കെമിസ്ട്രി, ബയോളജി ഐഛിക വിഷയമായെടുത്ത് 40 ശതമാനം മാര്‍ക്കോടെ പ്ലസ് ടു/ തത്തുല്യ പരീക്ഷ പാസ്സായവരില്‍ നിന്നും അപേക്ഷ ക്ഷണിച്ചു. എസ്.സി/എസ്.ടി വിഭാഗത്തിലുളള അപേക്ഷകര്‍ക്ക് പാസ് മാര്‍ക്ക് മതിയാകും. സയന്‍സ് വിഷയങ്ങള്‍ പഠിച്ച അപേക്ഷകരുടെ അഭാവത്തില്‍ മറ്റുളളവരേയും പരിഗണിക്കും. പ്രായം:  2020 ഡിസംബര്‍ 31 ന് 17 നും 27 നുമിടയിൽ.  പിന്നോക്ക സമുദായക്കാര്‍ക്ക് 3 വര്‍ഷവും പട്ടികജാതി/പട്ടികവര്‍ഗ്ഗക്കാര്‍ക്ക് 5 വര്‍ഷവും ഉയര്‍ന്ന പ്രായപരിധിയില്‍ ഇളവ് അനുവദിക്കും. അപേക്ഷ ഫോമും പ്രോസ്പക്ടസും ആരോഗ്യവകുപ്പ് ഡയറക്ടറുടെ  www.dhskerala.gov.in വെബ്‌സൈറ്റില്‍  ലഭ്യമാണ്. അപേക്ഷ ഫീസ് പട്ടികജാതി പട്ടികവര്‍ഗ്ഗക്കാര്‍ക്ക് 75 രൂപയും മറ്റുളള വിഭാഗത്തിന് 250 രൂപയുമാണ്. അപേക്ഷാ ഫീസ് അപേക്ഷകന്റെ പേരില്‍ ട്രഷറിയില്‍ 0210-80-800-88 എന്ന ശീര്‍ഷകത്തില്‍ അടച്ച്  ചെലാന്‍  അപേക്ഷയോടൊപ്പം നല്‍കണം. അപേക്ഷകള്‍ അനുബന്ധ രേഖകളുടെ സ്വയം സാക്ഷ്യപ്പെടുത്തിയ ശരിപ്പകര്‍പ്പുകള്‍ സഹിതം പ്രിന്‍സിപ്പാള്‍, ഗവ. സ്‌കൂള്‍ ഓഫ് നേഴ്‌സിംഗ്, ബീച്ച് പോസ്റ്റ്, കോഴിക്കോട് 673032 എന്ന വിലാസത്തില്‍ ആഗസ്റ്റ് 27 ന് വൈകീട്ട് അഞ്ചിനകം ലഭിക്കണം. ഫോണ്‍ : 0495 2365977.