ഗാന്ധിജിയുടെ 150ാം ജന്മ വാര്‍ഷികത്തോടനുബന്ധിച്ച് ഖാദി ബോര്‍ഡും പയ്യന്നൂര്‍ ഖാദി കേന്ദ്രവും സംഘടിപ്പിക്കുന്ന ഗാന്ധി സ്മൃതി ഖാദി മേള 2019ന്റെ ജില്ലാതല ഉദ്ഘാടനം ജനുവരി 21 രാവിലെ 11 മണിക്ക് തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി നിര്‍വ്വഹിക്കും. ജില്ലാ പഞ്ചായത്ത് പ്രസിഡണ്ട് കെ. വി. സുമേഷ്, ഖാദിബോര്‍ഡ് മെമ്പര്‍ കെ. ധനന്‍ജയന്‍, കൗണ്‍സിലര്‍ അഡ്വ. ലിഷ ദീപക് തുടങ്ങിയവര്‍ പങ്കെടുക്കും.

മാനവ പുരോഗതിയുടെ കാതല്‍ യുക്തിചിന്തയാണെും ശാസ്ത്രപഠനം ശാസ്ത്രീയ ചിന്തയിലേക്കും ജീവിതരീതിയിലേക്കും നയിക്കണമെന്നും കണ്ണൂര്‍ സര്‍വകലാശാല വൈസ് ചാന്‍സലര്‍ ഡോ.ഗോപിനാഥ്് രവീന്ദ്രന്‍ പറഞ്ഞു. വിദ്യാര്‍ത്ഥികളില്‍ ശാസ്ത്രബോധവും ഗവേഷണ പാടവവും വളര്‍ത്തുക എന്ന ലക്ഷ്യത്തോടെ സമഗ്ര ശിക്ഷ-കേരളം, ഹയര്‍സെക്കണ്ടറി വിദ്യാഭ്യാസ വകുപ്പും കോളേജ് വിദ്യാഭ്യാസ വകുപ്പുമായി ചേര്‍ന്ന് തളിപ്പറമ്പ് സര്‍ സയ്യിദ് കോളേജില്‍ വച്ച് നടത്തുന്ന ശാസ്ത്രപഥം ത്രിദിന ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം.

ദേശീയ സമ്മതിദായക ദിനമായ ജനുവരി 25ന് രാവിലെ 11ന് പ്രതിജ്ഞയെടുക്കും.  എല്ലാ വകുപ്പു മേധാവികളും ജില്ലാ കളക്ടർമാരും പൊതുമേഖലാ/സ്വയംഭരണ സ്ഥാപനങ്ങളുടെ മേധാവികളും ഓഫീസുകളിലും പ്രതിജ്ഞയെടുക്കുന്നതിന് ആവശ്യമായ നടപടി സ്വീകരിക്കണം.  വിദ്യാഭ്യാസ സ്ഥാപനങ്ങളിൽ സംവാദം, പ്രസംഗം, മോക്ക് പോൾ, ചിത്രരചന, ക്വിസ് മത്സരം തുടങ്ങിയ പരിപാടികൾ സംഘടിപ്പിക്കാമെന്നും സർക്കാർ നിർദ്ദേശം നൽകി.

പി.എൻ.എക്സ്. 210/19

ബംഗ്ലൂരുവിലെ നോർക്ക റൂട്ട്‌സ് സാറ്റലൈറ്റ് ഓഫീസ് മെച്ചപ്പെട്ട സൗകര്യങ്ങളോടെ പുതിയ മന്ദിരത്തിലേയ്ക്ക് മാറ്റി.  എഫ് - 09, ജെം പ്ലാസ, ഇൻഫെന്റെറി റോഡ്, ശിവാജി നഗർ, ബംഗ്ലൂരു - 560 001, ഫോൺ:- 080 - 25585090 ആണ് പുതിയ മേൽവിലാസമെന്ന് നോർക്ക റൂട്ട്‌സ് ചീഫ് എക്‌സിക്യൂട്ടീവ് ഓഫീസർ ഹരികൃഷ്ണൻ നമ്പൂതിരി അറിയിച്ചു.

പി.എൻ.എക്സ്. 209/19

ദേശീയ വികലാംഗ ധനകാര്യ വികസന കോർപ്പറേഷൻ ഫെബ്രുവരി ഒന്നു മുതൽ 17 വരെ ഹരിയാനയിൽ സംഘടിപ്പിക്കുന്ന സൂരജ്കുണ്ഡ് മേളയിൽ പങ്കെടുക്കാൻ എൻ.എച്ച്.എഫ്.ഡി.സി. വായ്പ എടുത്ത ഗുണഭോക്താക്കൾക്ക് അപേക്ഷിക്കാം. താല്പര്യമുള്ളവർ പേരും വിശദാംശങ്ങളും നിശ്ചിത മാതൃകയിൽ ഫോട്ടോ സഹിതം സംസ്ഥാന വികലാംഗ ക്ഷേമ കോർപ്പറേഷനിലേക്ക് ഈ മാസം 25 നകം അയക്കണം.

ആയൂർവേദ മെഡിക്കൽ വിദ്യാഭ്യാസ വകുപ്പിന് കീഴിൽ നടത്തുന്ന 2018-19 വർഷത്തെ ആയുർവേദ പാരാമെഡിക്കൽ സർട്ടിഫിക്കറ്റ് കോഴ്‌സിന്റെ (ഫാർമസിസ്റ്റ്/നേഴ്‌സ്/തെറാപ്പിസ്റ്റ്) ഒഴിവുള്ള സീറ്റിലേക്കുള്ള അവസാന അലോട്ട്‌മെന്റ് ഈ മാസം 25 ന് തിരുവനന്തപുരം സർക്കാർ ആയൂർവേദ കോളേജിൽ രാവിലെ 9 മുതൽ നടക്കും. ഓരോ കോഴ്‌സിന്റെയും ഒഴിവുള്ള സീറ്റിന്റെ (കാറ്റഗറി തരത്തിൽ) വിശദാംശങ്ങളും, ഹാജരാക്കേണ്ട വിദ്യാർത്ഥികളുടെ റാങ്ക് നമ്പരും 23 ന് www.ayurveda.kerala.gov.in  എന്ന ഔദ്യോഗിക വെബ്‌സൈറ്റിൽ പ്രസിദ്ധീകരിക്കും.

പി.എൻ.എക്സ്. 206/19

ആയുർവേദ മെഡിക്കൽ വിദ്യാഭ്യാസ വകുപ്പിന് കീഴിൽ നടത്തുന്ന 2017-18 വർഷത്തെ ആയുർവേദ പാരാമെഡിക്കൽ സർട്ടിഫിക്കറ്റ് കോഴ്‌സായ യോഗ & നാച്വറോപ്പതി ടെക്‌നീഷ്യൻ കോഴ്‌സിന്റെ ഫലം www.ayurveda.kerala.gov.in  ൽ പ്രസിദ്ധീകരിച്ചിട്ടുണ്ട്. 

പി.എൻ.എക്സ്. 205/19

സൗദി അറേബ്യയിലെ പ്രമുഖ ദന്തൽ ലാബിലേക്ക് ഡിപ്ലോമ പാസ്സായ മെക്കാനിക്കിനെയും ലാബ് ടെക്‌നീഷ്യനെയും (പുരുഷൻമാർ മാത്രം) നിയമിക്കുന്നതിനായി ഒ.ഡി.ഇ.പി.സി വഴി ഇന്റർവ്യൂ ചെയ്യുന്നു. താൽപര്യമുള്ളവർ ഒ.ഡി.ഇ.പി.സി രജിസ്‌ട്രേഷൻ നമ്പർ ഉൾപ്പെടെയുള്ള ബയോഡാറ്റ, സർട്ടിഫിക്കറ്റുകളുടെ പകർപ്പുകൾ എന്നിവ സഹിതം odepcprivate@gmail.com  എന്ന ഇ-മെയിലിൽ ഈ മാസം 31 ന് മുൻപ് അപേക്ഷിക്കുക. കൂടുതൽ വിവരങ്ങൾക്ക് www.odepc.kerala.gov.in  സന്ദർശിക്കുക. ഫോൺ: 0471-2329440/41/42/43/45.

പി.എൻ.എക്സ്. 204/19