മത്സ്യബന്ധന വകുപ്പ് ജില്ലാ ഓഫീസ് കുമളിയില്‍ നിന്ന് മാറ്റി ഇടുക്കി പൈനാവില്‍ പഴയ കേന്ദ്രീയ വിദ്യാലയ കെട്ടിടത്തില്‍  പ്രവര്‍ത്തനം ആരംഭിച്ചു. മത്സ്യബന്ധന വകുപ്പ് ഓഫീസ് ജില്ലാ ആസ്ഥാനത്തേക്ക് മാറ്റുമെന്ന് വകുപ്പ് മന്ത്രി ജെ. മേഴ്‌സിക്കുട്ടിയമ്മ അറിയിച്ചിരുന്നു. ജില്ലയിലെ ജനങ്ങളുടെ സൗകര്യാര്‍ത്ഥമാണ് ഓഫീസ് മാറ്റിയത്. നീണ്ടനാളത്തെ ആവശ്യമാണ് ഇതോടെ പരിഹരിക്കപ്പെട്ടിരിക്കുന്നത്.

കൊറോണ വൈറസ് (കൊവിഡ് -19) ബാധയുടെ പശ്ചാത്തലത്തില്‍ മാര്‍ച്ച് 18, 19 തീയതികളില്‍ നടത്താനിരുന്ന പോലീസ് കംപ്ലെയിന്റ് അതോറിറ്റിയുടെ ഹിയറിംഗ് മാറ്റിവെച്ചതായി ജില്ലാ പോലീസ് കംപ്ലെയിന്റ്‌സ് അതോറിറ്റി സെക്രട്ടറി അറിയിച്ചു.   പുതുക്കിയ തീയതി പിന്നീട് അറിയിക്കും.

ആയുഷ് വകുപ്പിന്റെ നേതൃത്വത്തില്‍ ജില്ലയിലെ ആയുര്‍വ്വേദ സ്ഥാപനങ്ങളില്‍ പ്രതിരോധ  ക്ലിനിക്കുകള്‍ സജ്ജം.  വ്യക്തികളുടെ വ്യാധിക്ഷമത്വം വര്‍ദ്ധിപ്പിക്കുന്ന  തരത്തിലുള്ള നിരവധി ഔഷധങ്ങള്‍ ആയുര്‍വ്വേദത്തില്‍ പറഞ്ഞിട്ടുണ്ട്. ഇപ്പോഴത്തെ പ്രത്യേക സാഹചര്യം മുന്‍നിര്‍ത്തിയുള്ള ഔഷധങ്ങള്‍ എല്ലാ ആയുര്‍വ്വേദ സ്ഥാപനങ്ങളിലും ലഭിക്കും. മലിനമായ  അന്തരീക്ഷമാണ് പകര്‍ച്ചവ്യാധികള്‍ക്ക് പ്രധാന കാരണം. അന്തരീക്ഷം അണുവിമുക്തമാകുന്നതിനായി ഏറ്റവും ഗുണകരമായ ധൂപന ചൂര്‍ണ്ണങ്ങളും (പുകക്കുന്നതിനുള്ള മരുന്ന്) ജില്ലാ ആയുര്‍വ്വേദാശുപത്രി തൊടുപുഴ, ജില്ലാ ആയുര്‍വ്വേദാശുപത്രി (അനക്‌സ്) പാറേമാവ്, ഗവ.

കൊറോണ വൈറസ് (കോവിഡ് 19) ബാധയുടെ പശ്ചാത്തലത്തില്‍ സര്‍ക്കാര്‍ നിര്‍ദ്ദേശാനുസരണം ജില്ലയിലെ ജനപ്രതിനിധികളുടെയും ബന്ധപ്പെട്ട ഉദ്യോഗസ്ഥരുടെയും അടിയന്തരയോഗം ഇന്ന് (മാര്‍ച്ച് 14) രാവിലെ 10 ന് മന്ത്രിമാരായ എ.കെ ബാലന്‍ കെ. കൃഷ്ണന്‍കുട്ടി എന്നിവരുടെ സാന്നിധ്യത്തില്‍ കലക്ട്രേറ്റ് കോണ്‍ഫറന്‍സ് ഹാളില്‍ നടക്കുമെന്ന് ജില്ലാ കലക്ടര്‍ അറിയിച്ചു.

കോവിഡിന്റെ പശ്ചാത്തലത്തില്‍ നിയമസഭയുടെ സെന്റര്‍ ഫോര്‍ പാര്‍ലമെന്ററി സ്റ്റഡീസിന്റെയും കേരള സ്റ്റേറ്റ് ഫോര്‍മര്‍ എം.എല്‍.എ ഫോറത്തിന്റെയും സംയുക്ത ആഭിമുഖ്യത്തില്‍ 20ന് നിയമസഭാ സമുച്ചയത്തിലെ ബാങ്ക്വറ്റ് ഹാളില്‍ 'ഇന്ത്യന്‍ ഭരണഘടനയും ജനാധിപത്യവും' എന്ന വിഷയത്തില്‍ നടത്തുവാനിരുന്ന സെമിനാര്‍ മാറ്റി.

കോവിഡ് 19 (കൊറോണ) നെക്കുറിച്ചുള്ള ശരിയായ വിവരങ്ങള്‍ ഇനി ജി.ഒ.കെ ഡയറക്ട് (ഏഛഗ ഉശൃലര)േ എന്ന മൊബൈല്‍ ആപ്പിലൂടെ അറിയാം. ആന്‍ഡ്രോയിഡ് ഫോണുകളില്‍ പ്ലേ സ്റ്റോറില്‍ നിന്ന് ആപ്പ് ഡൗണ്‍ലോഡ് ചെയ്യാം. ഐ ഫോണ്‍ ആപ്പ് സ്റ്റോറില്‍ ഈ ആപ്പ് ഉടന്‍ ലഭ്യമാവും. ആപ്പിന്റെ ക്യൂആര്‍ കോഡ് സ്‌കാന്‍ ചെയ്തും ഉപയോഗിക്കാം. കോവിഡ് 19 നെ സംബന്ധിച്ച യഥാര്‍ഥ വിവരങ്ങള്‍ ജനങ്ങളിലേക്ക് എത്തിക്കുന്നതിനും അതുവഴി ആശങ്കകള്‍ ഒഴിവാക്കുക ലക്ഷ്യമിട്ട് ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ് വകുപ്പിന്റെ നേതൃത്വത്തില്‍ കേരള സ്റ്റാര്‍ട്ടപ്പ് മിഷനു കീഴിലുള്ള ക്യു കോപ്പി എന്ന സ്ഥാപനമാണ് മൊബൈല്‍ ആപ്പ് തയ്യാറാക്കിയത്.

കരുതലോടെ മുന്നോട്ട്...

കേരള സംസ്ഥാന യുവജനക്ഷേമ ബോര്‍ഡിന്റെ ഇടുക്കി ജില്ലാ യുവജന കേന്ദ്രത്തിന്റെ ആഭിമുഖ്യത്തില്‍ തൊടുപുഴയില്‍ 'ബ്രേക്ക് ദ ചെയ്ന്‍'   ക്യാമ്പയിന്‍ സംഘടിപ്പിച്ചു. 'കൈ കഴുകൂ കൊറോണയ്‌ക്കെതിരെ സ്വയം പ്രതിരോധിക്കൂ' എന്ന സന്ദേശം പൊതുജനങ്ങളില്‍ എത്തിക്കുന്നതിന്റെ ഭാഗമായാണ്  ക്യാമ്പയിന്‍ സംഘടിപ്പിച്ചത്. തൊടുപുഴ മുനിസിപ്പല്‍ ആക്ടിങ് ചെയര്‍മാന്‍ എം.കെ. ഷാഹുല്‍ ഹമീദ് പരിപാടി ഉദഘാടനം ചെയ്തു. മുനിസിപ്പല്‍ യൂത്ത് കോ ഓര്‍ഡിനേറ്റര്‍ ഷിജി ജെയിംസ്, കേരള വോളണ്ടറി യൂത്ത് ആക്ഷന്‍ ഫോഴ്‌സ്  വോളന്റിയേഴ്സ്  ഫെലിക്‌സ്, സുധിന്‍, ജിന്‍സണ്‍ തുടങ്ങിയര്‍ നേതൃത്വം നല്‍കി.