ജില്ലയില്‍ 2020-21 അധ്യയന വര്‍ഷത്തെ പാഠപുസ്തക വിതരണം തുടങ്ങി. ഒന്ന് മുതല്‍ ഏഴ് വരെ ക്ലാസുകളിലെ പാഠപുസ്തകങ്ങളാണ് ആദ്യഘട്ടത്തില്‍ വിതരണം ചെയ്യുന്നത്. കുടുംബശ്രീയ്ക്കാണ് വിതരണ ചുമതല. തിരുവല്ല, ആറന്മുള, മല്ലപ്പള്ളി വിദ്യാഭ്യാസ ഉപജില്ലകളിലെ വിതരണം പൂര്‍ത്തിയായി. മറ്റ് ഉപജില്ലകളിലേക്കുള്ള പാഠപുസ്തകത്തിന്റെ ക്രമീകരണം തിരുവല്ല പാഠപുസ്തക ഡിപ്പോയില്‍ നടന്നുകൊണ്ടിരിക്കുകയാണ്. ജില്ലയിലെ     പാഠപുസ്തകവിതരണം നിശ്ചിത സമയപരിധിക്കുള്ളില്‍ പൂര്‍ത്തീകരിക്കുമെന്ന് വിദ്യാഭ്യാസ ഉപഡയറക്ടറുടെ അധികചുമതലയുള്ള ജില്ലാ വിദ്യാഭ്യാസ ഓഫീസര്‍ അറിയിച്ചു. 

                (പിഎന്‍പി 2626/20)

   സി.കെ ശശീന്ദ്രന്‍ എം.എല്‍.എയുടെ ആസ്തി വികസന ഫണ്ടില്‍ ഉള്‍പ്പെടുത്തി കോട്ടത്തറ ഗ്രാമ പഞ്ചായത്ത് ഓഫീസ് കെട്ടിട നിര്‍മ്മാണത്തിനായി 25 ലക്ഷം രൂപ അനുവദിച്ചു.  
   ഒ.ആര്‍ കേളു എം.എല്‍.എയുടെ ആസ്തി വികസന ഫണ്ടില്‍ ഉള്‍പ്പെടുത്തി ജില്ലാ ആശുപത്രിക്ക് ഐ.സി.യു മൊബൈല്‍ അംബുലന്‍സ് വാങ്ങുന്നതിന് 32 ലക്ഷം രൂപ അനുവദിച്ചു.

     ജൂണ്‍ 19 മുതല്‍ ജൂലൈ 7 വരെ ജില്ലയില്‍ വിവിധ പരിപാടികളോടെ വായനാപക്ഷാചരണം സംഘടിപ്പിക്കും. ജില്ലാ ഭരണകൂടവും ലൈബ്രറി കൗണ്‍സിലും പി.എന്‍ പണിക്കര്‍ ഫൗണ്ടേഷനും സംയുക്തമായാണ് പക്ഷാചരണം സംഘടിപ്പിക്കുന്നത്. ജില്ലാതല ഉദ്ഘാടനം 19 ന് കളക്‌ട്രേറ്റില്‍ നടക്കും. പക്ഷാചരണത്തിന്റെ ഭാഗമായി വിദ്യാര്‍ത്ഥികള്‍ക്കും പൊതുജനങ്ങള്‍ക്കുമായി വിവിധ മത്സരങ്ങള്‍ നടത്തും. പരിപാടികള്‍ സംബന്ധിച്ച ആലോചനായോഗം ഡെപ്യൂട്ടി കളക്ടര്‍ ഇ.മുഹമ്മദ് യൂസഫിന്റെ നേതൃത്വത്തില്‍ കളക്‌ട്രേറ്റില്‍ ചേര്‍ന്നു. സംസ്ഥാനതല ഉദ്ഘാടം 19 ന് മുഖ്യമന്ത്രി ഓണ്‍ലൈനായി നിര്‍വ്വഹിക്കും.
 

മൂന്ന് ദിവസത്തിനിടെ ഏഴ് രാജ്യങ്ങളിൽ നിന്നായി 39 പ്രവാസികൾ കൂടി ഇടുക്കി ജില്ലയിലെത്തി. പത്ത് വയസിൽ താഴെയുള്ള മൂന്ന് കുട്ടികളുൾപ്പെടെ 25 പുരുഷൻമാരും 14 സ്ത്രീകളുമാണ് കൊച്ചി, തിരുവനന്തപുരം എയർപോർട്ടുകൾ വഴി നാട്ടിലെത്തിയത്. ആരോഗ്യ പരിശോധനകൾക്ക് ശേഷം ഇവരിൽ 34 പേരെ വീടുകളിലും രണ്ട് പേരെ കോവിഡ് കെയർ സെൻ്ററുകളിലും മൂന്ന് പേരെ പെയ്ഡ് ക്വാറൻ്റൈൻ സെൻ്ററുകളിലും നിരീക്ഷണത്തിലാക്കി. വിവിധ താലൂക്കുകളിലേക്കെത്തിയവർ: പീരുമേട് 10, തൊടുപുഴ 5, ഉടുമ്പൻചോല 5, ഇടുക്കി 8, ദേവികുളം 11.

കോവിഡ് 19 രോഗബാധയുടെ പശ്ചാത്തലത്തില്‍ ജില്ലയില്‍ നിലവിലുള്ളത് 26 ഹോട്ട്‌സ്‌പോട്ടുകള്‍. ഇന്ന് ( ജൂൺ 17 ) അകത്തേത്തറ ഗ്രാമപഞ്ചായത്തിലെ 2, 3 വാർഡുകളെ ഹോട്ട്‌സ്‌പോട്ട്/ കണ്ടെയ്‌ൻമെന്റ് സോണുകളിൽ നിന്ന് ഒഴിവാക്കിയിട്ടുണ്ട്.

तिरुवनंतपुरम, 17 जून: केरल के मुख्यमंत्री श्री पिनराई विजयन ने आज घोषणा की कि विदेश से लौटने वाले सभी भारतीयों का उड़ान भरने से पहले कोविड टेस्ट किया जाए, भले ही वह वंदे भारत मिशन के तहत आ रहे हों, या चार्टर्ड उड़ान से। निजी एयरलाइंस पहले से ही कोविड के नकारात्मक परीक्षण पर जोर दे रही हैं ताकि यात्रियों को घर वापस जाने की अनुमति दी जा सके।

സംസ്ഥാന സര്‍ക്കാരിന്റെ സുഭിക്ഷ കേരളം പദ്ധതിയുടെ ഭാഗമായി  ക്ഷീരവികസനവകുപ്പിന്റെ നേതൃത്വത്തില്‍ മൃഗസംരക്ഷണവകുപ്പ്, മില്‍മ എന്നിവയുടെ സഹകരണത്തോടെ ക്ഷീരസഹകരണസംഘങ്ങള്‍ മുഖേന 2020 ജൂണ്‍,ജൂലൈ മാസങ്ങള്‍ കൊണ്ട് ഇടുക്കി ജില്ലയില്‍ 50,000  കര്‍ഷകര്‍ക്ക് കിസാന്‍ ക്രെഡിറ്റ് കാര്‍ഡ് ലഭ്യമാക്കും. നിലവില്‍ ജില്ലയില്‍ 3000 പേര്‍ക്ക് മാത്രമേ കിസാന്‍ ക്രെഡിറ്റ് കാര്‍ഡ് ലഭിച്ചിട്ടുള്ളൂ.

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 120 പേരാണ് ചികിത്സയിലുള്ളത്. കൂടാതെ, വിവിധ ആശുപത്രികളിലായി  പേര്‍ 42 നിരീക്ഷണത്തിലുമുണ്ട്. ഇന്ന് (ജൂണ്‍ 17) ജില്ലയില്‍ 6 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 14 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 14102 സാമ്പിളുകള്‍ പരിശോധനയ്ക്കായി അയച്ചതില്‍ 13564 പരിശോധനാ ഫലങ്ങളാണ് ലഭ്യമായത്. 295 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇന്ന് 364 പരിശോധനാ ഫലങ്ങളാണ് ലഭിച്ചത്. പുതുതായി 68 സാമ്പിളുകളും അയച്ചു. ഇനി 538 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.