എന്ത് വായിക്കണം എന്നതിനേക്കാള്‍ എങ്ങനെ വായിക്കണം എന്നതിന് പ്രാധാന്യം നല്‍കണമെന്ന് അഡ്വ കെ  സോമപ്രസാദ് എം പി. പുസ്തകം എഴുതപ്പെട്ട  കാലത്തിന്റെ ചരിത്രം, സാമൂഹ്യ പശ്ചാത്തലം എന്നിവ കൂടി  ഉള്‍ക്കൊണ്ടുള്ള വായനാരീതി പിന്തുടരണമെന്നും അദ്ദേഹം  പറഞ്ഞു.

കോവിഡ് പശ്ചാത്തലത്തില്‍  ഓണ്‍ലൈന്‍ വിദ്യാഭ്യാസ നയങ്ങള്‍ ഡിജിറ്റല്‍ വായനയുടെ സാധ്യത വര്‍ധിപ്പിക്കുമെന്ന് ഫിഷറീസ് വകുപ്പ് മന്ത്രി ജെ മേഴ്‌സിക്കുട്ടിയമ്മ. കലക്‌ട്രേറ്റ് കോണ്‍ഫറന്‍സ് ഹാളില്‍  നടന്ന വായനാദിന മാസാചരണത്തിന്റെ ജില്ലാതല ഉദ്ഘാടനം വീഡിയോ കോണ്‍ഫറന്‍സിലൂടെ നിര്‍വഹിക്കുകയായിരുന്നു  മന്ത്രി.

കാർഷിക വികസന കർഷക ക്ഷേമ വകുപ്പിലെ 2020ലെ പൊതുസ്ഥലംമാറ്റ നടപടിക്രമങ്ങൾ ആരംഭിച്ചു.  ഈ മാസം 21 മുതൽ 27 വരെ സ്പാർക്ക് വഴി ഓൺലൈനായി അപേക്ഷകൾ സമർപ്പിക്കാം.  വിശദാംശങ്ങൾക്ക്: www.keralaagriculture.gov.in   
പി.എൻ.എക്സ്. 2222/2020

എൻട്രൻസ് പരീക്ഷകൾ ഉൾപ്പെടെ നിരവധി പരീക്ഷകൾ നടക്കുന്നതിനാൽ 21ന് സമ്പൂർണ ലോക്ക്ഡൗൺ നിയന്ത്രണങ്ങൾ ഒഴിവാക്കി സർക്കാർ ഉത്തരവായി.
പി.എൻ.എക്സ്. 2221/2020

കോവിഡ് 19 പശ്ചാത്തലത്തിൽ അശരണരെ പാർപ്പിക്കുന്ന ഒല്ലൂർ ക്യാമ്പിലെ അന്തേവാസി പാലക്കാട് പുതുശ്ശേരി കോവിൽപാളയം സ്വദേശി അപ്പുണ്ണി (82) ജൂൺ 14 ന് ചികിത്സയ്ക്കിടെ നിര്യാതനായി. ബന്ധുക്കളെ കണ്ടെത്താൻ കഴിഞ്ഞിട്ടില്ല. ഏതെങ്കിലും വിവരം അറിയുന്നവർ ഒല്ലൂർ പോലീസുമായി ബന്ധപ്പെടുക. ഫോൺ: 9605060504, 9497987132.

കോവിഡ് 19 പശ്ചാത്തലത്തിൽ തൃശൂർ ജില്ലയിലെ വിമുക്തഭടന്മാരുടെ 2020 ജനുവരി, ഫെബ്രുവരി, മാർച്ച്, ഏപ്രിൽ, മെയ് മാസങ്ങളിൽ പുതുക്കേണ്ട എംപ്ലോയ്മെന്റ് രജിസ്ട്രേഷൻ പുതുക്കാൻ സാധിക്കാത്തവർക്ക് 2020 ഓഗസ്റ്റ് 31 വരെ രജിസ്ട്രേഷൻ പുതുക്കാൻ സമയം അനുവദിച്ചിരിക്കുന്നതായി ജില്ലാ സൈനിക ക്ഷേമ ഓഫീസർ ഷിജു ഷെരീഫ് അറിയിച്ചു. കൂടുതൽ വിവരങ്ങൾക്ക് ഫോൺ 0487- 2384037.

തമിഴ്നാട് പോലീസിൽ 55 വയസ്സിൽ താഴെ പ്രായമുള്ള കരസേനയിൽ നിന്നും വിരമിച്ച സുബേദാർ റാങ്ക് വരെയുള്ള ബോംബ് ഡിസ്പോസൽ സ്‌ക്വാഡിൽ മുൻപരിചയമുള്ള വിമുക്തഭടൻമാർക്ക് അവസരം. കൂടുതൽ വിവരങ്ങൾക്ക് തൃശൂർ പൂത്തോളുള്ള ജില്ലാ സൈനിക ക്ഷേമ ഓഫീസുമായി ബന്ധപ്പെടണമെന്ന് ജില്ലാ സൈനിക ക്ഷേമ ഓഫീസർ ഷിജു ഷെരിഫ് അറിയിച്ചു. ബന്ധപ്പെടേണ്ട നമ്പർ 0487-2384037.