മലപ്പുറം ജില്ലയില്‍ 11 പേര്‍ക്ക് കൂടി ഇന്നലെ (ജൂണ്‍ 17) കോവിഡ് 19 സ്ഥിരീകരിച്ചു. ഇതില്‍ ഒരാള്‍ക്ക് സമ്പര്‍ക്കത്തിലൂടെയാണ് രോഗബാധ. മൂന്ന് പേര്‍ ഇതര സംസ്ഥാനങ്ങളില്‍ നിന്നും ഏഴ് പേര്‍ വിദേശ രാജ്യങ്ങളില്‍ നിന്നെത്തിയവരുമാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. പുതുതായി രോഗബാധ സ്ഥിരീകരിച്ചവരെല്ലാം മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ ചികിത്സയിലാണ്. 

കേരളാ ഓട്ടോമൊബൈല്‍ വര്‍ക്ക്ഷോപ്പ് തൊഴിലാളി ക്ഷേമനിധി പദ്ധതിയില്‍ അംഗത്വം എടുത്തതിനു ശേഷം അംശാദായം ഒടുക്കുന്നതില്‍ മുടക്കം വരുത്തിയ തൊഴിലാളികള്‍ക്ക് തുക അടയ്ക്കുന്നതിനുള്ള സമയപരിധി  സെപ്റ്റംബര്‍ 30 വരെ ദീര്‍ഘിപ്പിച്ചു. മുടങ്ങിയ കാലയളവിലെ വിഹിതവും പിഴപ്പലിശയും ചേര്‍ത്ത് ഈടാക്കിയാണ് അംഗത്വം പുതുക്കി നല്‍കുക. ഫോണ്‍: 0481-2585510

പെരിന്തല്‍മണ്ണ നഗരസഭയില്‍ ജീവിതശൈലി രോഗങ്ങള്‍ അലട്ടുന്നവര്‍ക്കായി കുടുംബശ്രീയുടെ  'സാന്ത്വനം - ഹെല്‍ത്ത് സ്‌ക്രീനിങ്ങ്' പദ്ധതിക്ക് തുടക്കമായി.  പരിശീലനം നേടിയ കുടുംബശ്രീ സാന്ത്വനം വളണ്‍ിയര്‍മാര്‍  രക്തസമര്‍ദ്ദം,  പ്രമേഹം,  കൊളസ്‌ട്രോള്‍ തുടങ്ങിയവ വീടുകളിലെത്തി പരിശോധിച്ച് റിപ്പോര്‍ട്ട് നല്‍കും. നഗരസഭയിലെ എല്ലാ വാര്‍ഡുകളും ഉള്‍ക്കൊള്ളുന്ന തരത്തില്‍ പരിശീലനം ലഭിച്ച മൂന്ന് കുടുംബശ്രീ പ്രവര്‍ത്തകരെയാണ് ഇതിനായി നിയോഗിച്ചിട്ടുള്ളത്.  വീടുകളിലെത്തി  കുറഞ്ഞ ചെലവില്‍ പരിശോധിക്കുന്ന ഈ പദ്ധതി പതിവായി രക്തപരിശോധന ആവശ്യമുള്ള കിടപ്പുരോഗികള്‍, വൃദ്ധര്‍ എന്നിവര്‍ക്ക് ഏറെ പ്രയോജനപ്പെടും.

പൊതുവിദ്യാഭ്യാസ വകുപ്പിന്റെ ഓണ്‍ലൈന്‍ ക്ലാസിന് സൗകര്യമില്ലാത്ത വിദ്യാര്‍ഥികള്‍ക്ക് സമഗ്ര ശിക്ഷ കേരള ബി.ആര്‍.സി പഠനസൗകര്യമൊരുക്കി. വേങ്ങര കണ്ണമംഗലം ഗ്രാമപഞ്ചായത്തിലെ മൂന്നാം വാര്‍ഡിലെ വിദ്യാര്‍ഥികള്‍ക്ക് മേമ്മാട്ടുപാറ അങ്കണവാടിയില്‍ പ്രവര്‍ത്തിക്കുന്ന പഠനകേന്ദ്രത്തില്‍ ടി.വി സ്ഥാപിച്ചാണ് ബി.ആര്‍.സി പഠന സൗകര്യമൊരുക്കിയത്. ഒന്നു മുതല്‍ പ്ലസ്ടു വരെ പഠിക്കുന്ന ഇരുപതോളം  വിദ്യാര്‍ഥികള്‍ക്ക് ഒരുക്കിയ പഠനകേന്ദ്രത്തില്‍ രണ്‍്  അധ്യപകരുടെ സഹായവും ലഭിക്കും.    

സ്ഥിരം അപകട മേഖലയായ തേഞ്ഞിപ്പലം പാണമ്പ്ര ദേശീയപാത വളവില്‍ ഡി വൈഡറിന്റെയും സുരക്ഷാ ഭിത്തികളുടെയും നവീകരണ പ്രവൃത്തികള്‍ പൂര്‍ത്തിയായി. ദേശീയപാത പാണമ്പ്ര മുതല്‍ കോഹിനൂര്‍ വരെയുള്ള മേഖലയിലാണ് ഡിവൈഡര്‍ പുതുക്കി പണിതത്. യാത്രക്കാരുടെ സുരക്ഷയ്ക്കായി ട്രാഫിക് സിഗ്നലുകളും സൂചന ബോര്‍ഡുകളും റിഫ്‌ളറ്റിങ് ടൈലുകളും   ഉടന്‍ സ്ഥാപിക്കും. ഡിവൈഡറില്‍ പെയിന്റ് പൂശുന്ന പ്രവൃത്തി പൂര്‍ത്തിയായിട്ടുണ്‍്. 

മലപ്പുറം ജില്ലാ കലക്ടറേറ്റില്‍ ഉദ്യോഗസ്ഥര്‍ക്കും സന്ദര്‍ശകര്‍ക്കും കലക്ടറുടെ നിര്‍ദേശ പ്രകാരം തെര്‍മല്‍ സ്‌കാനര്‍  സ്‌ക്രീനിങ് ആരംഭിച്ചു. അതത് ഓഫീസുകളില്‍ ഉദ്യോഗസ്ഥര്‍ തന്നെയാണ് സ്‌ക്രീനിങ് നടത്തുന്നത്. ഇവര്‍ക്ക് ആരോഗ്യ വകുപ്പ് ഉദ്യോഗസ്ഥര്‍ സ്‌ക്രീനിങ് പരിശീലനം നല്‍കി. കോവിഡ് സുരക്ഷാ മാനദണ്ഡങ്ങള്‍ പാലിച്ചാണ് തെര്‍മല്‍ സ്‌കാനര്‍ വഴി പരിശോധന നടത്തുന്നത്.
(എം.പി.എം 2249/2020)
 

കോവിഡ് 19ന്റെ പശ്ചാത്തലത്തില്‍ ജില്ലാകലക്ടറുടെ അധ്യക്ഷതയിലുള്ള വീഡിയോ കോണ്‍ഫറന്‍സ് വഴിയുള്ള ഓണ്‍ലൈന്‍ പൊതുജന പരാതി പരിഹാര അദാലത്ത് ജില്ലയിലെ മൂന്ന് താലൂക്കുകളില്‍ ജൂണ്‍ 25 മുതല്‍ നടത്തും. ജൂണ്‍ 25ന് തിരൂരങ്ങാടി, 29ന് കൊണ്‍ോട്ടി, 30ന് നിലമ്പൂര്‍ എന്നിങ്ങനെയാണ് അദാലത്ത് നടത്തുന്നത്. അദാലത്തിലേക്കുള്ള അപേക്ഷകള്‍  ഇന്ന്( ജൂണ്‍ 18) മുതല്‍ അതത് താലൂക്കുകളിലെ അദാലത്ത് തീയതിക്ക് രണ്‍് ദിവസം മുന്‍പ് വരെ അക്ഷയ കേന്ദ്രങ്ങളിലൂടെ നല്‍കാം. അപേക്ഷകര്‍ വീഡിയോ കോണ്‍ഫറന്‍സില്‍ പങ്കെടുക്കുന്നതിനായി അദാലത്ത് ദിവസം കൃത്യ സമയത്ത് അക്ഷയ കേന്ദ്രങ്ങളില്‍ ഹാജരാകണം. 
(എം.പി.എം 2248/2020)
 

കോവിഡ് 19ന്റെ ഭാഗമായി നിരീക്ഷണത്തിലുള്ളവര്‍ക്ക് പ്രതിരോധ ശേഷി വര്‍ധിപ്പിക്കാന്‍ ആയുര്‍വേദ ഔഷധങ്ങള്‍ നല്‍കുന്ന സംസ്ഥാന സര്‍ക്കാരിന്റെ 'അമൃതം പദ്ധതി'ക്ക് ജില്ലയില്‍ മികച്ച പ്രതികരണം. സംസ്ഥാന ആയുര്‍വേദ റെസ്‌പോണ്‍സ് സെല്ലിന്റെ മാര്‍ഗ നിര്‍ദേശമനുസരിച്ച് ജില്ലയിലെ 115 സര്‍ക്കാര്‍ ആയുര്‍വേദ സ്ഥാപനങ്ങളില്‍ പദ്ധതി നടപ്പാക്കി കഴിഞ്ഞു.  ജില്ലയില്‍ നിരീക്ഷണത്തില്‍ കഴിയുന്ന അയ്യായിരത്തിലധികം പേര്‍ ഇതിനകം പദ്ധതിയുടെ ഭാഗമായതായി ജില്ലാ മെഡിക്കല്‍ ഓഫീസര്‍ (ഐ.എസ്.എം) ഡോ.കെ സുശീല അറിയിച്ചു.