ആലപ്പുഴ: വായന ദിനത്തില്‍ കുട്ടികള്‍ക്കായി ഓണ്‍ലൈന്‍ പഠന കേന്ദ്രമൊരുക്കി ഇ @ മാരാരി. കലവൂര്‍ കാറ്റാടി വായന ശാലയില്‍ ആരംഭിച്ച പ്രാദേശിക പഠന കേന്ദ്രത്തിന്റെ ഉദ്ഘാടനം അഡ്വ. എ. എം ആരിഫ് എം. പി നിര്‍വഹിച്ചു. മാരാരിക്കുളം ഡിവിഷനില്‍ ജില്ലാ പഞ്ചായത്ത് നടപ്പാക്കുന്ന ഇ @ മാരാരിയുടെ പത്താമത്തെ കേന്ദ്രമാണിത്.

ആലപ്പുഴ: ജില്ലയിൽ പ്രവർത്തിക്കുന്ന മാനസികാരോഗ്യ പുനരിധവാസ കേന്ദ്രങ്ങൾക്ക് (സൈക്കോസോഷ്യൽ റീഹാബിലിറ്റേഷൻ ആന്റ് എസ്റ്റാബിഷ്‌മെന്റ് കെയർ ഹോം ഫോർ മെന്റലി ഇൻസ്റ്റിറ്റിയൂഷൻസ്) ഈ വർഷത്തെ ഗ്രാന്റ്  എൻ എയ്ഡ് ലഭിക്കുന്നതിനായി നിശ്ചിത പ്രൊഫോർമയിലുള്ള  അപേക്ഷ  ജൂൺ 24നു മുമ്പായി ജില്ലാ സാമൂഹ്യ നീതി ഓഫീസിൽ നൽകേണ്ടതാണെന്ന്  ജില്ലാ സാമൂഹ്യനീതി ഓഫീസർ അറിയിച്ചു. ഫോൺ: 0477 2253870. 

ആലപ്പുഴ: പെരുമ്പളം കായലില്‍ വള്ളം മുങ്ങി ഉണ്ടായ അപകടത്തില്‍പ്പെട്ടവരെ രക്ഷിച്ച ജലഗതാഗത വകുപ്പ് റെസ്‌ക്യൂ ബോട്ട് ജീവനക്കാരെ തൈക്കാട്ടുശേരി ബ്ലോക്ക് പഞ്ചായത്ത്  ആദരിച്ചു. ജലഗതാഗത വകുപ്പ് ജീവനക്കാരായ എന്‍.എസ്.സൂരജ്, ഡി.പി.സജീവ്, എസ്.ഷിയാസ് എന്നിവരെയാണ് ആദരിച്ചത്.

തൈക്കാട്ടുശേരി ബ്ലോക്ക് പഞ്ചായത്തിന്റെ ആഭിമുഖ്യത്തില്‍ നടന്ന അനുമോദന ചടങ്ങില്‍ ബ്ലോക്ക് പഞ്ചായത്ത് പ്രസിഡന്റ് നിര്‍മല സെല്‍വരാജ്, വൈസ് പ്രസിഡന്റ് സന്തോഷ് രാമകൃഷ്ണന്‍, ബ്ലോക്ക് പഞ്ചായത്ത് അംഗങ്ങള്‍, ബി.ഡി.ഒ എ.ബിജുകുമാര്‍ തുടങ്ങയവര്‍ പങ്കെടുത്തു.
 

ആലപ്പുഴ:  ചെങ്ങന്നൂർ അങ്ങാടിയ്ക്കൽ എസ്.സി.ആർ.വി. ടി.ടി.ഐയിൽ ടി.എസ്.എ (ഇംഗ്ലീഷ്), ടി.എസ്.എ(മലയാളം), ടി.എസ്.എ(കണക്ക്) തസ്തികയില്‍ താല്‍ക്കാലിക അധ്യാപകരെ 2020-21 അദ്ധ്യയനവർഷത്തിലേയ്ക്ക് നിയമിക്കുന്നു. മാവേലിക്കര ജില്ലാ വിദ്യാഭ്യാസ ആഫീസറുടെ കാര്യാലയത്തിൽ  ജൂണ്‍ 26ന്  വെള്ളി രാവിലെ 11 ന് നടക്കുന്ന അഭിമുഖത്തിൽ യോഗ്യരായ 
ഉദ്യോഗാര്‍ത്ഥികൾ അസ്സൽ സർട്ടിഫിക്കറ്റുകൾ സഹിതം ഹാജരാകണമെന്ന് മാവേലിക്കര ജില്ല വിദ്യാഭ്യാസ ഓഫീസര്‍ അറിയിച്ചു. യോഗ്യത: ടി.എസ്.എ -അതാതു വിഷയത്തിലുള്ള 55% മാർക്കോടെയുളള ബിരുദാനന്തര ബിരുദവും എം.എഡും.

പരീക്ഷ ഭവന്‍ 2020 ഫെബ്രുവരി മാസം നടത്തിയ കെ ടെറ്റ് പരീക്ഷയില്‍ കൊല്ലം വിദ്യഭ്യാസ ജില്ലയുടെ പരിധിയിലുള്ള സെന്ററുകളില്‍ പരീക്ഷ എഴുതി വിജയിച്ചവരുടെ യോഗ്യത സര്‍ട്ടിഫിക്കറ്റുകളുടെ അസല്‍ പരിശോധന ജൂണ്‍ 22 മുതല്‍ 26 വരെ രാവിലെ 10.30 മുതല്‍ വൈകിട്ട് നാലുവരെ ചിന്നക്കട ക്രേവന്‍ എല്‍ എം എസ് എച്ച് എസില്‍ നടക്കും.
ജൂണ്‍ 22 ന് രാവിലെ 10.30 മുതല്‍ ഉച്ചയ്ക്ക് ഒന്നുവരെ കാറ്റഗറി ഒന്നും ഉച്ചകഴിഞ്ഞ് രണ്ടു മുതല്‍ വൈകിട്ട് നാലുവരെ കാറ്റഗറി നാലിലുമുള്ളവരുടെ സര്‍ട്ടിഫിക്കറ്റ് പരിശോധനയാണ് നടക്കുക.

അങ്കണവാടി ടീച്ചര്‍മാരെ  അപമാനിച്ച് പരാമര്‍ശങ്ങള്‍ നടത്തിയ നടന്‍ ശ്രീനിവാസനെതിരെ  കേരള വനിതാ കമ്മീഷന്‍  കേസെടുത്തു. അങ്കണവാടി ടീച്ചര്‍മാരുടെ പരാതിയില്‍ വനിതാ കമ്മീഷന്‍ അംഗം ഡോ  ഷാഹിദാ കമാലാണ് കേസെടുത്തത്. ഒരു ചാനല്‍ അഭിമുഖത്തിലാണ് നടന്‍ ശ്രീനിവാസന്‍  അങ്കണവാടി ടീച്ചര്‍മാരെ കുറിച്ച് മോശമായി അഭിപ്രായപ്പെട്ടത്.

പൊതുവിദ്യാഭ്യാസ മേഖലയില്‍ സമ്പൂര്‍ണ ഡിജിറ്റൈസേഷന്‍ കൈവരിക്കുമെന്ന് ഫിഷറീസ് വകുപ്പ് മന്ത്രി ജെ മേഴ്സിക്കുട്ടിയമ്മ. നിര്‍ധന വിദ്യാര്‍ഥികള്‍ക്ക് ഓണ്‍ലൈന്‍ വിദ്യാഭ്യാസത്തിനുള്ള സൗകര്യങ്ങള്‍ ഒരുക്കുന്നത്തിന്റെ ഭാഗമായി  നെടുമ്പന, മയ്യനാട്, ആദിച്ചനല്ലൂര്‍ പഞ്ചായത്തുകളിലെ സഹകരണ ബാങ്കുകളുടെ ആഭിമുഖ്യത്തില്‍ കൊട്ടിയത്ത്  സംഘടിപ്പിച്ച ടെലിവിഷന്‍ വിതരണം ഉദ്ഘാടനം ചെയ്യുകയായിരുന്നു മന്ത്രി. മൂന്നു പഞ്ചായത്തുകളിലെ നൂറ്റി അന്‍പതോളം വിദ്യാര്‍ഥികള്‍ക്ക് പദ്ധതിയിലൂടെ  ടെലിവിഷനുകള്‍ ലഭിച്ചു.