കേരളത്തിൽ കോവിഡ് 19 സ്ഥിരീകരിച്ച സാഹചര്യത്തിൽ കേരള മെഡിക്കൽ സർവീസസ് കോർപ്പറേഷന്റെ ആസ്ഥാനത്ത് വിവിധ വിഭാഗങ്ങളിൽ ഡാറ്റാ എൻട്രി ഓപ്പറേറ്റർമാരെ തിരഞ്ഞെടുക്കുന്നതിന് 27ന് നടത്താനിരുന്ന ഇന്റർവ്യൂ മാറ്റിവച്ചതായി എം.ഡി അറിയിച്ചു.
പി.എൻ.എക്സ്.1133/2020

പരമ്പരാഗത മത്സ്യബന്ധനയാനങ്ങൾക്ക് മണ്ണെണ്ണ പെർമിറ്റ് നൽകുന്നതിനായി ഫിഷറീസ്, സിവിൽ സപ്ലൈസ് വകുപ്പുകളിലെയും മത്സ്യഫെഡിലെയും ഉദ്യോഗസ്ഥരുടെ നേതൃത്വത്തിൽ ഏപ്രിൽ 19ന് നടത്താനിരുന്ന ഏകദിന മണ്ണെണ്ണ പെർമിറ്റ് വെരിഫിക്കേഷൻ മെയ് മാസത്തേക്ക് മാറ്റി.  പുതുക്കിയ തിയതി പിന്നീട് അറിയിക്കും.  പെർമിറ്റ് വെരിഫിക്കേഷന് ലൈസൻസ് നിർബന്ധമാക്കിയിട്ടുള്ളതിനാൽ ലൈസൻസ് പുതുക്കുന്ന നടപടിക്രമം ഏപ്രിൽ 30 വരെ നിയന്ത്രിത രീതിയിൽ തുടരുമെന്നും ഫിഷറീസ് ഡയറക്ടർ അറിയിച്ചു.
പി.എൻ.എക്സ്.1132/2020

മുഖ്യമന്ത്രി പിണറായി വിജയനും പ്രതിപക്ഷനേതാവ് രമേശ് ചെന്നിത്തലയും കേരളത്തിലെ പഞ്ചായത്ത്, നഗരസഭ അംഗങ്ങളുമായി നടത്തിയ തത്സമയ ഓൺലൈൻ വെബ്കാസ്റ്റിംഗ് പരിപാടിക്ക് സാങ്കേതിക സഹായം ഒരുക്കിയത് സംസ്ഥാന സർക്കാർ സ്ഥാപനങ്ങളായ സിഡിറ്റും കൈറ്റും.  സിഡിറ്റ് ഏർപ്പെടുത്തിയ വെബ് സ്ട്രീമിങ് സൈറ്റായ  live.cdit.org വഴിയാണ് സന്ദേശം തത്സമയം വെബ്കാസ്റ്റ് ചെയ്തത്.  കൈറ്റിന്റെ ടി.വി ചാനലായ വിക്ടേഴ്സിലും പരിപാടി തത്സമയം സംപ്രേഷണം ചെയ്തിരുന്നു.

കുട്ടനാട് നിയോജക മണ്ഡലത്തിലെ രണ്ടു പാലങ്ങൾക്കായി 2996 ലക്ഷം രൂപയുടെ പ്രത്യേക ഭരണാനുമതി ലഭിച്ചതായി പൊതുമരാമത്ത്, രജിസ്‌ട്രേഷൻ വകുപ്പ് മന്ത്രി ജി.സുധാകരൻ അറിയിച്ചു.
മിത്രക്കരി - മാമ്പുഴക്കരി റോഡിൽ കൈതത്തോടിന് കുറുകെയുള്ള ജീ മംഗലം പാലത്തിന് 2.96 കോടി രൂപയുടെ ഭരണാനുമതിയും, കൈനകരി പഞ്ചായത്തിലെ പള്ളിപ്പാലത്തിന് 27 കോടി രൂപയുമാണ് അനുമതി ലഭിച്ചത്. എത്രയും വേഗം ഡി.പി.ആർ തയ്യാറാക്കി പ്രവർത്തനാനുമതി നൽകി, ടെണ്ടർ നടത്തി പണി ആരംഭിക്കാൻ നിർദ്ദേശം നൽകിയതായി മന്ത്രി അറിയിച്ചു.
പി.എൻ.എക്സ്.1130/2020

 വടകര  മണിയൂര്‍  വാപ്രത്ത്കഴകം പരദേവതാ ക്ഷേത്രത്തില്‍ പാരമ്പര്യേതര ട്രസ്റ്റിമാരെ നിയമിക്കപ്പെടുന്നതിന് ഹിന്ദുമത വിശ്വാസികളായ പരിസരവാസികളില്‍ നിന്നും അപേക്ഷ ക്ഷണിച്ചു. അപേക്ഷകള്‍ ഏപ്രില്‍ ആറിന് വൈകീട്ട് അഞ്ചിനകം തലശ്ശേരി അസിസ്റ്റന്റ് കമ്മീഷണറുടെ ഓഫീസില്‍ ലഭിക്കണം. കൂടുതല്‍ വിവരങ്ങള്‍ക്ക് 0490 2321818, www.malabardevaswom.kerala.gov.in.

 കോഴിക്കോട് ജില്ലയില്‍  സാങ്കേതിക വിദ്യാഭ്യാസ വകുപ്പില്‍ കാറ്റഗറി നം. 539/13  ട്രേഡ്സ്മാന്‍ ഫിറ്റിംഗ്  തസ്തികയുടെ  റാങ്ക് പട്ടിക കാലാവധി അവസാനിച്ചതിനാല്‍ 2019 ഒക്ടോബര്‍ 26 പൂര്‍വ്വാഹ്നം മുതല്‍ റദ്ദായതായി ജില്ലാ പിഎസ് സി ഓഫീസര്‍ അറിയിച്ചു.

സായുധസേനാ പതാകനിധിയിലേക്ക് 2019ല്‍ സമാഹരിച്ച തുക കുടിശ്ശികയുള്ള എല്ലാ ഓഫീസുകളും സ്ഥാപനങ്ങളും  മാര്‍ച്ച് 23 നകം   ജില്ല സൈനിക ക്ഷേമ ഓഫീസില്‍ അടച്ച് രസീത് കൈപ്പറ്റാന്‍ ജില്ലാ കലക്ടര്‍ നിര്‍ദ്ദേശിച്ചു.  പഴയ കുടിശ്ശികയുണ്ടെങ്കില്‍ അതു സഹിതം അടക്കണം.  വീഴ്ച വരുത്തുന്നവര്‍ക്കായി 2020 മാര്‍ച്ച് 28 നകം പ്രത്യേകയോഗം നടത്തി വിശദീകരണം തേടുമെന്നും ജില്ലാ കലക്ടര്‍ അറിയിച്ചു.

 കോവിഡ് -19 വ്യാപനം തടയുന്നതിന്റെ ഭാഗമായി റേഷന്‍ കാര്‍ഡുമായി ബന്ധപ്പെട്ട യാതൊരു അപേക്ഷകളും മാര്‍ച്ച് 31 വരെ  സ്വീകരിക്കില്ലെന്ന് വടകര താലൂക്ക് സപ്ലൈ ഓഫീസര്‍ അറിയിച്ചു.

പന്തലായനി ബ്ലോക്ക് പഞ്ചായത്തിന്റെ  2019-20 വാര്‍ഷിക പദ്ധതിയില്‍ ഉള്‍പ്പെടുത്തിയിട്ടുള്ള  പൊതുമരാമത്ത്  പ്രവൃത്തികള്‍ ഏറ്റെടുത്ത് നടത്തുന്നതിന് അംഗീകൃത തരാറുകാരില്‍ നിന്നും ക്വട്ടേഷന്‍  ക്ഷണിച്ചു. അവസാന തീയ്യതി മാര്‍ച്ച് 25 ന് ഉച്ച രണ്ട് മണി. ഫോണ്‍ : 0496 2630800.

പന്തലായനി ബ്ലോക്ക് പഞ്ചായത്തിനു കീഴില്‍ 2019 -20 വര്‍ഷത്തെ ഫ്ളഡ് പദ്ധതിയിലുള്‍പ്പെട്ട   പ്രവൃത്തികളുടെ ഇ ടെണ്ടര്‍  ക്ഷണിച്ചു.  അവസാന തീയതി ഏപ്രില്‍ മുന്ന് വൈകീട്ട് അഞ്ച് മണി. വിശദ വിവരങ്ങള്‍ക്ക് e-tenderskerala gov.in.  ഫോണ്‍ : 0496 2620305.