ഓണ്‍ലൈന്‍ പഠന സൗകര്യമില്ലാത്ത വിദ്യാര്‍ത്ഥികള്‍ക്ക് പുറപ്പുഴ ഗ്രാമ പഞ്ചായത്തിന്റെ നേതൃത്വത്തില്‍ ടെലിവിഷന്‍ വിതരണം ചെയ്തു. പി.ജെ.ജോസഫ് എം.എല്‍.എ. വിതരണോദ്ഘാടനം നിര്‍വ്വഹിച്ചു. മാറുന്ന സാഹചര്യങ്ങളെ അതിജീവിക്കുവാന്‍ നമുക്ക് സാധിക്കുമെന്ന് ചരിത്രം പഠിപ്പിച്ചിട്ടുണ്ടെന്ന് എം.എല്‍.എ. ഉദ്ഘാടന പ്രസംഗത്തില്‍ പറഞ്ഞു.

പ്രകൃതിദുരന്തങ്ങളില്‍ പതറാതെ, കൃത്യമായ ഏകോപനത്തോടെ രക്ഷാദൗത്യം. കാലവര്‍ഷം കനത്താല്‍ ഹൈറേഞ്ച് കൂടുതല്‍ ഭയക്കുന്നത് ഉരുള്‍പൊട്ടലും മണ്ണിടിച്ചിലുമാണ്. ഇതോടൊപ്പം 2018ലെ പ്രളയവും മലയോര നിവാസികളെ ആശങ്കയിലാഴ്ത്തിയിരുന്നു. ഇനി അതുപോലുള്ള ഒരു ദുരന്തം ജില്ല നേരിടേണ്ടി വന്നാല്‍ അതെങ്ങനെ നേരിടാം, ദുരന്തനിവാരണ, രക്ഷാദൗത്യ ഉപകരണങ്ങളുടെയും സേനയുടെയും ക്ഷമത പരിശോധിക്കുക, സമയബന്ധിതമായി വിവിധ വകുപ്പുകളുടെ ഏകോപനം,   ജീവിതത്തിനും മരണത്തിനുമിടയിലകപ്പെട്ടവരെ രക്ഷപെടുത്തുക തുടങ്ങിയ ലക്ഷ്യത്തോടെ ജില്ലാ ദുരന്തനിവാരണ അതോറിറ്റി ചെറുതോണിയില്‍ നടത്തിയ മോക്ഡ്രില്‍ യഥാര്‍ത്ഥ്യത്തോട് കിടപിടിക്കുന്നതായിരുന്നു.

കോവിഡ് കാലത്തെ പ്രകൃതിക്ഷോഭ ദുരന്ത നിവാരണം

കോട്ടയം ജില്ലയിലെ കാലവര്‍ഷ ദുരന്തനിവാരണ മുന്നൊരുക്കങ്ങളുടെ ഭാഗമായുള്ള മോക് ഡ്രില്‍ ജൂണ്‍ 24ന് തീക്കോയി ഗ്രാമപഞ്ചായത്തില്‍ നടക്കും. 2018ല്‍ ഉരുള്‍പൊട്ടലില്‍ നാലു പേര്‍ മരിച്ച വെള്ളികുളം മേഖലയും ഉരുള്‍പൊട്ടലിനെത്തുടര്‍ന്നുള്ള വെള്ളപ്പാച്ചിലില്‍ കനത്ത നാശനഷ്ടമുണ്ടായ ചാത്തപ്പുഴയും കേന്ദ്രീകരിച്ചാണ് കോവിഡ് പ്രതിരോധ മാര്‍ഗനിര്‍ദേശങ്ങള്‍ പാലിച്ചുകൊണ്ടുള്ള ദുരന്തനിവാരണ പ്രവര്‍ത്തനങ്ങള്‍ ആവിഷ്കരിക്കുന്നത്.

പള്ളിക്കല്‍ ഗ്രാമപഞ്ചായത്ത് ഏറെ കാലമായി നേരിടുന്ന കുടിവെള്ളക്ഷാമത്തിന് പരിഹാരമായി. എയര്‍പോര്‍ട്ട് അതോറിറ്റി ഓഫ് ഇന്ത്യയുടെ സി.എസ്.ആര്‍ പദ്ധതിയിലുള്‍പ്പെടുത്തി കരിപ്പൂര്‍ വിമാനത്താവളം 77 ലക്ഷം രൂപ ചെലവഴിച്ച്  നടപ്പിലാക്കിയ കോണോത്തുമാട് ഉണ്യാല്‍ പറമ്പ് കുടിവെള്ള പദ്ധതിയിലൂടെയാണ് കുടിവെള്ള ക്ഷാമത്തിന് പരിഹാരമായത്. പഞ്ചായത്തിലെ 200 ലധികം കുടുംബങ്ങളാണ് പദ്ധതിയുടെ ഗുണഭോക്താക്കള്‍. 

കോവിഡ് 19ന്റെ പശ്ചാത്തലത്തില്‍  വെള്ളിയാഴ്ചകളില്‍ പള്ളികളില്‍ നടക്കുന്ന പ്രാര്‍ത്ഥനകളില്‍ പരമാവധി 100 പേരെ മാത്രം ഉള്‍ക്കൊള്ളിച്ച് ഒരു പ്രാര്‍ത്ഥന മാത്രമായി നടത്തണമെന്ന് ജില്ലാപൊലീസ് മേധാവി യു.അബ്ദുള്‍ കരീം അറിയിച്ചു. ഒരേ പള്ളിയില്‍ ഒന്നിലധികം വീണ്‍ും പ്രാര്‍ത്ഥനകള്‍ നടത്തുന്നത് ശിക്ഷാര്‍ഹമാണെന്ന് പൊലീസ് മേധാവിയുടെ അറിയിപ്പില്‍ പറയുന്നു.
(എം.പി.എം 2266/2020)
 

ചികിത്സയിലുള്ള രോഗബാധിതര്‍ 68

കോട്ടയം ജില്ലയില്‍ ഇന്ന് (ജൂണ്‍ 18) 11 പേര്‍ക്ക് കോവിഡ് -19 സ്ഥിരീകരിച്ചു. ഇതില്‍ ആറു പേര്‍ വിദേശത്തുനിന്നും അഞ്ചു പേര്‍ മറ്റു സംസ്ഥാനങ്ങളില്‍നിന്നും എത്തിയവരാണ്. അഞ്ചു പേര്‍ക്കാണ് രോഗലക്ഷണങ്ങള്‍ ഉണ്ടായിരുന്നത്. ഇതോടെ രോഗം ബാധിച്ച് ചികിത്സയിലുള്ള കോട്ടയം ജില്ലക്കാരുടെ എണ്ണം 67 ആയി. ഇതില്‍ 39 പേര്‍ കോട്ടയം ജനറല്‍ ആശുപത്രിയിലും 26 പേര്‍ കോട്ടയം മെഡിക്കല്‍ കോളേജ് ആശുപത്രിയിലും രണ്ടു പേര്‍ രണ്ടു പേര്‍ എറണാകുളം മെഡിക്കല്‍ കോളേജ് ആശുപത്രിയിലുമാണ്.

കാലിക്കറ്റ് എയര്‍പോര്‍ട്ട്  സി.എസ.്ആര്‍ (കോര്‍പ്പറേറ്റ് സോഷ്യല്‍ റെസ്‌പോണ്‍സിബ്ലിറ്റി) പ്രൊജക്ട് പ്രകാരം നടപ്പാക്കിയ പദ്ധതികളുടെ ഉദ്ഘാടനം കേന്ദ്ര വിദേശകാര്യ - പാര്‍ലമെന്ററികാര്യ സഹമന്ത്രി വി.മുരളീധരന്‍ ഡല്‍ഹിയില്‍ നിന്ന് വീഡിയോ കോണ്‍ഫറന്‍സിലൂടെ നിര്‍വഹിച്ചു. എയര്‍പോര്‍ട്ട് സാധാരണക്കാരുടെ പ്രശ്‌നങ്ങള്‍ കൂടി കൈകാര്യം ചെയ്യുന്നുവെന്നും എയര്‍പോര്‍ട്ടുകളെ കുറിച്ച് പൊതുവേയുണ്ടായിരുന്ന ധാരണ ഇപ്പോള്‍ മാറിയതായും മന്ത്രി പറഞ്ഞു.