പതിനൊന്നാം ശമ്പളപരിഷ്‌കരണ കമ്മിഷന്റെ ചോദ്യാവലിക്ക് മറുപടി സ്വീകരിക്കുന്നതിനുള്ള സമയപരിധി 31 വൈകിട്ട് അഞ്ച് വരെ നീട്ടി.  ചോദ്യാവലിക്കുള്ള പ്രതികരണവും നിവേദനങ്ങളും office.prc@kerala.gov.in ൽ അയക്കണം.  കമ്മിഷനുമായി നേരിട്ടോ വീഡിയോ കോൺഫറൻസ് മുഖേനയോ ചർച്ച നടത്തുന്നതിന് ആഗ്രഹിക്കുന്നവർ അക്കാര്യം നിവേദനത്തിൽ സൂചിപ്പിക്കണം.  ചർച്ചയുടെ തിയതിയും സമയവും സംബന്ധിച്ച അറിയിപ്പ് നിവേദനത്തിൽ നൽകിയിട്ടുള്ള മൊബൈൽ നമ്പറിൽ എസ്.എം.എസ് ആയി നൽകും.
പി.എൻ.എക്സ്.1128/2020

കൊറോണ നിയന്ത്രണത്തിന്റെ ഭാഗമായി സംസ്ഥാന യുവജന ക്ഷേമബോര്‍ഡ് ജില്ലാ യുവജന കേന്ദ്രത്തിന്റെ  നേതൃത്വത്തില്‍ പത്തനംതിട്ട കാതോലിക്കേറ്റ് കോളേജിലെ ഹയര്‍ സെക്കന്ററി വിദ്യാര്‍ത്ഥികള്‍ പരീക്ഷ ഹാളില്‍ കയറുന്നതിനു മുമ്പായി അവരുടെ കൈകള്‍ അണുവിമുക്തമാക്കി. ഇന്നലെ (മാര്‍ച്ച് 19) രാവിലെ മുതല്‍ നടന്ന പ്രവര്‍ത്തനങ്ങളില്‍ യൂത്ത് പ്രോഗ്രാം ഓഫീസര്‍ ആര്‍.ശ്രീലേഖ, യൂത്ത് കോര്‍ഡിനേറ്റര്‍ ഷിജിന്‍ വര്‍ഗീസ് , ഹയര്‍ സെക്കന്ററി സ്‌കൂള്‍ പ്രിന്‍സിപ്പല്‍, യൂത്ത് വോളന്ററി ഫോഴ്‌സ് പ്രവര്‍ത്തകര്‍, യുവജന ക്ഷേമ ബോര്‍ഡ് ജില്ലാ ഓഫീസ് സ്റ്റാഫുകള്‍ എന്നീവര്‍ പങ്കെടുത്തു.

കോവിഡ്-19 പ്രതിരോധ പ്രവര്‍ത്തനം ഊര്‍ജ്ജിതമാക്കുന്നതിന്റെ ഭാഗമായി സിറ്റിയില്‍ 80 ഉം റൂറലില്‍ 142  ഉം പോലീസുകാരെ നിയോഗിക്കാന്‍ ജില്ലാ പൊലീസ് മേധാവിമാര്‍ക്ക് ജില്ലാ കലക്ടര്‍ സാംബശിവറാവു നിര്‍ദ്ദേശം. പ്രാഥമിക കോണ്ടാക്ട് ലിസ്റ്റില്‍ ഉള്‍പ്പെട്ട് നിരീക്ഷണത്തില്‍ കഴിയുന്നവരുടെ വീടുകളില്‍ നിരീക്ഷണം നടത്തേണ്ട ടീമില്‍ (വാര്‍ഡുതല ആര്‍.ആര്‍.ടി) നിര്‍ബന്ധമായും ഒരു പോലീസ് ഉദ്യോഗസ്ഥന്‍ ഉണ്ടായിരിക്കും. 

പരീക്ഷ നടക്കുന്ന വിദ്യാലയങ്ങളില്‍ കോവിഡ് 19 പ്രതിരോധപ്രവര്‍ത്തനങ്ങളുടെ ഭാഗമായി വിദ്യാര്‍ഥികള്‍തമ്മില്‍ സമ്പര്‍ക്കം പുലര്‍ത്തുമ്പോള്‍ കൃത്യമായി അകലം പാലിക്കുന്നുണ്ടെന്ന് അധ്യാപകര്‍ ഉറപ്പുവരുത്തണമെന്ന്് ജില്ലാ കളക്ടര്‍ പി.ബി നൂഹ് അറിയിച്ചു. 

കേരള സ്റ്റേറ്റ് സെന്റർ ഫോർ അഡ്വാൻസ്ഡ് പ്രിന്റിങ് ആൻഡ് ട്രെയിനിങ് സി-ആപ്റ്റ് മൾട്ടിമീഡിയ അക്കാദമിയിലൂടെ എസ്.എ.പി ഓൺലൈൻ കോഴ്‌സുകൾ ആരംഭിക്കും. 80 മണിക്കൂർ ദൈർഘ്യമുളള കോഴ്‌സ് 25ന് ആരംഭിക്കും. എൻജിനിയറിങ്, എം.ബി.എ, ബി.കോം വിദ്യാർഥികൾക്ക് കോഴ്‌സിന് ചേരാം. വിജയകരമായി പൂർത്തിയാക്കുന്നവർക്ക് സി-ആപ്റ്റും എസ്.എ.പിയും സർട്ടിഫിക്കറ്റ് നൽകും. വീട്ടിലിരുന്ന് സ്വന്തം ലാപ്‌ടോപ്പ്, കമ്പ്യൂട്ടർ, സ്മാർട്ട് ഫോൺ എന്നിവ ഉപയോഗിച്ച് ക്ലാസ്സിൽ പങ്കെടുക്കാം. ഫോൺ: 8129325592.
പി.എൻ.എക്സ്.1127/2020

കോട്ടയം, പാലക്കാട്, കോഴിക്കോട് ജില്ലാ പഞ്ചായത്തുകളിൽ നിലവിൽ ഒഴിവുളള ജില്ലാ പഞ്ചായത്ത് സെക്രട്ടറി തസ്തികയിൽ ഡെപ്യൂട്ടേഷൻ നിയമനം നടത്തും. സെക്രട്ടേറിയറ്റിലെ (പൊതുഭരണം, നിയമം, ധനകാര്യം) വകുപ്പുകളിലെ അണ്ടർ സെക്രട്ടറി (ഹയർ ഗ്രേഡ്) തസ്തികയിലും അതിനു മുകളിലും ഉളളവരിൽ നിന്നും മറ്റു വികസന വകുപ്പുകളിൽ 68700-110400 (റിവൈസ്ഡ്) എന്ന ശമ്പള സ്‌കെയിലിലും അതിനു മുകളിലും ഉളള ബിരുദധാരികളായ ഉദ്യോഗസ്ഥരിൽ നിന്നും അപേക്ഷ ക്ഷണിച്ചു. കാസർകോട് ജില്ലയിൽ നിലവിൽ ഒഴിവില്ലാത്തതിനാൽ അപേക്ഷ സ്വീകരിക്കില്ല.
പി.എൻ.എക്സ്.1126/2020

കോവിഡ് 19 നിയന്ത്രണത്തിന്റെ ഭാഗമായി നിര്‍ബന്ധമായും വീടുകളില്‍ നിരീക്ഷണത്തില്‍ കഴിയേണ്ടവര്‍ പൊതുവിടങ്ങളിലേക്ക് ഇറങ്ങി നടക്കുന്നതു ശ്രദ്ധയില്‍പ്പെട്ടാല്‍ പൊതുജനങ്ങള്‍ ജില്ലാ ഭരണകൂടത്തെ വിളിച്ചറിയിക്കണമെന്ന് ജില്ലാ കളക്ടര്‍ പി.ബി നൂഹ് അറിയിച്ചു. പൊതുജനങ്ങള്‍ക്ക് 9188297118, 9188294118 എന്നീ നമ്പരുകളില്‍ വിളിച്ചറിയിക്കാം.  വീടുകളില്‍ നിരീക്ഷണത്തിലുള്ളവരില്‍ ചുരുക്കംചിലര്‍ അധികൃതരുടെ കണ്ണുവെട്ടിച്ച് പുറത്തിറങ്ങുന്നതു ശ്രദ്ധയില്‍പ്പെട്ടതിനാലാണിത്. 

    കോവിഡ് 19 ന്റെ പശ്ചാത്തലത്തില്‍ മാര്‍ച്ച് 31 വരെ പിഴ ഇല്ലാതെ അടയ്ക്കാവുന്ന എല്ലാ വൈദ്യുതിബില്ലുകളും ഒരു മാസത്തേയ്ക്ക് കൂടി പിഴയോ പലിശയോ ഇല്ലാതെ ഉപഭോക്താക്കള്‍ക്ക് അടയ്ക്കാമെന്ന് കെ.എസ്.ഇ.ബി അറിയിച്ചു.  എല്ലാ ഗാര്‍ഹിക, ഗാര്‍ഹികേതര, എച്ച്.റ്റി, ഇ.എച്ച്.റ്റി ഉപഭോക്താക്കള്‍ക്കും ഇത് ബാധകമാണ്. മുഖ്യമന്ത്രിയുടെ നിര്‍ദ്ദേശത്തെത്തുടര്‍ന്നാണ് ബില്‍ തീയതികള്‍ നീട്ടിവയ്ക്കുന്നത്.
(പി.ആര്‍.പി. 275/2020) 

    മാര്‍ച്ച് 24-ന് രാവിലെ പത്തുമണിക്ക് തിരുവനന്തപുരം സര്‍ക്കാര്‍ ഗസ്റ്റ് ഹൗസില്‍ മത്സ്യത്തൊഴിലാളി കടാശ്വാസ കമ്മീഷന്‍ നടത്താന്‍ നിശ്ചയിച്ചിരുന്ന  സിറ്റിങ്ങ്/അദാലത്ത് മാറ്റിവച്ചതായി മത്സ്യത്തൊഴിലാളി കടാശ്വാസ കമ്മീഷന്‍ സെക്രട്ടറി അറിയിച്ചു. സിറ്റിങ്ങിന് അറിയിപ്പുകിട്ടിയ സഹകരണ വകുപ്പ്, സഹകരണ ബാങ്ക്/സംഘം, സര്‍ക്കാര്‍ ധനകാര്യ സ്ഥാപനങ്ങള്‍, നാഷണലൈസ്ഡ്/ഷെഡ്യൂള്‍ഡ് ബാങ്ക് ഉദ്യോഗസ്ഥര്‍, അപേക്ഷകര്‍ എന്നിവര്‍ അന്നേ ദിവസം സിറ്റിംഗിനായി എത്തേണ്ടതില്ല. പുതുക്കിയ തീയതി പിന്നീട് അറിയിക്കും.
(പി.ആര്‍.പി. 274/2020)