പൊതുവിദ്യാഭ്യാസ മേഖലയില്‍ സമ്പൂര്‍ണ ഡിജിറ്റൈസേഷന്‍ കൈവരിക്കുമെന്ന് ഫിഷറീസ് വകുപ്പ് മന്ത്രി ജെ മേഴ്സിക്കുട്ടിയമ്മ. നിര്‍ധന വിദ്യാര്‍ഥികള്‍ക്ക് ഓണ്‍ലൈന്‍ വിദ്യാഭ്യാസത്തിനുള്ള സൗകര്യങ്ങള്‍ ഒരുക്കുന്നത്തിന്റെ ഭാഗമായി  നെടുമ്പന, മയ്യനാട്, ആദിച്ചനല്ലൂര്‍ പഞ്ചായത്തുകളിലെ സഹകരണ ബാങ്കുകളുടെ ആഭിമുഖ്യത്തില്‍ കൊട്ടിയത്ത്  സംഘടിപ്പിച്ച ടെലിവിഷന്‍ വിതരണം ഉദ്ഘാടനം ചെയ്യുകയായിരുന്നു മന്ത്രി. മൂന്നു പഞ്ചായത്തുകളിലെ നൂറ്റി അന്‍പതോളം വിദ്യാര്‍ഥികള്‍ക്ക് പദ്ധതിയിലൂടെ  ടെലിവിഷനുകള്‍ ലഭിച്ചു.

  ജില്ലയില്‍ വായനാപക്ഷാചരണം വിപുലമായ പരിപാടികളോടെ ആചരിക്കും. ജില്ലാ ലൈബ്രറി കൗണ്‍സിലിന്റെ  നേതൃത്വത്തില്‍ നടക്കുന്ന പരിപാടികള്‍ വായനാദിനമായ ജൂണ്‍ 19 മുതല്‍ ഐ വി ദാസിന്റെ ജ•ദിനമായ ജൂലൈ ഏഴുവരെ വിവിധ കേന്ദ്രങ്ങളില്‍ നടക്കും. പരിപാടികളുടെ ഉദ്ഘാടനം നീരാവില്‍ നവോദയം ഗ്രന്ഥശാലയില്‍ കെ സോമപ്രസാദ് എംപി ഉദ്ഘാടനം ചെയ്തു. തുടര്‍ന്ന് പി എന്‍ പണിക്കരുടെ മകന്‍ എന്‍ ബാലഗോപാല്‍ അനുസ്മരണ പ്രഭാഷണം നടത്തി.

അഞ്ചാലുംമൂട് ഐ സി ഡി എസ് പ്രോജക്ട് പരിധിയില്‍ കൊല്ലം കോര്‍പ്പറേഷനിലെ തൃക്കടവൂര്‍ സോണലില്‍(ഏഴു മുതല്‍ 11 വരെ വാര്‍ഡുകള്‍) അങ്കണവാടികളില്‍ വര്‍ക്കര്‍, ഹെല്‍പ്പര്‍ ഒഴിവുകളിലേക്ക് സ്ഥിര നിയമനത്തിനായി അപേക്ഷിക്കാം. തൃക്കടവൂര്‍ സോണലിലെ സ്ഥിരതാമസക്കാരായിരിക്കണം.

കൊല്ലം കോര്‍പ്പറേഷന്‍ കൊല്ലം അര്‍ബന്‍-2 ഐ സി ഡി എസ് പ്രോജക്ട് പരിധിയിലെ 179 അങ്കണവാടികളില്‍ നിലവിലുള്ളതും ഉണ്ടാകാന്‍ സാധ്യതയുള്ളതുമായ അങ്കണവാടി വര്‍ക്കര്‍/ഹെല്‍പ്പര്‍ ഒഴിവുകളിലേക്ക് സ്ഥിര നിയമന സെലക്ഷന്‍ ലിസ്റ്റില്‍പെടാന്‍ അപേക്ഷിക്കാം. അര്‍ബന്‍-2 പരിധിയില്‍ വരുന്ന ഇരവിപുരം, വടക്കേവിള, കിളികൊല്ലൂര്‍ സോണല്‍, ഉളിയക്കോവില്‍ 16, 17 ഡിവിഷനുകളിലെ സ്ഥിര താമസക്കാര്‍ ആയിരിക്കണം. പ്രായം 18 നും 46 നും ഇടയില്‍.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗത്വം എടുത്ത തൊഴിലാളികള്‍ക്ക് കോവിഡ് 19 ധനസഹായം ലഭ്യമാക്കുന്നതിന് പുതിയ പോര്‍ട്ടല്‍ സംവിധാനം ആരംഭിച്ചു. അപേക്ഷ നല്‍കാത്ത തൊഴിലാളികള്‍ ജൂണ്‍ 30 നകം  www.kmtwwfb.org     എന്ന വെബ്‌സൈറ്റിലൂടെയോ motorworker.kmtwwfb.kerala.gov.in  എന്ന പോര്‍ട്ടലിലൂടെയോ അപേക്ഷ സമര്‍പ്പിക്കണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.
(പി.ആര്‍.കെ നമ്പര്‍ 1662/2020)  
 

ജില്ലയില്‍ ഇന്നലെ(ജൂണ്‍ 19) 14 പേര്‍ കോവിഡ് രോഗമുക്തരായി ആശുപത്രി വിട്ടു.

ഒന്‍പത് വയസുള്ള ആണ്‍കുട്ടി അടക്കം ജില്ലയില്‍ ഇന്നലെ(ജൂണ്‍ 19) 17 പേര്‍ക്ക് കോവിഡ് പോസിറ്റീവ് സ്ഥിരീകരിച്ചു. കുവൈറ്റില്‍ നിന്നും എത്തിയ ഒന്‍പത് പേര്‍ ഉള്‍പ്പടെ 15 പേര്‍ വിദേശത്ത് നിന്നും എത്തിയവരാണ്. ഒരാള്‍ ഡല്‍ഹിയില്‍ നിന്നും ഒരാള്‍ മൈസൂരില്‍ നിന്നുമാണ് എത്തിയത്.

കേരള തയ്യല്‍ തൊഴിലാളി ക്ഷേമനിധി അംഗങ്ങളില്‍ ഇതുവരെയും കോവിഡ്-19 ധനസഹായമായ 1000 രൂപ ലഭിച്ചിട്ടില്ലാത്ത അംഗങ്ങള്‍ ഉടന്‍ ഓണ്‍ലൈന്‍ മുഖേന അപേക്ഷ സമര്‍പ്പിക്കണം. ഓണ്‍ലൈന്‍ വഴി അപേക്ഷ സമര്‍പ്പിച്ചിട്ടും ധനസഹായം ലഭിച്ചിട്ടില്ലാത്തവര്‍ ക്ഷേമനിധി അംഗത്വ കാര്‍ഡ്, ബാങ്ക് പാസ്ബുക്ക്, ആധാര്‍ കാര്‍ഡ് എന്നിവയുടെ പകര്‍പ്പ് തയ്യല്‍ തൊഴിലാളി ക്ഷേമനിധി ബോര്‍ഡ് ജില്ലാ ഓഫീസില്‍ ഹാജരാക്കണം.
(പി.ആര്‍.കെ നമ്പര്‍ 1659/2020)  

പത്തനാപുരം ഗ്രാമപഞ്ചായത്തിന്റെ എന്‍ എച്ച് എം ആയൂഷ് ആയുര്‍വേദ പ്രൈമറി ഹെല്‍ത്ത് സെന്ററില്‍ കരാര്‍ അടിസ്ഥാനത്തില്‍ ഫാര്‍മസിസ്റ്റ് തസ്തികയില്‍ നിയമനം നടത്തും. അംഗീകൃത കോളജുകളില്‍ നിന്നും അയുര്‍വേദ ഫാര്‍മസി കോഴ്‌സ് ജയിച്ചവര്‍ക്ക് അപേക്ഷിക്കാം. സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം അപേക്ഷ ജൂണ്‍ 30 നകം പത്തനാപുരം ഗ്രാമപഞ്ചായത്ത് ഓഫീസില്‍ സമര്‍പ്പിക്കണം.
  (പി.ആര്‍.കെ നമ്പര്‍ 1658/2020)  

പെരുമ്പുഴ സര്‍ക്കാര്‍ എല്‍ പി ആന്റ് പ്രീ പ്രൈമറി സ്‌കൂളില്‍ ഹൈടെക്ക് സൗകര്യങ്ങളോടെ നിര്‍മിച്ച ഇരുനില കെട്ടിടത്തിന്റെ ഉദ്ഘാടനം ഇന്ന്(ജൂണ്‍ 20) രാവിലെ 10 ന് മന്ത്രി ജെ മേഴ്‌സിക്കുട്ടിയമ്മ നിര്‍വഹിക്കും.