2019 ലെ ഹയര്‍ സെക്കന്‍ഡറി പരീക്ഷയില്‍ എല്ലാ വിഷയങ്ങള്‍ക്കും എപ്ലസ് ഗ്രേഡ് നേടിയവരെയും എന്‍ട്രന്‍സ് പരീക്ഷയില്‍ റാങ്ക് നേടിയ വിദ്യാര്‍ത്ഥികളെയും സ്‌കോള്‍ - കേരള അനുമോദിക്കുന്നു.  ജൂണ്‍ 29ന് ഉച്ചക്ക് രണ്ടിന് വളാഞ്ചേരി എസ്.കെവിയം കോളേജില്‍ നടക്കുന്ന പരിപാടി ഉന്നത വിദ്യാഭ്യാസ വകുപ്പ് മന്ത്രി ഡോ. കെ.ടി ജലീല്‍ ഉദ്ഘാടനം നിര്‍വ്വഹിക്കും.  പ്രൊഫ. ആബിദ് ഹുസൈന്‍ എം.എല്‍.എ അധ്യക്ഷത വഹിക്കും. സ്‌കോള്‍ കേരള വൈസ് ചെയര്‍മാന്‍ ഡോ. കെ. മോഹനകുമാര്‍, എക്‌സിക്യൂട്ടീവ് ഡയറക്ടര്‍ ഡോ. കെ.എം. ഖലീല്‍, ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ തുടങ്ങിയവര്‍ സംബന്ധിക്കും.  

       മീനങ്ങാടി ഗ്രാമപഞ്ചായത്തിന്റെ പരിധിയില്‍  പുറക്കാടി, കൃഷ്ണഗിരി,  വില്ലേജുകളില്‍ ഉള്‍പ്പെട്ട  ഭൂമിയുടെ റിമോട്ട് സെന്‍സിങ്  ആന്‍ഡ് ജി.ഐ.എസ്  ടെക്‌നോളജി ഉപയോഗിച്ച്  തയ്യാര്‍ ചെയ്ത  ഡാറ്റാബാങ്ക്   പ്രസിദ്ധീകരിച്ചു. മീനങ്ങാടി ഗ്രാമ പഞ്ചായത്ത് ഓഫീസ്,   പുറക്കാടി  വില്ലേജ് ഓഫീസ്, കൃഷ്ണഗിരി വില്ലേജ് ഓഫീസ്, മീനങ്ങാടി  കൃഷിഭവന്‍ എന്നിവിടങ്ങളില്‍ ലഭ്യമാണ്.   

      അമ്പലവയല്‍ സാമൂഹ്യാരോഗ്യ കേന്ദ്രത്തില്‍ സായാഹ്ന ഒ.പി.യിലേക്ക് ഡോക്ടറെ നിയമിക്കുന്നു.  താല്‍പര്യമുള്ളവര്‍ ആരോഗ്യകേരളം ജില്ലാ ഓഫീസുമായി ബന്ധപ്പെടണം. ഫോണ്‍ 04935 246849.

          മീനങ്ങാടി ഗവ. പോളിടെക്‌നിക് കോളേജില്‍  ജൂലൈയില്‍ ആരംഭിക്കുന്ന  ഹ്രസ്വകാല തൊഴിലധിഷ്ഠിത കൊഴ്‌സുകളിലേക്കു അപേക്ഷ ക്ഷണിച്ചു. അപേക്ഷകര്‍ എസ്.എസ്.എല്‍.സി. യോഗ്യതയുളളവരായിരിക്കണം. റെഫ്രിജറേഷന്‍ ആന്‍ഡ് എയര്‍ കണ്ടീഷന്‍  (6   മാസം),  അഡ്വാന്‍സ്ഡ് വെല്‍ഡിങ് ടെക്‌നോളജി (6  മാസം) എന്നിവയാണ് കോഴ്‌സുകള്‍. ഫോണ്‍  04936 248100  9847699720,  9995217409.