വെളളിനേഴി ഗ്രാമപഞ്ചായത്തില്‍ കേന്ദ്ര-സംസ്ഥാന സര്‍ക്കാരിന്റെ കീഴില്‍ പ്രവര്‍ത്തിക്കുന്ന കാനറാബാങ്കിന്റെ ഗ്രാമീണ സ്വയംതൊഴില്‍ പരിശീലനകേന്ദ്രത്തില്‍ 30 ദിവസത്തെ സൗജന്യ തുന്നല്‍ പരിശീലനം ഏപ്രിലില്‍ ആരംഭിക്കും. 18 മുതല്‍ 45 വയസ്സ് വരെയുളള യുവതീയുവാക്കള്‍ക്ക് പങ്കെടുക്കാം. ബി.പി.എല്‍., കുടുംബശ്രീ അംഗങ്ങള്‍ക്ക് മുന്‍ഗണന ലഭിക്കും. താത്പര്യമുളളവര്‍ 0466-2285554 എന്ന നമ്പറില്‍ ഉടന്‍ ബന്ധപ്പെടണമെന്ന് ഡയറക്ടര്‍ അറിയിച്ചു

കൊവിഡ്-19 ന്റെ പശ്ചാത്തലത്തില്‍ ജില്ലാ ലേബര്‍ ഓഫീസില്‍ മാര്‍ച്ച് 31 വരെ നടത്താനിരുന്ന തൊഴില്‍ തര്‍ക്കവുമായി ബന്ധപ്പെട്ട എല്ലാ അനുരഞ്ജനയോഗങ്ങളും മാറ്റിവെച്ചതായി ജില്ലാ ലേബര്‍ ഓഫീസര്‍ (ജനറല്‍) അറിയിച്ചു. ഫോണ്‍ : 0491-2505584.

കോവിഡ് 19 (കൊറോണ) വൈറസ് ബാധയുടെ പശ്ചാത്തലത്തില്‍ മാസ്‌കിന്റെ ദൗര്‍ലഭ്യം പരിഹരിക്കാന്‍ ജയില്‍ തടവുകാരും കുടുംബശ്രീ പ്രവര്‍ത്തകരും മാസ്‌ക് നിര്‍മാണത്തില്‍ സജീവമാകുന്നു.

കൊറോണ രോഗവ്യാപന പ്രതിരോധത്തിന്റെ ഭാഗമായി ജില്ലയിലെ എംപ്ലോയ്‌മെന്റ് എക്‌സ്‌ചേഞ്ചുകളിലെത്തുന്ന തൊഴിലന്വേഷകരുടെ എണ്ണം പരിമിതപ്പെടുത്തുന്നതിന് ക്രമീകരണങ്ങള്‍ ഏര്‍പ്പെടുത്തി

മുഴുവന്‍ അന്വേഷണങ്ങളും ടെലിഫോണ്‍ മുഖേന മാത്രം നടത്തുക.

ഫോണ്‍ നമ്പറുകള്‍

0491 2505204 - പാലക്കാട്
0492 2222309 - ആലത്തൂര്‍
0492 224297 - ചിറ്റൂര്‍
0492 4222508 - മണ്ണാര്‍ക്കാട്
0466 2960089 - ഷൊര്‍ണ്ണൂര്‍
9961465569 - ഇ.എ.ഐ.ബി. അട്ടപ്പാടി

രണ്ടാം വിള നെല്ലു സംഭരണത്തിനോടനുബന്ധിച്ച് ഇതുവരെ രജിസ്റ്റര്‍ ചെയ്യാത്ത കര്‍ഷകര്‍ക്ക് ഇന്ന് (മാര്‍ച്ച് 18) വരെ രജിസ്റ്റര്‍ ചെയ്യാമെന്ന് ആലത്തൂര്‍ പാഡി മാര്‍ക്കറ്റിങ്  ഓഫീസര്‍ അറിയിച്ചു.

സംസ്ഥാനതല ഭാഷാന്യൂനപക്ഷസമിതിയുടെ യോഗങ്ങളില്‍ തമിഴ് ന്യൂനപക്ഷ സംഘടനകളെ പ്രതിനിധീകരിക്കുന്നതിനായും മുന്‍ഗണനാക്രമത്തില്‍ പാനല്‍ തയ്യാറാക്കുന്നതിനും തമിഴ് ഭാഷാ ന്യൂനപക്ഷസമിതി സംഘടനകളുടെ പ്രതിനിധികളെ ഉള്‍ക്കൊളളിച്ചുളള ലിസ്റ്റ് തയ്യാറാക്കുന്നതുമായി ബന്ധപ്പെട്ട് മാര്‍ച്ച് 25 ന് രാവിലെ 11 ന് പാലക്കാട് താലൂക്ക് ഓഫീസില്‍ ചേരും. ബന്ധപ്പെട്ട തമിഴ് ഭാഷാന്യൂനപക്ഷ സംഘടനയെ പ്രതിനിധീകരിക്കുന്നവര്‍ പങ്കെടുക്കണമെന്ന് തഹസില്‍ദാര്‍ അറിയിച്ചു.

പാലക്കാട് സബ്ട്രഷറിയില്‍ ഉപയോഗശൂന്യമായ മരം/പ്ലാസ്റ്റിക്/സ്ീല്‍/അലൂമിനിയം ഉരുപ്പടികള്‍ മാര്‍ച്ച് 23 ന് വൈകിട്ട് 3.30 ന് സബ്ട്രഷറിയില്‍ ലേലം ചെയ്യും. ലേല വസ്തുക്കളെ സംബന്ധിച്ച കൂടുതല്‍ വിവരങ്ങള്‍ക്ക് പ്രവൃത്തി ദിവസങ്ങളില്‍
ഓഫീസുമായി ബന്ധപ്പെടാം. ഫോണ്‍ : 0491-2522933, 9496000184.

നെന്മാറ സാമൂഹ്യ ആരോഗ്യ കേന്ദ്രത്തിലേക്ക് എച്ച്.എം.സി. മുഖേന ദിവസ വേതനാടിസ്ഥാനത്തില്‍ ആറു മാസത്തേക്ക് വിവിധ തസ്തികയിലേക്ക് നിയമനം നടത്തുന്നു. ഫാര്‍മസിസ്റ്റ് തസ്തികയിലേക്ക് പ്ലസ്ടു പാസ്, ഗവ. അംഗീകൃത സ്ഥാപനത്തില്‍ നിന്നും ഡിപ്ലോമ ഇന്‍ ഫാര്‍മസി കോഴ്‌സും പൂര്‍ത്തിയാക്കണം. എക്‌സ്‌റെ ടെക്‌നീഷ്യന്‍/ഇ.സി.ജി. ടെക്‌നീഷ്യന്‍ ഒഴിവിലേക്ക് പ്ലസ്ടുവിനൊപ്പം അംഗീകൃത സ്ഥാപനത്തില്‍ നിന്നും റേഡിയോളജി ടെക്‌നോളഴി കോഴ്‌സ് യോഗ്യത നേടണം. ലാബ് ടെക്‌നീഷ്യന്‍ തസ്തികയില്‍ പ്ലസ്ടു പാസ്സും ഗവ. അംഗീകൃത സ്ഥാപനത്തില്‍ നിന്നും ഡിപ്ലോമ ഇന്‍ എം.എല്‍.ടി.യാണ് യോഗ്യത.