പുതിയതായി മത്സ്യകൃഷി ചെയ്യുവാന്‍ താത്പര്യമുള്ളവര്‍ക്ക് മത്സ്യകൃഷിയിലെ സാധ്യതകള്‍ എന്ന വിഷയത്തില്‍ ബ്ലോക്കുതലത്തില്‍ ബോധവത്ക്കരണ പരിപാടി നടത്തിവരുന്നു. റീസര്‍ക്കുലേറ്ററി അക്വാകള്‍ച്ചര്‍ സിസ്റ്റം, പടുതാക്കുളത്തിലെ മത്സ്യകൃഷി, ഗിഫ് തിലാപ്പിയ മത്സൃകൃഷി തുടങ്ങിയവയെക്കുറിച്ച് പരിപാടിയില്‍ വിശദീകരിക്കും. ഈ മാസം 24ന് മല്ലപ്പള്ളി ബ്ലോക്ക് പഞ്ചായത്ത് ആഡിറ്റോറിയത്തിലും 25ന് കോഴഞ്ചേരി ഗ്രാമപഞ്ചായത്ത് കമ്മ്യൂണിറ്റി ഹാളിലും പരിപാടി നടത്തും. പങ്കെടുക്കാന്‍ താത്പര്യമുള്ളവര്‍ക്ക് ജില്ലാ ഫിഷറീസ് ഓഫീസില്‍ രജിസ്റ്റര്‍ ചെയ്യാം. ഫോണ്‍: 0468 2223134.                          (പിഎന്‍പി 240/19)

പുതിയതായി റേഷന്‍ കാര്‍ഡ് ലഭിക്കുന്നതിന് കോഴഞ്ചേരി താലൂക്ക് സപ്ലൈ ആഫീസില്‍ നേരിട്ട് അപേക്ഷ സമര്‍പ്പിച്ചിരുന്ന യോഗ്യമായ എല്ലാ അപേക്ഷകളിലും റേഷന്‍ കാര്‍ഡ് തയ്യറായിട്ടുണ്ട്.  അപേക്ഷകരോ, കാര്‍ഡില്‍ ഉള്‍പ്പെട്ട അംഗങ്ങളോ തിരിച്ചറിയല്‍ രേഖകളും കുടുംബ കാര്‍ഡുമായി എത്തി പുതിയ റേഷന്‍ കാര്‍ഡ് കൈപ്പറ്റണമെന്ന് താലൂക്ക് സപ്ലൈ ആഫീസര്‍ അറിയിച്ചു.  മുന്‍ഗണനാ കാര്‍ഡുകള്‍ക്ക്  50 രൂപയും പൊതു വിഭാഗം കാര്‍ഡുകള്‍ക്ക്  100 രൂപയുമാണ് ഫീസ്.

വെള്ളം വീടിന്റെ മുക്കാല്‍ ഭാഗത്തോളം പെട്ടെന്ന് കയറിയപ്പോള്‍ വീട്ടുപകരണങ്ങളോ, ജീവനോപാധികളോ ഒന്നും എടുക്കാന്‍ കഴിയാതെയാണ് അഭയം തേടി ക്യാമ്പിലേക്ക് പോയത്. ഒരാഴ്ചയ്ക്ക് ശേഷം തിരികെ വീട്ടിലെത്തിയപ്പോള്‍ കഷ്ടപ്പെട്ടുണ്ടാക്കിയ വീട്ടുസാധനങ്ങളും മറ്റും ഉപയോഗശൂന്യമായി കിടക്കുന്നത് കണ്ട് കണ്ണ് നിറഞ്ഞ് പോയെന്ന് കുമ്പഴ ഇരുപതാംവാര്‍ഡില്‍ താമസിക്കുന്ന ഗീത ഗിരീഷ് പറയുന്നു.

പ്രളയബാധിതര്‍ക്കായി സര്‍ക്കാര്‍ ആവിഷ്‌കരിച്ച റീസര്‍ജന്റ് കേരളാലോണ്‍ സ്‌കീം ആശ്വാസമാകുന്നു. വീട്ടുപകരണങ്ങള്‍, ജീവനോപാധികള്‍ തുടങ്ങിയവയ്ക്ക് നാശനഷ്ടം സംഭവിച്ചവര്‍ക്ക് അത് ലഭ്യമാക്കുവാനും പ്രളയത്തില്‍ വീടുകള്‍ക്ക് ഉണ്ടായ ചെറിയ അറ്റകുറ്റപണികള്‍ നിര്‍വഹിക്കുന്നതിനും വേണ്ടി സര്‍ക്കാര്‍ കുടുംബശ്രീ വഴി ആവിഷ്‌ക്കരിച്ച് നടപ്പിലാക്കിയ പദ്ധതിയാണ് റീസര്‍ജന്റ് കേരള ലോണ്‍ സ്‌കീം. ഒരു ലക്ഷം രൂപ വരെയാണ് പലിശരഹിത വായ്പയായി ഇത് വഴി ലഭിക്കുക. ഇതുവരെ 615 അയല്‍ക്കൂട്ടങ്ങള്‍ വഴി 4943 പേര്‍ക്കാണ് തുക ലഭിച്ചത്. 40 കോടി 83 ലക്ഷം രൂപ നിലവില്‍ വിതരണം ചെയ്ത് കഴിഞ്ഞു.

ഓല്ലൂര്‍ ഗ്രാമപഞ്ചായത്തില്‍ ഊര്‍ജിത നികുതി പിരിവുമായി ബന്ധപ്പെട്ട് ഇന്ന് മുതല്‍ 28 വരെ വിവിധ കേന്ദ്രങ്ങളില്‍ കളക്ഷന്‍ ക്യാമ്പുകള്‍ നടത്തും. നികുതി ദായകര്‍ക്ക് ഏതു കളക്ഷന്‍ സെന്ററിലും നികുതി ഒടുക്കാവുന്നതാണ്. 

ജില്ലയിലെ പട്ടികജാതി ഉദേ്യാഗാര്‍ഥികള്‍ക്കായി ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തില്‍ എസ്.സി.എ ടു എസ്.സി.എസ്.പി പദ്ധതി പ്രകാരം 50 ദിവസത്തെ സൗജന്യ മത്സരപരീക്ഷാ പരിശീലനം നടത്തുന്നു. മുമ്പ് ഇത്തരം പരിശീലനങ്ങളില്‍ പങ്കെടുത്തിട്ടില്ലാത്ത 50 ഉദേ്യാഗാര്‍ഥികള്‍ക്കാണ് പരിശീലനം നല്‍കുന്നത്. ഇതിലേക്കുള്ള രജിസ്‌ട്രേഷന്‍ എംപ്ലോയ്‌മെന്റ് എക്‌സ്‌ചേഞ്ചുകളില്‍ ആരംഭിച്ചിട്ടുണ്ട്. പങ്കെടുക്കുന്നവര്‍ക്ക് സ്റ്റൈപ്പന്റും പഠനോപകരണങ്ങളും ലഭിക്കും. ഫോണ്‍: 9497639019.                 (പിഎന്‍പി 235/19)

അടൂര്‍ കെല്‍ട്രോണ്‍ നോളജ് സെന്ററില്‍ ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍ (ആറ് മാസം), വേഡ് പ്രോസസിംഗ് ആന്‍ഡ് ഡാറ്റാ എന്‍ട്രി (മൂന്ന് മാസം), ഡിപ്ലോമ ഇന്‍ കംപ്യൂട്ടര്‍ ഹാര്‍ഡ്‌വെയര്‍ ആന്‍ഡ് നെറ്റ്‌വര്‍ക്ക് മെയിന്റനന്‍സ് വിത്ത് ലാപ്‌ടോപ്പ് ടെക്‌നോളജീസ് എന്നീ അഡ്വാന്‍സ്ഡ് കോഴ്‌സുകളിലേക്ക് അപേക്ഷിക്കാം. കംപ്യൂട്ടര്‍ ഹാര്‍ഡ് വെയര്‍ കോഴ്‌സിന് ഫീസ് ഇളവുണ്ട്. അപേക്ഷ സ്വീകരിക്കുന്ന അവസാന തീയതി ഈ മാസം 25. ഫോണ്‍: 04734 229998, 9526229998.  (പിഎന്‍പി 234/19)