1668 സ്ക്വാഡുകള്‍ രംഗത്ത്‌ 

കോവിഡ്-19 വ്യാപനം തടയാന്‍ വിവിധ സ്‌ക്വാഡ്‌കളുടെ പ്രവര്‍ത്തനം ഊര്‍ജ്ജിതമായി തുടരുന്നുണ്ടെന്ന് ജില്ലാ കലക്ടര്‍ സാംബശിവ റാവു. കലക്ട്രറ്റില്‍ നടന്ന വാര്‍ത്താസമ്മേളനത്തില്‍ സംസാരിക്കുകയായിരുന്നു അദേഹം.

1668 സ്ക്വാഡുകള്‍ വാര്‍ഡ് തലങ്ങളില്‍ പ്രവര്‍ത്തിക്കുന്നുണ്ട്. കൃത്യമായി ഇത് നിരീക്ഷിക്കുകയും അവര്‍ക്ക് വേണ്ട നിര്‍ദേശം നല്‍കുകയും ചെയ്യുന്നുണ്ട്. പൊലിസ്, ഹെല്‍ത്ത് ഇന്‍സ്പെക്ടര്‍ ഉള്‍പ്പെടുന്ന 202 സ്ക്വാഡ്കള്‍  പ്രത്യേകമായി രൂപീകരിച്ചിട്ടുണ്ട്. കൂടുതല്‍ ശ്രദ്ധിക്കേണ്ട കാര്യങ്ങള്‍ക്കായി ഈ ടീമിനെ ഉപയോഗപ്പെടുത്തും.

കോവിഡ്-19 പ്രതിരോധ പ്രവര്‍ത്തനത്തിന്റെ ഭാഗമായി ജില്ലയില്‍ പുതുതായി 809 പേര്‍ ഉള്‍പ്പെടെ 

ആകെ 4967 പേര്‍ നിരീക്ഷണത്തിലുണ്ടെന്ന് ജില്ലാ കലക്ടര്‍ അറിയിച്ചു.

ഐസൊലേഷന്‍ വാര്‍ഡില്‍ മെഡിക്കല്‍ കോളേജില്‍ രണ്ട് പേരും ബീച്ച് ആശുപത്രിയില്‍ ആറുപേരും ഉള്‍പ്പെടെ ആകെ എട്ട് പേരാണ് നിരീക്ഷണത്തിലുള്ളത്.

കേരള സംഗീത നാടക അക്കാദമി സംസ്ഥാനത്തെ കലാസാഹിത്യ പ്രവർത്തകരെക്കുറിച്ചുള്ള വിവരശേഖരണം നടത്തുന്നു. സംഗീത നാടക അക്കാദമിയുടെ പ്രവർത്തനപരിധിയിൽ വരുന്ന കലാസാഹിത്യ മേഖലകളിൽ പ്രവർത്തിക്കുന്ന മുഴുവൻ ആളുകളുടെയും വിവരങ്ങൾ ശേഖരിക്കാനാണ് ലക്ഷ്യമിടുന്നത്. വിവിധ ജില്ലകളിൽ സജീവമായി പ്രവർത്തിക്കുന്ന കലാകാര•ാരെക്കുറിച്ചുള്ള വിവരങ്ങൾ പൊതുജനങ്ങൾക്കും സാംസ്‌കാരിക പ്രവർത്തകർക്കും അക്കാദമിയെ അറിയിക്കാം. കലാപ്രവർത്തകരുടെ പേരു വിവരങ്ങൾ, പ്രവർത്തിക്കുന്ന മേഖല, പ്രവൃത്തിപരിചയം, ലഭിച്ച അംഗീകാരങ്ങൾ തുടങ്ങിയ വിവരങ്ങൾ അക്കാദമി ഓഫീസിൽ നേരിട്ടോ തപാൽ മുഖേനയോ നൽകാം.

  തിരുവനന്തപുരം സർക്കാർ ഗസ്റ്റ് ഹൗസിൽ 24 ന് നടത്താനിരുന്ന സംസ്ഥാന മത്സ്യത്തൊഴിലാളി കടാശ്വാസ കമ്മീഷൻ സിറ്റിംഗ് മാറ്റി വെച്ചു. പുതിയ തീയതി പിന്നീട് അറിയിക്കും.
പി.എൻ.എക്സ്.1124/2020

കോവിഡ് 19 ബാധ സംബന്ധിച്ച് പരിശോധനയ്ക്കായി സംസ്ഥാനത്തെ വൈറോളജി ലാബുകളും അവിടെ ഉറങ്ങാതെ 24 മണിക്കൂറും സേവനം അനുഷ്ഠിക്കുന്ന ജീവനക്കാരുമാണുള്ളത്. കേരളത്തിൽ ഇപ്പോൾ ഏഴ് ലാബുകളിലാണ് കോവിഡ് 19 പരിശോധിക്കാനുള്ള സംവിധാനങ്ങളുള്ളതെന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചർ പറഞ്ഞു. എൻ.ഐ.വി. ആലപ്പുഴയിലായിരുന്നു ആരംഭഘട്ടത്തിൽ പരിശോധനകൾ നടത്തിയിരുന്നത്. മാർച്ച് 10ന് കോഴിക്കോട് മെഡിക്കൽ കോളേജിലും മാർച്ച് 11ന് തിരുവനന്തപുരം മെഡിക്കൽ കോളേജിലും (വൈറസ് റിസർച്ച് ആന്റ് ഡയഗ്നോസ്റ്റിക് ലബോറട്ടി) ആരംഭിച്ചു. മാർച്ച് 16ന് തൃശൂർ മെഡിക്കൽ കോളേജിലും ഒന്നാംഘട്ട പരിശോധനയ്ക്കുള്ള വി.ആർ.ഡി.എൽ. ആരംഭിച്ചിട്ടുണ്ട്.

അട്ടപ്പാടി ബ്ലോക്കിലെ പുതൂര്‍ ഗ്രാമപഞ്ചായത്തിലെ വിട്ടിയൂരില്‍ ലിഫ്റ്റ് ഇറിഗേഷന്‍ മോഡല്‍ ഹാംലൈറ്റ് പ്രവൃത്തിക്കായി അംഗീകൃത കരാറുകാരില്‍ നിന്നും ക്വട്ടേഷന്‍ ക്ഷണിച്ചു. 36180 രൂപയാണ് നിരതദ്രവ്യം. ക്വട്ടേഷനുകള്‍ മലമ്പുഴ കൃഷി അസിസ്റ്റന്റ് എക്‌സിക്യൂട്ടീവ് എഞ്ചിനീയറുടെ കാര്യാലയത്തില്‍ മാര്‍ച്ച് 20 ന് വൈകിട്ട് മൂന്ന് വരെ സ്വീകരിക്കും.

ജില്ലയില്‍ ആരോഗ്യ വകുപ്പില്‍ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ ഗ്രേഡ് 2 (കാറ്റഗറി നം. 665/2012) തസ്തികയ്ക്കായി 2017 ഫെബ്രുവരി 23 ന് നിലവില്‍ വന്ന റാങ്ക് പട്ടികയുടെ കാലാവധി പൂര്‍ത്തിയായതിനാല്‍ 2020 ഫെബ്രുവരി 23 മുതല്‍ പ്രാബല്യത്തിലില്ലാതായതായി പി.എസ്.സി. ജില്ലാ ഓഫീസര്‍ അറിയിച്ചു.

കോഴിക്കോട് - പാലക്കാട് ദേശീയപാത 966 ല്‍ കി.മി 95/000 മുതല്‍ 96/000 വരെ ഉള്‍പ്പെട്ട പലജാതി മരങ്ങളുടെ ലേലം മാര്‍ച്ച് 24 ന് രാവിലെ 10.30 നും കി.മീ 87/000 മുതല്‍ 96/000 വരെ ഉള്‍പ്പെട്ട  മരങ്ങളുടെ ലേലം 11 നും പാലക്കാട് പൊതുമരാമത്ത് വകുപ്പ് ദേശീയപാത ഉപവിഭാഗം അസിസ്റ്റന്റ് എക്സിക്യൂട്ടീവ് എഞ്ചിനീയറുടെ കാര്യാലയത്തില്‍ നടക്കും. ജി.എസ്.ടി. രജിസ്ട്രേഷനുളളവര്‍ക്ക് ലേലത്തില്‍ പങ്കെടുക്കാം. ക്വട്ടേഷനുകള്‍ മാര്‍ച്ച് 23 ന് വൈകിട്ട് മൂന്ന് വരെ സ്വീകരിക്കും.

സര്‍ക്കാര്‍ ഫിഷറീസ് വകുപ്പ്, മംഗലംഡാം ഫിഷ് സീഡ് ഫാമില്‍ ജി.ഐ.എഫ്. തിലാപ്പിയ മത്സ്യക്കുഞ്ഞുങ്ങള്‍ വിതരണത്തിന് തയ്യാറായിട്ടുണ്ട്. ഏകഎഠ മത്സ്യകൃഷി നടത്തുന്നതിന് ലൈസന്‍സ് ഉളള മത്സ്യകര്‍ഷകര്‍ 9446333374 നമ്പറിലോ ഫിഷറീസ് സബ് ഇന്‍സ്‌പെക്ടര്‍ മംഗലം ഡാം ഓഫീസിലോ പ്രവൃത്തി സമയങ്ങളില്‍ ബന്ധപ്പെടണമെന്ന് സബ് ഇന്‍സ്‌പെക്ടര്‍ ഓഫ് ഫിഷറീസ് അറിയിച്ചു.