സാമൂഹ്യനീതി വകുപ്പ് മുഖേന നടത്തിവരുന്ന വ്യക്തിഗത ഗുണഭോക്തൃ പദ്ധതികളിലേക്ക്  2020-21 സാമ്പത്തിക വര്‍ഷത്തെ ധനസഹായത്തിലേക്ക്   അപേക്ഷ ക്ഷണിച്ചു.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 17)  വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 6 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഒരാളെ അറസ്റ്റ് ചെയ്തു.    കണ്ടേയ്‌ൻമെന്റ്  സോണുകളിൽ സമയ പരിധി കഴിഞ്ഞും കടകൾ പ്രവർത്തിച്ചതിനും നിരീക്ഷണ കാലാവധി പൂർത്തിയാകും മുൻപ് പുറത്ത് ഇറങ്ങിയതിനുമാണ് കേസ് രജിസ്റ്റർ ചെയ്തത്. നിർദേശങ്ങൾ പാലിക്കാതെ സമര പരിപാടികളിൽ പങ്കെടുത്തതിന് 73 പേർക്കെതിരെയും  പോലീസ് കേസെടുത്തിട്ടുണ്ട്.

 മാസ്ക് ധരിക്കാത്ത 50 പേർക്കെതിരെ കേസ് 

മത്സ്യകൃഷി രംഗത്ത് പ്രോത്സാഹനം സൃഷ്ടിക്കുന്നതിനും മത്സ്യകൃഷി ക്രിയാത്മകമായി ഏറ്റെടുത്ത് വിജയിപ്പിക്കുന്ന കര്‍ഷകരെയും തദ്ദേശ സ്വയംഭരണ സ്ഥാപങ്ങളെയും അംഗീകരിക്കുന്നതിനുമായി ഫിഷറീസ് വകുപ്പ് മുഖേന  മികച്ച ശുദ്ധജല കര്‍ഷകന്‍, മികച്ച അക്വാകള്‍ച്ചര്‍ പ്രൊമോട്ടര്‍, മികച്ച തദ്ദേശസ്വയംഭരണ സ്ഥാപനം, മികച്ച നൂതന മത്സ്യകൃഷി എന്നീ വിഭാഗങ്ങളിലെ മികച്ച കര്‍ഷകരെ ജില്ലാതലത്തില്‍ തെരഞ്ഞെടുക്കുന്നു. അപേക്ഷകര്‍ ഇടുക്കി ജില്ലയില്‍ മത്സ്യകൃഷി ചെയ്യുന്നവരോ സേവനം ചെയ്യുന്നവരോ ആയിരിക്കണം.

പാലക്കാട് ജില്ലയിൽ ഒന്നും മൂന്നും വയസ്സുള്ള ആൺകുട്ടികൾക്ക് ഉൾപ്പെടെ ഇന്ന്(ജൂൺ 17) ആറ് പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിൽ ഒരാൾ കളമശ്ശേരി മെഡിക്കൽ കോളേജിൽ ചികിത്സയിലാണ്.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

റഷ്യ-1
പുതുശ്ശേരി പാമ്പംപള്ളം സ്വദേശി (39 പുരുഷൻ). ഇദ്ദേഹം കളമശ്ശേരി മെഡിക്കൽ കോളേജിലാണ് ചികിത്സയിലുള്ളത്.

യു എ ഇ-2
കൊപ്പം കീഴ്മുറി സ്വദേശി (23 സ്ത്രീ), ഇവരുടെ മൂന്ന്  വയസ്സ് പ്രായമുള്ള മകൻ

ഇടുക്കി ജില്ലാ ആശുപത്രി ക്യാന്‍സര്‍ വാര്‍ഡിലേയ്ക്കായി എല്‍ഷദായ്  ഫ്യുവല്‍സ് കമ്പനി ലിമിറ്റഡ് ചെയര്‍മാന്‍ റിന്‍സ് ജേക്കബ്, കട്ടപ്പന ചിരി ക്ലബ്ബ് മുഖേന നല്കിയ ടി.വി ജില്ലാ കലക്ടര്‍ എച്ച്.ദിനേശന്‍ ഏറ്റുവാങ്ങി. എച്ച്‌സിഎന്‍ എം.ഡി ജോര്‍ജി മാത്യു, ചിരി ക്ലബ്ബ് ഭാരവാഹികളായ അശോക് ഇലവന്തിക്കല്‍, മനോജ് വര്‍ക്കി എന്നിവര്‍ കലക്ടറുടെ ചേംബറിലെത്തി ടി.വി കൈമാറി.
 

ജില്ലാ ലൈബ്രറി കൗണ്‍സിലിന്റെ ആഭിമുഖ്യത്തില്‍ സംഘടിപ്പിക്കുന്ന വായനാ പക്ഷാചരണ പരിപാടി, ജൂണ്‍ 19 ന് രാവിലെ 11 മണിക്ക് പീരുമേട്  എസ്.എം.എസ് ക്ലബ്ബില്‍ ഇ. എസ്. ബിജിമോള്‍ എം.എല്‍.എ ഉദ്ഘാടനം ചെയ്യും.  ലൈബ്രറി കൗണ്‍സില്‍ ജില്ലാ പ്രസിഡന്റ് ആര്‍. തിലകന്‍ അധ്യക്ഷത വഹിക്കും. പീരുമേട് താലൂക്ക് ലൈബ്രറി കൗണ്‍സില്‍  പ്രസിഡന്റ് നിശാന്ത്. വി. ചന്ദ്രന്‍, പി എന്‍ പണിക്കര്‍ അനുസ്മരണം നടത്തും.  

    പുത്തുമലയിലെ പ്രളയബാധിതരെ പുനരധിവസിപ്പിക്കുന്ന കോട്ടപ്പടി വില്ലേജിലെ പൂത്തകൊല്ലി എസ്റ്റേറ്റിലെ ഭൂമി ജില്ലാ കളക്ടര്‍ ഡോ.അദീല അബ്ദുള്ള സന്ദര്‍ശിച്ചു. പ്ലോട്ടുകള്‍ക്ക് അവകാശികളെ കണ്ടെത്തിയതോടെ വീടുകള്‍ക്കുള്ള പ്ലാന്‍ തയ്യാറാക്കുന്നതിന്റെ ഭാഗമായാണ് പൂത്തകൊല്ലി എസ്റ്റേറ്റ് കളക്ടര്‍ സന്ദര്‍ശിച്ചത്. ആദ്യ ഘട്ടത്തില്‍ 52 പേര്‍ക്കാണ് പ്ലോട്ട് അനുവദിച്ചത്.

പി.എന്‍.പണിക്കര്‍ ഫൗണ്ടേഷന്റെ ആഭിമുഖ്യത്തില്‍ ഈ വര്‍ഷത്തെ ജില്ലാതല വായനാ മാസാചരണത്തിന് നാളെ തുടക്കമാകും. വെള്ളിയാഴ്ച രാവിലെ 11 മണിക്ക് കലക്ട്രേറ്റില്‍ ജില്ലാ കലക്ടര്‍ എച്ച്.ദിനേശന്‍ പരിപാടി ഉദ്ഘാടനം ചെയ്യും. എ ഡി എം ആന്റണി സ്‌കറിയ, ജില്ലാ പ്ലാനിംഗ് ഓഫീസര്‍ സാബു വര്‍ഗീസ്, പി.എന്‍.പണിക്കര്‍ ഫൗണ്ടേഷന്‍ ജില്ലാ സെക്രട്ടറി ഏലിയാസ് കാവുമറ്റം, ജില്ലാ ഇന്‍ഫര്‍മേഷന്‍ ഓഫീസര്‍ എന്‍. സതീഷ് കുമാര്‍ തുടങ്ങിയവര്‍ പങ്കെടുക്കും.
 

    തിരുനെല്ലി സ്‌പെഷ്യല്‍ പ്രൊജക്ട് ഓഫീസിന് ഔദ്യോഗിക ആവശ്യത്തിനായി വാഹനം വാടകയ്ക്ക് എടുക്കുന്നതിന് മത്സര സ്വഭാവമുള്ള ടെണ്ടറുകള്‍ ക്ഷണിച്ചു. കുടുംബശ്രീ ജില്ലാമിഷന്‍ ഓഫീസിലാണ് ടെണ്ടര്‍ സമര്‍പ്പിക്കേണ്ടത്. ടെണ്ടര്‍ ഫോം ജൂണ്‍ 26 ന് ഉച്ചയ്ക്ക് 2 വരെ സ്വീകരിക്കും. ഫോണ്‍ നമ്പര്‍ 04936 206589.