വനം വകുപ്പ് കോഴിക്കോട് തടി വില്‍പ്പന ഡിവിഷന് കീഴിലെ ഡിപ്പോകളില്‍ തേക്ക്, വീട്ടി, തേക്ക് കഴകള്‍ തുടങ്ങിയവ ഇ ലേലം ചെയ്യും. ഫോണ്‍: 0495 2414702 ( ഓഫീസ്), 04936 221562 (കുപ്പാടി), 04936 221562 (ബാവലി), 04994 270060 (പരപ്പ), 0490 2302080 (കണ്ണോത്ത്), 0495 2472995 (ചാലിയം).  

രജിസ്‌ട്രേഷന്‍ ക്യാമ്പ് ഇന്നും നാളെയും

സാമൂഹ്യനീതി വകുപ്പ് നടപ്പാക്കിവരുന്ന നേര്‍വഴി പദ്ധതിയുടെ ഭാഗമായി കോഴിക്കോട് ജില്ലാ പ്രൊബേഷന്‍ ഓഫീസിനു കീഴില്‍ യുവകുറ്റാരോപിതര്‍, വിചാരണതടവുകാര്‍, മുന്‍കുറ്റവാളികള്‍ എന്നിവര്‍ക്കിടയില്‍ സാമൂഹിക-മാനസിക-സന്നദ്ധസേവനങ്ങള്‍ നടത്തുന്നതിനായി താല്‍പര്യമുളള സന്നദ്ധ സാമൂഹിക പ്രവര്‍ത്തകരില്‍ നിന്നും അപേക്ഷ ക്ഷണിച്ചു. യോഗ്യത - ബിരുദം, പ്രവൃത്തി പരിചയം. പ്രായപരിധി ഇല്ല. ഹോണറേറിയം - പ്രതിമാസം പരമാവധി 5000 രൂപ.

കൊടുവള്ളി നഗരസഭയിലെ പുതുക്കിപ്പണിത ആമ്പല്‍കുളം-പറമ്പത്ത്കാവ് പള്ളി റോഡ് കൊടുവള്ളി കാരാട്ട് റസാഖ് എംഎല്‍എ ഉദ്ഘാടനം ചെയ്തു. എംഎല്‍എ യുടെ ആസ്തി വികസന ഫണ്ടില്‍ നിന്ന് 25 ലക്ഷം രൂപ ചിലവഴിച്ചാണ് റോഡ് കോണ്ക്രീറ്റ് ചെയ്തത്.  നഗരസഭ കൗണ്‍സിലര്‍ കാരാട്ട് ഫൈസല്‍ അധ്യക്ഷത വഹിച്ചു. നഗരസഭ കൗണ്‍സിലര്‍മാരായ വായോളി മുഹമ്മദ് മാസ്റ്റര്‍, കെ കെ സഫീന, ഇ. സി. മുഹമ്മദ്, സഹകരണ ബാങ്ക് പ്രസിഡന്റ് ഒ പി റഷീദ്,  റസിയ ഇബ്രാഹിം. പിടി സദാശിവന്‍,  സി.പി ഫൈസല്‍,  എന്‍.പി ഇക്ബാല്‍, കെ.ടി സുനി, കെ.പി കുഞ്ഞിരായിന്‍ ഹാജി, എ പി സിദ്ധീഖ്, കീപ്പോയില്‍ ഇബ്രാഹിം. നാസര്‍ ചുണ്ടപ്പുറം,  വി ടി ഷമീര്‍ എന്നിവര്‍ സംസാരിച്ചു.

പത്തനംതിട്ട എസ്.ബി.ഐയുടെ ഗ്രാമീണ സ്വയംതൊഴില്‍ പരിശീലന കേന്ദ്രത്തില്‍ കൂണ്‍കൃഷി, തേനീച്ച വളര്‍ത്തല്‍ എന്നിവയില്‍ സൗജന്യ പരിശീലനത്തിന് അപേക്ഷിക്കാം. താത്പര്യമുള്ളവര്‍ 0468 2270244, 2270243 എന്നീ നമ്പരുകളില്‍ ഉടന്‍ രജിസ്റ്റര്‍ ചെയ്യണം.          (പിഎന്‍പി 1512/19)

ഏനാദിമംഗലം ഗ്രാമപഞ്ചായത്തിലെ ആരോഗ്യ ഇന്‍ഷുറന്‍സ് കാര്‍ഡ് പുതുക്കല്‍ ഇന്ന് (25)മുതല്‍ ജൂലൈ ഒമ്പത് വരെ വിവിധ കേന്ദ്രങ്ങളില്‍ നടക്കും. റേഷന്‍ കാര്‍ഡ്, ആധാര്‍ കാര്‍ഡ്, പഴയ ആരോഗ്യ ഇന്‍ഷുറന്‍സ് കാര്‍ഡ്,  50 രൂപ എന്നിവ സഹിതം കുടുംബത്തിലെ ഒരാള്‍ കേന്ദ്രത്തില്‍ എത്തി കാര്‍ഡ് പുതുക്കണം. 

സംസ്ഥാന സര്‍ക്കാരിന്റെ നൈപുണ്യ വികസന പദ്ധതിയായ അസാപ്പിന്റെ നേതൃത്വത്തില്‍ ജില്ലയിലെ വ്യവസായ ശാലകളുമായി സഹകരിച്ച് ഇന്ന് (25) കളക്ടറേറ്റ് കോണ്‍ഫറന്‍സ് ഹാളില്‍ ഇന്‍ഡസ്ട്രീസ് മീറ്റ് നടത്തും. ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി ഉദ്ഘാടനം ചെയ്യും. ജില്ലാ കളക്ടര്‍ പി.ബി.നൂഹ് അധ്യക്ഷത വഹിക്കും. എന്‍ജിനീയറിംഗ് കോളജുകളിലെ മൂന്നാം വര്‍ഷ വിദ്യാര്‍ഥികള്‍ക്ക് ഇന്റേണ്‍ഷിപ്പിന് അവസരം നല്‍കിക്കൊണ്ട് തൊഴില്‍ നൈപുണ്യ പരിശീലനം നേടുന്നതിനാണ് ഇന്‍ഡസ്ട്രീസ് മീറ്റ് സംഘടിപ്പിക്കുന്നത്.  ജില്ലയിലെ ചെറുകിട വന്‍കിട വ്യവസായ സ്ഥാപനങ്ങളിലെ പ്രതിനിധികള്‍ പങ്കെടുക്കും.          (പിഎന്‍പി 1510/19)