കലക്‌ട്രേറ്റ് കോണ്‍ഫറന്‍സ് ഹാളില്‍ മാര്‍ച്ച് 23 ന് നടത്താനിരുന്ന ജില്ലാതല പോലീസ് കംപ്ലയിന്റ് അതോറിറ്റി സിറ്റിങ് മാറ്റിവച്ചു.

ജില്ലയില്‍ ഹയര്‍ സെക്കണ്ടറി വിദ്യാഭ്യാസ വകുപ്പില്‍ ലാബ് അസിസ്റ്റന്റ് (കാറ്റഗറി നമ്പര്‍ 419/2017) തസ്തികയുടെ സാധ്യതാ പട്ടിക പി എസ് സി പ്രസിദ്ധീകരിച്ചു.

വെട്ടിക്കവല ബ്ലോക്ക് പഞ്ചായത്തിലെ 14 ബ്ലോക്ക് ഡിവിഷനുകളുടെ കീഴില്‍ പ്രവര്‍ത്തിക്കുന്ന വയോജന ക്ലബ്ബുകള്‍ക്ക് ആവശ്യമായ പ്ലാസ്റ്റിക് കസേരകള്‍ വിതരണം ചെയ്യുന്നതിന് ടെണ്ടര്‍ ക്ഷണിച്ചു. മാര്‍ച്ച് 24 ന് ഉച്ചയ്ക്ക് രണ്ടുവരെ സമര്‍പ്പിക്കാം. വിശദ വിവരങ്ങള്‍ 0474-2404299 നമ്പരില്‍ ലഭിക്കും.

ആർ.സി.സിയിൽ രോഗികളോടൊപ്പം വരുന്നവർ കഴിഞ്ഞ ഒരു മാസത്തിനുള്ളിൽ വിദേശ യാത്ര നടത്തുകയോ, വിദേശത്തു നിന്ന് വന്നവരുമായി സമ്പർക്കം പുലർത്തുകയോ ചെയ്തിട്ടില്ലെന്ന് ഉറപ്പു വരുത്തണമെന്ന് ആർ.സി.സി ഡയറക്ടർ അറിയിച്ചു. ഇത്തരത്തിൽ ചിലർ രോഗികളെ അനുഗമിക്കുന്നതായി ശ്രദ്ധയിൽപ്പെട്ടതിനെ തുടർന്നാണ് നിർദേശം. ഇത്തരക്കാർ കാൻസർ രോഗികളുമായി സമ്പർക്കം പുലർത്തുന്നത് രോഗികൾക്ക് അപകടകരമായിരിക്കുമെന്നും ഡയറക്ടർ അറിയിച്ചു.
പി.എൻ.എക്സ്.1117/2020

കരാറുകൾക്ക് തുക നൽകാൻ സർക്കാർ ഏർപ്പെടുത്തിയ ബിൽ ഡിസ്‌കൗണ്ടിംഗ് സംവിധാനത്തിൽ കൂടുതൽ ബാങ്കുകൾ ചേർന്നു. കേരള ബാങ്ക്, ആക്‌സിസ് ബാങ്ക്, സൗത്ത് ഇന്ത്യൻ ബാങ്ക്, യൂക്കോ ബാങ്ക്, ബാങ്ക് ഓഫ് മഹാരാഷ്ട്ര, സിറ്റി യൂണിയൻ ബാങ്ക് തുടങ്ങിയവയാണ് പുതുതായി ചേർന്നത്. ഈ ബാങ്കുകൾ വഴി കരാറുകൾക്കും വിതരണക്കാർക്കും അംഗീകൃത ഏജൻസികൾക്കും ബിൽ ഡിസ്‌കൗണ്ടിംഗ് നടത്താം.
പി.എൻ.എക്സ്.1116/2020

സർക്കാർ ജീവനക്കാർ, സർക്കാർ/എയ്ഡഡ് - സ്‌കൂൾ/കോളേജുകളിലെ അധ്യാപകർ എന്നിവർ സ്വകാര്യ പി.എസ്.സി പരിശീലന കേന്ദ്രങ്ങൾ/ട്യൂട്ടോറിയൽ സ്ഥാപനങ്ങൾ നടത്തുന്നതിനും ക്ലാസുകൾ എടുക്കുന്നതിനുമെതിരെ അച്ചടക്ക നടപടി സ്വീകരിക്കുമെന്ന് ഉദ്യോഗസ്ഥ ഭരണ പരിഷ്‌കാര വകുപ്പ് സർക്കുലർ ഇറക്കി. ഇത്തരം പ്രവൃത്തികളിൽ ഏർപ്പെടുന്നവർക്കെതിരെ വകുപ്പധ്യക്ഷൻമാർ/നിയമനാധികാരികൾ കർശന ശിക്ഷണ നടപടി സ്വീകരിക്കണമെന്നും സർക്കുലർ പറയുന്നു.
പി.എൻ.എക്സ്.1115/2020

കോവിഡ്19 സംബന്ധിച്ച ആധികാരിക വിവരങ്ങളറിയിക്കാൻ ഇൻഫർമേഷൻ പബ്‌ളിക് റിലേഷൻസ് വകുപ്പ് തയാറാക്കിയ 'ജി.ഒ.കെ ഡയറക്ട്' (GoKDirect ) മൊബൈൽ ആപ്പ് ഗൂഗിൾ പ്ലേസ്റ്റോറിൽ ട്രൻഡിംഗ് ലിസ്റ്റിൽ. നിലവിൽ നാല് ലക്ഷത്തോളം പേരാണ് ആപ്പ് ഡൗൺലോഡ് ചെയ്തത്. ആൻഡ്രോയിഡ് പ്ലാറ്റ്്‌ഫോമിനു പുറമെ ഐ.ഒ.എസിലും ആപ്പ് ലഭ്യമാണ്. കോവിഡ്19 വിവരങ്ങളറിയാൻ ഒരു ദിവസം നാലുലക്ഷം മിസ്ഡ് കോളുകളാണ് മൊബൈൽ ആപ്പിലേക്ക് എത്തിയത്. സ്മാർട്ട് ഫോൺ കൈയിലില്ലാത്തവർക്കുപോലും ഔദ്യോഗിക അറിയിപ്പുകൾ ലഭ്യമാക്കാനാണ് 8302201133 എന്ന നമ്പരിലേക്ക് മിസ്ഡ് കോൾ സൗകര്യം ഏർപ്പെടുത്തിയത്.

കൊവിഡ് 19 രോഗലക്ഷണങ്ങൾ ഉള്ളവർ ആശുപത്രിയിലെത്തുന്നതിന് പൊതുഗതാഗത സംവിധാനം യാതൊരു കാരണവശാലും ഉപയോഗിക്കാൻ പാടില്ലെന്ന് ജില്ലാ കലക്ടർ സാംബശിവ റാവു അറിയിച്ചു. ആംബുലൻസ് ഉപയോഗിച്ച് മാത്രമേ ആശുപത്രിയിലേക്ക് വരാനും തിരിച്ച്  വീടുകളിലേക്ക് പോകാനും പാടുള്ളൂ. ഇതിന്‌ കണ്‍ട്രോള്‍ റൂമിൽ ബന്ധപ്പെടാം. വാഹനസൗകര്യം ലഭ്യമാകുന്നതിന് പഞ്ചായത്ത് പ്രസിഡൻറ് ,വാർഡ് മെമ്പർ, മറ്റ് ജനപ്രതിനിധികൾ എന്നിവരുടെ സേവനം ഉപയോഗിക്കാവുന്നതാണെന്നും അദ്ദേഹം അറിയിച്ചു. 

വീടുകളിൽ നിരീക്ഷണത്തിലുള്ളവർ യാതൊരു കാരണവശാലും പൊതുപരിപാടികളിൽ പങ്കെടുക്കുകയോ പുറത്തിറങ്ങുകയോ ചെയ്യരുത്.

മാർച്ച് 13 ന് ഇത്തിഹാദ് എയർവെയ്സ്  EY 250 (3.20 am) ന് അബുദാബിയിൽ നിന്നും കോഴിക്കോട് അന്താരാഷ്ട്ര വിമാനത്താവളത്തിലെത്തിയ  മാഹി സ്വദേശിക്ക് ഇന്ന് (17.03.2020) കോവിഡ് 19 രോഗബാധ സ്ഥിരീകരിച്ച സാഹചര്യത്തിൽ ഈ വിമാനത്തിൽ യാത്ര ചെയ്ത കോഴിക്കോട് ജില്ലയിലെ യാത്രക്കാർ ജില്ലാ കൺട്രോൾ  റൂമുമായി ഉടൻതന്നെ ബന്ധപ്പെടണമെന്ന് ജില്ലാ കളക്ടര്‍ സാംബശിവ റാവു അറിയിച്ചു. ഈ ഫ്ലൈറ്റിലെ  യാത്രക്കാർ കർശനമായും വീടുകളിൽ തന്നെ കഴിയണമെന്നും, പൊതുജനങ്ങളുമായുള്ള സമ്പർക്കം പൂർണ്ണമായി ഒഴിവാക്കണമെന്നും  കർശനമായി നിർദേശിച്ചു. മറ്റു ജില്ലകളിലെ യാത്രക്കാർ അതാത് ജില്ലാ കൺട്രോൾ റൂമുമായി ബന്ധപ്പെടേണ്ടതാണ്.

കോവിഡിന്റെ പശ്ചാത്തലത്തില്‍ മാര്‍ച്ച് 24 ന് നടത്താനിരുന്ന റിജ്യണല്‍ ട്രാന്‍സ്‌പോര്‍ട്ട് അതോറിറ്റി മീറ്റിങ് മാറ്റിവച്ചതായി സെക്രട്ടറി അറിയിച്ചു.