കാണം/വെറുമ്പാട്ടം, അവകാശഭൂമിക്ക് ജന്മം അനുവദിച്ച് ക്രയസർട്ടിഫിക്കറ്റ് നൽകുന്നതുമായി ബന്ധപ്പെട്ട് തൃശൂർ ലാൻഡ് ട്രൈബ്യൂണൽ ആൻഡ് ഡെപ്യൂട്ടി കളക്ടർ (എൽആർ) ജൂൺ 15 മുതൽ 30 വരെ കളക്ടറേറ്റിൽ നടത്തുവാൻ നിശ്ചയിച്ച എല്ലാ എസ്എം കേസുകളുടെ വിചാരണ മാറ്റി. പുതുക്കിയ തീയതി പിന്നീടറിയിക്കും. ഫോൺ: 0487 2433492, 24333489.

കൊടുങ്ങല്ലൂർ നഗരസഭയിൽ സുഭിക്ഷ കേരളം പദ്ധതിയ്ക്ക് ഒന്നേകാൽ കോടിയുടെ അംഗീകാരം നൽകിയതായി നഗരസഭ ചെയർമാൻ കെ ആർ ജൈത്രൻ. 1 കോടി 31 ലക്ഷം രൂപയുടെ വിവിധ കാർഷിക പദ്ധതികൾക്കാണ് ജില്ലാ ആസൂത്രണ സമിതി അംഗീകാരം നൽകിയത്.
തരിശ് ഭൂമിയിൽ കൃഷി ചെയ്യുന്നതിന് 11,60,000 രൂപ, പച്ചക്കറി ഗ്രോബാഗ് വിതരണത്തിന് 10 ലക്ഷം, തെങ്ങുകൃഷി വികസനത്തിന് 15,12,500,, സമഗ്ര നെൽകൃഷിക്ക് 4, 90,000, ഫലവൃക്ഷങ്ങൾ, സുഗന്ധവിളകൾ എന്നിവയുടെ നടീൽ വസ്തുക്കൾ വിതരണത്തിന് നാല് ലക്ഷം. കൂടാതെ മുഴുവൻ കിണറുകളും റീ-ചാർജ് ചെയ്യുന്നതുൾപ്പെടെ കാർഷിക മേഖലയിൽ മാത്രം 53 ലക്ഷത്തോളം രൂപയ്ക്കുള്ള പദ്ധതികൾക്കാണ് അംഗീകാരം ലഭിച്ചത്.

നെൽവയൽ തണ്ണീർത്തട സംരക്ഷണ നിയമപ്രകാരം ആവശ്യമായ വിവരശേഖരണം ത്വരിതപ്പെടുത്തി ഡാറ്റാബാങ്ക് പൂർത്തിയാക്കാൻ കളക്ടർ എസ്.ഷാനവാസ് നിർദ്ദേശം നൽകി. കൃഷി ഓഫീസ്, റവന്യൂ ഓഫീസ് ഉദ്യോഗസ്ഥരുമായി വീഡിയോ കോൺഫറൻസ് വഴി നടത്തിയ മീറ്റിങ്ങിലായിരുന്നു നിർദ്ദേശം. 30 ദിവസത്തിനുള്ളിൽ വിവരശേഖരണം പൂർത്തിയാക്കാനാണ് പദ്ധതി.

ഗാർഹികാവശ്യങ്ങൾക്കായുള്ള തേക്കുതടിയുടെ ചില്ലറ വിൽപന തിരുവനന്തപുരം തടിവിൽപന ഡിവിഷന്റെ കീഴിലുള്ള കുളത്തുപ്പുഴ (0475-2319241) തടിഡിപ്പോയിൽ 22 മുതൽ നടക്കും. വീട് നിർമ്മിക്കുന്നതിനു അംഗീകരിച്ച പ്ലാൻ, അനുമതി, സ്‌കെച്ച് എന്നിവയുടെ പകർപ്പും തിരിച്ചറിയൽ കാർഡുമായി എല്ലാ പ്രവൃത്തി ദിവസങ്ങളിലും രാവിലെ പത്ത് മുതൽ വൈകിട്ട് അഞ്ചുവരെ ഡിപ്പോയിൽ സമീപിച്ചാൽ അഞ്ച് ക്യു.മീറ്റർവരെ തേക്കുതടി നേരിട്ടുവാങ്ങാം.
പി.എൻ.എക്സ്. 2179/2020

കോഴിക്കോട് വഖഫ് ട്രിബ്യൂണൽ ക്യാമ്പ് സിറ്റിങ് ജൂലൈ 14, 15,16 തീയതികളിൽ എറണാകുളം കലൂരിലുളള കേരളാ സ്റ്റേറ്റ് വഖഫ് ബോർഡ് ഹെഡ് ഓഫീസ് കെട്ടിടത്തിൽ നടക്കുമെന്ന് ശിരസ്തദാർ അറിയിച്ചു.
പി.എൻ.എക്സ്. 2178/2020