കോവിഡ് 19 വ്യാപനം തടയുന്നതിനുള്ള പ്രവര്‍ത്തനങ്ങളുടെ ഭാഗമായി വാണിജ്യ- വാണിജ്യേതര സ്ഥാപനങ്ങള്‍ ആരോഗ്യ മാര്‍ഗ്ഗനിര്‍ദേശങ്ങള്‍ പാലിപിമെന്ന് ജില്ലാ മെഡിക്കല്‍ ഓഫീസര്‍ വ്യക്തമാക്കി.

ജില്ലയുടെ വിവിധ ഭാഗങ്ങളില്‍ ഡെങ്കിപ്പനി റിപ്പോര്‍ട്ട് ചെയ്യപ്പെട്ട സാഹചര്യത്തില്‍ തദ്ദേശ സ്ഥാപനങ്ങളില്‍ പ്രതിരോധ പ്രവര്‍ത്തനങ്ങള്‍ ഊര്‍ജ്ജിതമാക്കാന്‍ ജില്ലാ കലക്ടറുടെ അധ്യക്ഷതയില്‍ ചേര്‍ന്ന യോഗം ബന്ധപ്പെട്ടവര്‍ക്ക് നിര്‍ദ്ദേശം നല്‍കി. കൊതുകുകള്‍ പെരുകുന്നത് തടയുന്നതിന് ഉറവിട നശീകരണം നടത്തണം. ഇതിന്റെ തുടക്കമെന്ന നിലയില്‍ ജൂണ്‍ 19ന് സിവില്‍ സ്റ്റേഷനും പരിസരവും അതാത് ഓഫീസ് മേലധികാരികളുടെ നേതൃത്വത്തില്‍ ജീവനക്കാര്‍ ചേര്‍ന്ന് വൃത്തിയാക്കാനും യോഗത്തില്‍ തീരുമാനമായി.

ജില്ലയില്‍ 10 പേര്‍ക്ക് ഇന്നലെ (ജൂണ്‍ 15) കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. ഇവരില്‍ നാലുപേര്‍ വിദേശരാജ്യങ്ങളില്‍ നിന്നും ആറ് പേര്‍ മുംബൈയില്‍ നിന്നും എത്തിയവരാണ്.

വിചാരണ മാറ്റി
ജൂണ്‍ 16, 24 തീയതികളില്‍ കലക്ടറേറ്റില്‍ വിചാരണക്ക് വെച്ച കണ്ണൂര്‍ താലൂക്കിലെ ദേവസ്വം പട്ടയകേസുകളുടെ വിചാരണ യഥാക്രമം ആഗസ്ത് 19, 26 തീയതികളില്‍ രാവിലെ 11 മണിക്ക് നടക്കുമെന്ന് എല്‍ ആര്‍ ഡെപ്യൂട്ടി കലക്ടര്‍ അറിയിച്ചു.

സമയപരിധി നീട്ടി
കേരള ഓട്ടോമൊബൈല്‍ വര്‍ക്ക്‌ഷോപ്പ് തൊഴിലാളില ക്ഷേമനിധി പദ്ധതിയില്‍ അംഗങ്ങളായ അംശദായം അടക്കുവാന്‍ വീഴ്ച വരുത്തിയ അംഗങ്ങളുടെ കുടിശ്ശിക പിഴപലിശയും ചേര്‍ത്ത് അടച്ച് അംഗത്വം പുനസ്ഥാപിക്കുന്നതിനുള്ള സമയം സപ്തംബര്‍ 30 വരെ നീട്ടിയതായി ജില്ലാ എക്‌സിക്യുട്ടീവ് ഓഫീസര്‍ അറിയിച്ചു.  ഫോണ്‍: 0497 2705197.

ഓണ്‍ലൈന്‍ പഠന സൗകര്യം ഇല്ലാത്ത കണ്ണൂര്‍ മണ്ഡലത്തിലെ വിദ്യാര്‍ഥികള്‍ക്ക് മന്ത്രി രാമചന്ദ്രന്‍ കടന്നപ്പള്ളി ടി.വി ചാലഞ്ചിലൂടെ ശേഖരിച്ച 64 ടെലിവിഷന്‍ സെററുകള്‍ വിതരണം ചെയ്തു. കണ്ണൂര്‍ മണ്ഡലത്തിലെ ഓണ്‍ലൈന്‍ പഠന സൗകര്യമില്ലാത്ത 64 പേര്‍ക്കാണ് പഠനവീട് ഒരുക്കുവാന്‍ ടെലിവിഷന്‍ സെറ്റുകള്‍ വിതരണം ചെയ്തത്. സ്‌കൂള്‍ അധികൃതര്‍ നല്‍കിയ റിപ്പോര്‍ട്ട്  പ്രകാരമാണ് അര്‍ഹരെ കണ്ടെത്തിയത്.  കോവിഡ് പശ്ചാത്തലത്തില്‍ ആരുടെയും പഠനം തടസ്സപ്പെടുകയില്ലെന്ന് ചടങ്ങ് ഉദ്ഘാടനം ചെയ്തുകൊണ്ട് മന്ത്രി പറഞ്ഞു. ഇനി പഠനത്തിന്റെ കാലമാണ്.

ആറളം ആദിവാസി പുനരധിവാസ മേഖലയിലെ വിദ്യാര്‍ത്ഥികള്‍ക്ക് ഓണ്‍ലൈന്‍ പഠനം ഉറപ്പാക്കാന്‍ 21 പൊതു കേന്ദ്രങ്ങള്‍ ആരംഭിച്ചു. ആറളം ഫാം, വെളിമാനം, ഇരിട്ടി, പാല, കണിച്ചാര്‍, ഇടവേലി എന്നി സ്‌കൂളുകളില്‍ പഠിക്കുന്ന 830 കുട്ടികള്‍ക്കാണ് സെന്ററുകളില്‍ സൗകര്യം ഒരുക്കിയത്.  വിദ്യാര്‍ഥികള്‍ ക്ലാസുകളില്‍ എത്തിച്ചേരുന്നുണ്ടോ എന്ന് ആറളം ഫാം ഹയര്‍ സെക്കണ്ടറി സ്‌കൂളിലെ അദ്ധ്യാപകരും പി.ടി.എ പ്രതിനിധികളും ഉറപ്പുവരുത്തും.  

മുഴുവന്‍ വിദ്യാര്‍ഥികള്‍ക്കും ഓണ്‍ലൈന്‍ പഠന സൗകര്യമൊരുക്കി ഇ ക്ലാസ്് ചലഞ്ച് പൊതുവിദ്യാഭ്യാസ രംഗത്ത് ജില്ലയില്‍ മറ്റൊരു മുന്നേറ്റമായി. കൊവിഡ് സാഹചര്യത്തില്‍ സ്‌കൂള്‍ പഠനം ഓണ്‍ലൈനിലേക്ക് മാറിയത് ഒരു വിഭാഗം വിദ്യാര്‍ഥികള്‍ക്ക് വെല്ലുവിളിയായപ്പോഴാണ് ജില്ലയില്‍ ഇ ക്ലാസ് ചലഞ്ച് ആരംഭിച്ചത്. മുഴുവന്‍ വിദ്യാര്‍ഥികള്‍ക്കും ഓണ്‍ലൈന്‍ പഠന സൗകര്യം ഉറപ്പാക്കുകയായിരുന്നു ലക്ഷ്യം. പൊതു കേന്ദ്രങ്ങള്‍ വഴിയും മറ്റു സംവിധാനങ്ങള്‍ വഴിയുമായി പൊതുവിദ്യാഭ്യാസ സംരക്ഷണ സമിതിയുടെ നേതൃത്വത്തില്‍ 6520 വിദ്യാര്‍ഥികള്‍ക്ക് ചുരുങ്ങിയ കാലയളവില്‍ തന്നെ പഠന സൗകര്യം ഒരുക്കാന്‍ സാധിച്ചു.

സംസ്ഥാനത്തെ പൊതുവിദ്യാലയങ്ങളിൽ പരിപാലിച്ചു വരുന്ന ജൈവവൈവിധ്യ ഉദ്യാനങ്ങൾക്ക് സംസ്ഥാനതല പുരസ്‌ക്കാരങ്ങൾ പ്രഖ്യാപിച്ചു. വയനാട് ജില്ലയിലെ അമ്പുകുത്തി ജി.എൽ.പി.എസ് സ്‌കൂൾ ഒന്നാം സ്ഥാനം നേടി. ഇടുക്കി ചീന്തലാർ ജി.എൽ.പി.എസ് സ്‌കൂൾ രണ്ടും കൊല്ലം ജി.എൽ.വി. എൽ.പി.എസ്. ചവറ സൗത്ത് മൂന്നും സ്ഥാനം കരസ്ഥമാക്കി.
പി.എൻ.എക്സ്. 2171/2020

ധനകാര്യ വകുപ്പിന്റെ കീഴിലുള്ള സ്പാർക് പി.എം.യുവിലേക്ക് ജൂനിയർ സിസ്റ്റം അഡ്മിനിസ്‌ട്രേറ്റർ തസ്തികയിലേക്ക് കരാറടിസ്ഥാനത്തിൽ നിയമനം നൽകുന്നു. കൂടുതൽ വിവരങ്ങൾക്ക്:  info.spark.gov.in.    
പി.എൻ.എക്സ്. 2170/2020

തിരുവനന്തപുരത്തെ കേരള സ്റ്റേറ്റ് സ്‌പോർട്‌സ് കൗൺസിൽ ഓഫീസിൽ എൽ.ഡി.സി/യു.ഡി.സി തസ്തികകളിൽ ഡെപ്യൂട്ടേഷന് അപേക്ഷ ക്ഷണിച്ചു. രണ്ടു വീതം ഒഴിവുകളുണ്ട്. എൽ.ഡി.സി/യു.ഡി.സി തസ്തികകളിൽ അപേക്ഷിക്കുന്നവർക്ക് അതേ വിഭാഗത്തിൽ കുറഞ്ഞത് അഞ്ച് വർഷത്തെ പ്രവൃത്തി പരിചയം വേണം. താൽപ്പര്യമുളള ഉദ്യോഗാർത്ഥികൾ മേലധികാരികളുടെ സമ്മതപത്രവും, കെ.എസ്.ആർ (ഭാഗം 1) ചട്ടം 144 പ്രകാരമുളള സ്റ്റേറ്റ്‌മെന്റുമായി അപേക്ഷ സമർപ്പിക്കണം.