കോവിഡിന്റെ പശ്ചാത്തലത്തില്‍ നിയമസഭയുടെ സെന്റര്‍ ഫോര്‍ പാര്‍ലമെന്ററി സ്റ്റഡീസിന്റെയും കേരള സ്റ്റേറ്റ് ഫോര്‍മര്‍ എം.എല്‍.എ ഫോറത്തിന്റെയും സംയുക്ത ആഭിമുഖ്യത്തില്‍ 20ന് നിയമസഭാ സമുച്ചയത്തിലെ ബാങ്ക്വറ്റ് ഹാളില്‍ 'ഇന്ത്യന്‍ ഭരണഘടനയും ജനാധിപത്യവും' എന്ന വിഷയത്തില്‍ നടത്താനിരുന്ന സെമിനാര്‍ മാറ്റി.
 

മാര്‍ച്ച് 24, 25 തീയതികളില്‍ ഏറണാകുളം കലൂരിലുളള  സ്റ്റേറ്റ് വഖഫ് ബോര്‍ഡ് ഹെഡ് ഓഫീസില്‍ നടത്താനിരുന്ന കോഴിക്കോട് വഖഫ് ട്രൈബ്യൂണല്‍ ക്യാമ്പ് സിറ്റിങ് ഏപ്രില്‍ 23, 24, 25 തീയതികളിലേക്ക് മാറ്റിയതായി ശിരസ്താര്‍ അറിയിച്ചു.
 

പകല്‍ 12 മണി മുതല്‍ മൂന്ന് മണി വരെ തൊഴിലാളികളെ കൊണ്ട് ജോലി ചെയ്യിപ്പിക്കരുതെന്ന തൊഴില്‍ വകുപ്പിന്റെ അറിയിപ്പ് കര്‍ശനമായി തൊഴിലുടമകള്‍ പാലിക്കണമെന്ന് കോഴിക്കോട് ജില്ലാ ലേബര്‍ ഓഫീസര്‍ (എന്‍ഫോഴ്‌സ്‌മെന്റ്) വി.പി.രാജന്‍ അറിയിച്ചു. അന്തരീക്ഷ താപനില ക്രമാതീതമായി ഉയരുന്ന സാഹചര്യത്തിലാണ് നടപടി. പരിശോധനകള്‍ക്കായി ജില്ലയിലെ അസിസ്റ്റന്റ് ലേബര്‍ ഓഫീസര്‍മാരെ ഉള്‍പ്പെടുത്തി സ്‌ക്വാഡ് രൂപീകരിച്ചിട്ടുണ്ടെന്നും പരിശോധന വേളകളില്‍ ലംഘനങ്ങള്‍ കണ്ടെത്തിയാല്‍ നിയമനടപടികള്‍ സ്വീകരിക്കുമെന്നും അറിയിച്ചു.
 

കോവിഡ്- 19 വ്യാപനം തടയുന്നതിന്റെ ഭാഗമായി ഏര്‍പ്പെടുത്തിയ നിയന്ത്രണങ്ങളോട് മത- സാമുദായിക നേതാക്കള്‍ പൂര്‍ണമായി സഹകരിക്കണമെന്ന് കലക്ടറുടെ ചേംബറില്‍ വിളിച്ചു ചേര്‍ത്ത സാമുദായിക സംഘടനാ നേതാക്കളുടെ യോഗത്തില്‍ ജില്ലാ കലക്ടര്‍ സാംബശിവ റാവു അഭ്യര്‍ഥിച്ചു. കൊറോണ പ്രതിരോധത്തിന് സര്‍ക്കാറും ആരോഗ്യ വകുപ്പും ജില്ലാ ഭരണകൂടവും നിരവധി നടപടികളാണ് കൈക്കൊണ്ടു വരുന്നത്. അതുമായി സഹകരിച്ചില്ലെങ്കില്‍ ഇറ്റലി, സൗത്ത് കൊറിയ, ഇറാന്‍ പോലുള്ള രാജ്യങ്ങളില്‍ സംഭവിച്ചതു പോലെ കാര്യങ്ങള്‍ കൈവിട്ടുപോകും.

    കോവിഡ്-19 ന്റെ പശ്ചാത്തലത്തില്‍ നിയമസഭയുടെ സെന്റര്‍ ഫോര്‍ പാര്‍ലമെന്ററി സ്റ്റഡീസിന്റെയും കേരള സ്റ്റേറ്റ് ഫോര്‍മര്‍ എം.എല്‍.എ ഫോറത്തിന്റെയും സംയുക്ത ആഭിമുഖ്യത്തില്‍ മാര്‍ച്ച് 20-ന് നിയമസഭാ സമുച്ചയത്തിലെ ബാങ്ക്വറ്റ് ഹാളില്‍ 'ഇന്ത്യന്‍ ഭരണഘടനയും ജനാധിപത്യവും' എന്ന വിഷയത്തില്‍ നടത്താനിരുന്ന സെമിനാര്‍ മാറ്റിവച്ചു.
(പി.ആര്‍.പി. 269/2020) 

    സംസ്ഥാന സഹകരണ യൂണിയന്റെ തിരുവനന്തപുരത്തെ കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്മെന്റില്‍ (കിക്മ) എം.ബി.എ (ഫുള്‍ടൈം) 2020-22 ബാച്ചിലേയ്ക്ക് മാര്‍ച്ച് 20-ന്  നടത്താനിരുന്ന എംബിഎ ഇന്റര്‍വ്യു മാറ്റിവച്ചാതയി ഡയറക്ടര്‍ അറിയിച്ചു. പുതുക്കിയ തീയതി പിന്നീട് അറിയിക്കും. എംബിഎ അപേക്ഷ സമര്‍പ്പിക്കുന്നതിനുള്ള അവസാന തീയതി ഏപ്രില്‍ 13 വരെ നീട്ടിയതായും കിക്മ ഡയറക്ടര്‍ അറിയിച്ചു. കൂടുതല്‍ വിവരങ്ങള്‍ക്ക്  8547618290/ 9447002106.
(പി.ആര്‍.പി. 268/2020) 

    കോവിഡ്- 19 സ്ഥിരീകരിച്ച് ഐസൊലേഷന്‍ വാര്‍ഡില്‍ കഴിയുന്ന രോഗികള്‍ക്ക് ആശ്വാസം പകരുകയാണ് ആരോഗ്യ വകുപ്പ്. ഒറ്റയ്ക്ക് കഴിയുന്ന ഇവരുടെ വിരസത മാറ്റാന്‍ അവശ്യപ്രകാരമുള്ള പുസ്തകങ്ങള്‍ ആരോഗ്യ വകുപ്പ് എത്തിച്ചു നല്‍കിവരുന്നു. രോഗികളുടെ മാനസിക പിന്തുണ ഉറപ്പു വരുത്താന്‍ ആരോഗ്യ വകുപ്പ് നിയോഗിച്ച സംഘത്തോടാണ് ഇവര്‍ ആവശ്യം അറിയിക്കുന്നത്. ഇവരുടെ മാനസിക പിരിമുറുക്കം കുറയ്ക്കുന്നതിനായി നിത്യേന ഈ സംഘം ഫോണില്‍ ബന്ധപ്പെടാറുമുണ്ട്. 
(പി.ആര്‍.പി. 266/2020) 

കോഴിക്കോട് ജില്ലയിൽ  2020 മാർച്ച്  18, 19 തീയതികളിൽ കേന്ദ്ര കാലാവസ്ഥ വകുപ്പ് ഉഷ്ണതരംഗ മുന്നറിയിപ്പ് പുറപ്പെടുവിച്ചിട്ടുണ്ട്.

ഉയർന്ന ദിനാന്തരീക്ഷ താപനില (Daily Maximum Temperature) സാധാരണ താപനിലയെക്കാൾ 4. 5  ഡിഗ്രി സെൽഷ്യസും അതിലധികവും ഉയരാൻ സാധ്യത ഉള്ളതിനാൽ സൂര്യതാപം, സൂര്യാഘാതം തുടങ്ങിയ ഗുരുതരമായ ആരോഗ്യ പ്രശ്നങ്ങൾക്ക്  സാധ്യതയുണ്ട്, അതുകൊണ്ടുതന്നെ പൊതുജനങ്ങൾ കർശനമായും വീടുകളിൽ തന്നെ കഴിയണമെന്നും ചൂട് കൂടിയ സമയങ്ങളിൽ കൂടുതൽ നേരം സൂര്യ രശ്മികളുമായി സമ്പർക്കത്തിൽ ഏർപ്പെടരുതെന്നും ജില്ലാ കളക്ടര്‍ കർശനമായി നിർദേശിച്ചു.