കേരള സർക്കാറിന്റെ കീഴിലുള്ള സംസ്ഥാന സഹകരണ യൂണിയന്റെ തിരുവനന്തപുരം നെയ്യാർഡാമിലെ കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റിൽ (കിക്മ) എം.ബി.എ (ഫുൾടൈം) 2019-21 ബാച്ചിലേക്ക് ജൂൺ 24ന് കിക്മ ക്യാമ്പസിൽ രാവിലെ 10 മണി മുതൽ അഡ്മിഷൻ നടക്കും.  സഹകരണ മേഖലയിൽ പ്രവർത്തിക്കുന്നവരുടെ ആശ്രിതർക്ക് പ്രത്യേക സ്‌കോളർഷിപ്പുകൾ ലഭ്യക്കും.  അവസാനവർഷ ബിരുദ വിദ്യാർത്ഥികൾക്കും ഇതുവരെ അപേക്ഷ സമർപ്പിച്ചിട്ടില്ലാത്തവർക്കും സ്‌പോട്ട് അഡ്മിഷനിൽ പങ്കെടുക്കാം.  കൂടുതൽ വിവരങ്ങൾക്ക്: www.kicmakerala.in. ഫോൺ: 8547618290, 9995302006.
പി.എൻ.എക്സ്.1957/19

സൗദി അറേബ്യയിലെ പ്രമുഖ ആശുപത്രിയിൽ എച്ച്.ആർ അനലിസ്റ്റിനെ നിയമിക്കുന്നതിന് ഒ.ഡി.ഇ.പി.സി മുഖേന ഇന്റർവ്യൂ നടത്തും. താൽപര്യമുളളവർ ബയോഡാറ്റ, സർട്ടിഫിക്കറ്റുകളുടെ പകർപ്പുകൾ എന്നിവ  gcc@odepc.in ലേക്ക് ജൂൺ 25നകം അപേക്ഷിക്കണം. കൂടുതൽ വിവരങ്ങൾക്ക്: www.odepc.kerala.gov.in. ഫോൺ: 0471-2329440/41/42/43.

പി.എൻ.എക്സ്.1956/19

ഐരാണിമുട്ടം സർക്കാർ ഹോമിയോപ്പതി മെഡിക്കൽ കോളേജ് ആശുപത്രിയിൽ ഒരു ഫാർമസിസ്റ്റിനെ ദിവസ വേതനാടിസ്ഥാനത്തിൽ നിയമിക്കും. എസ്.എസ്.എൽ.സി, സി.സി.പി.(ഹോമിയോ) പാസ്സ്/ എൻ.സി.പി (ഹോമിയോ) പാസ്സ് എന്നിയാണ് യോഗ്യത. ജൂലൈ അഞ്ചിന് രാവിലെ 11ന് അസ്സൽ സർട്ടിഫിക്കറ്റ് സഹിതം ആശുപത്രി സൂപ്രൺണ്ടിന്റെ ഓഫീസിൽ നടക്കുന്ന കൂടിക്കാഴ്ചയിൽ പങ്കെടുക്കണം.
പി.എൻ.എക്സ്.1955/19

കേരളത്തിലെ എം.ബി.എ കോളേജുകളിൽ പ്രവേശനത്തിന് കുസാറ്റിന്റെ അഭിമുഖ്യത്തിൽ 12 ജില്ലകളിലെ 16 കേന്ദ്രങ്ങളിലായി ജൂൺ 16ന് നടത്തിയ കെമാറ്റ് കേരള 2019 പരീക്ഷാഫലം പ്രസിദ്ധീകരിച്ചു. 4689 പേർ പരീക്ഷ എഴുതിയിരുന്നു. പരീക്ഷ ഫലം  asckerala.org,kmatkerala.in എന്നിവയിൽ ലഭിക്കും. ഷാജി നീലകണ്ഠൻ ഒന്നാം റാങ്കും, ദീപക് മാനുൽ രണ്ടാം റാങ്കും, സിക എം മൂന്നാം റാങ്കും നേടി. സ്‌കോർ കാർഡ് ജൂൺ 26 മുതൽ ആഗസ്റ്റ് 15 വരെ  kmatkerala.in  ൽ ലഭിക്കും.
പി.എൻ.എക്സ്.1954/19

വൊക്കേഷണൽ ഹയർ സെക്കന്ററി ഒന്നാം വർഷ ഇംപ്രൂവ്‌മെന്റ് പരീക്ഷകൾ ജൂലൈ 22 മുതൽ ആരംഭിക്കും. റഗുലർ വിഭാഗം വിദ്യാർത്ഥികൾ ഫീസടച്ച് അപേക്ഷകൾ ജൂൺ 25 നകവും രൺണ്ടാം വർഷ അന്തിമ പരീക്ഷയിൽ യോഗ്യത നേടാത്ത പ്രൈവറ്റ് വിഭാഗം വിദ്യാർത്ഥികൾ ഫീസടച്ച് ചെലാൻ സഹിതം അപേക്ഷകൾ ജൂലൈ മൂന്നിനകവും പഠിച്ച സ്‌കൂളുകളിൽ നൽകണം. പരീക്ഷ സംബന്ധിച്ച കൂടുതൽ വിവരങ്ങൾ വി.എച്ച്.എസ്.ഇ പരീക്ഷാ കേന്ദ്രങ്ങളിലും vhsems.kerala.gov.in ലും ലഭ്യമാണ്.
പി.എൻ.എക്സ്.1952/19

ഹയർസെക്കൻഡറി/  NSQF (VHSE) ഒന്നാം വർഷ ഇംപ്രൂവ്‌മെന്റ്/ സപ്ലിമെന്ററി പരീക്ഷ ജൂലൈ 22 മുതൽ 29 വരെ നടക്കും.  ഗൾഫ് മേഖലയിലെ സ്‌കൂളുകളിൽ പരീക്ഷയ്ക്ക് രജിസ്റ്റർ ചെയ്യുന്ന വിദ്യാർത്ഥികൾക്ക് യു.എ.ഇയിലുള്ള പരീക്ഷാകേന്ദ്രത്തിലോ അതത് വിഷയ കോമ്പിനേഷനുള്ള കേരളത്തിലെ ഏതെങ്കിലും പരീക്ഷാകേന്ദ്രത്തിലോ പരീക്ഷയെഴുതാം.

സെക്യൂരിറ്റി ഏജൻസികളിൽ ജോലി ചെയ്യുന്നവർക്ക് തൊഴിൽ നിയമപ്രകാരമുളള അവകാശം ലഭ്യമാക്കിയിട്ടുണ്ടെന്ന് ഉറപ്പുവരുത്തുന്നതിന് ലേബർ വകുപ്പ് പരിശോധന നടത്തി. പരിശോധന നടത്തിയ 11 സ്ഥാപനങ്ങളിൽ നിയമലംഘനങ്ങൾ കണ്ടെത്തി. നിയമലംഘനങ്ങൾ പരിഹരിക്കാത്ത പക്ഷം പ്രോസിക്യൂഷൻ ഉൾപ്പെടെയുളള നടപടി സ്വീകരിക്കുമെന്ന് ജില്ലാ ലേബർ ഓഫീസർ (ഇ) അറിയിച്ചു. അസിസ്റ്റന്റ് ലേബർ ഓഫീസർമാരായ കെ എം രാജി, എസ് സീതാലക്ഷ്മി, പി പി ജയശ്രീ, വി എൻ ഉണ്ണികൃഷ്ണൻ, കെ കെഅബ്ദുൾ ഗഫൂർ, സി ടി ആശ തുടങ്ങിയവർ പരിശോധനയിൽ പങ്കെടുത്തു.