മലമ്പുഴ മേഖലാ കോഴിവളര്‍ത്തല്‍  കേന്ദ്രത്തില്‍ നിന്നും എല്ലാ തിങ്കളാഴ്ചയും വ്യാഴാഴ്ചയും ഒരു ദിവസം പ്രായമുളള ഗ്രാമശ്രീ ഇനത്തില്‍പ്പെട്ട കോഴിക്കുഞ്ഞുങ്ങളെ ലഭ്യമാണ്.  പൂവന്‍ കോഴിക്കുഞ്ഞിന് 10 രൂപയും പിടക്കോഴിക്കുഞ്ഞിന് 22 രൂപയുമാണ് വില.  100 എണ്ണത്തില്‍ കൂടുതല്‍ ആവശ്യമുളളവര്‍ 0491 2815206 എന്ന നമ്പറില്‍ മുന്‍കൂട്ടി ബുക്ക് ചെയ്യണമെന്ന്  കൃഷി അസിസ്റ്റന്റ് ഡയറക്ടര്‍ അറിയിച്ചു.

പകര്‍ച്ചവ്യാധികള്‍ പടരാനുളള സാധ്യത കണക്കിലെടുത്ത് രോഗപ്രതിരോധ ശേഷി വര്‍ദ്ധിപ്പിക്കുന്നതിനുളള ഹോമിയോ മരുന്നുകള്‍ ജില്ലയിലെ എല്ലാ സര്‍ക്കാര്‍ ഹോമിയോ ആശുപത്രികളിലും ഡിസ്പന്‍സറികളിലും ലഭ്യമാണെന്ന് ജില്ലാ മെഡിക്കല്‍ ആഫീസര്‍ (ഹോമിയോ) അറിയിച്ചു. കേന്ദ്ര സര്‍ക്കാര്‍ ആയുഷ് വകുപ്പ് പ്രോട്ടോകോള്‍ പ്രകാരമാണ് മരുന്ന നല്‍കുന്നത്. മരുന്നുകള്‍ ഉപയോഗിക്കുന്നതിനോടൊപ്പം ആരോഗ്യ ആയുഷ് വകുപ്പുകളുടെ നിര്‍ദ്ദേശങ്ങള്‍ കര്‍ശനമായി പാലിക്കണമെന്നും ഡി.എം.ഒ അറിയിച്ചു. 

ആരോഗ്യ വകുപ്പിന്റെ നേതൃത്വത്തില്‍ നടപ്പിലാക്കുന്ന ബ്രേക്ക് ദി ചെയിന്‍ ക്യാമ്പയിന് കോഴിക്കോട് സിവില്‍ സ്റ്റേഷനിലും തുടക്കമായി. സിവില്‍ സ്റ്റേഷനില്‍ വരുന്ന ജീവനക്കാര്‍ക്കും പൊതുജനങ്ങള്‍ക്കും കൈകള്‍ അണുവിമുക്തമാക്കുവാന്‍ കെ.ജി.ഒ.എ യും ആരോഗ്യ വകുപ്പും ചേര്‍ന്നാണ് ഹാന്‍ഡ് സാനിറ്റൈസര്‍ നല്‍കുന്നത്. മറ്റ് ഓഫിസുകളിലും സാനിറ്റൈസര്‍ സ്ഥാപിച്ചിട്ടുണ്ട്. കൊറോണയുമായി ബന്ധപ്പെട്ട് കൂടുതല്‍ വിവരങ്ങള്‍ അറിയാനായി ആരോഗ്യ വകുപ്പ് ഹെല്‍പ്പ് ഡസ്‌കും ഒരുക്കിയിട്ടുണ്ട്.

ആലപ്പുഴ: കോടതിപിഴ ഈടാക്കുന്നതിന് ചേര്‍ത്തല താലൂക്കിലെ തണ്ണീര്‍മുക്കം തെക്ക് വില്ലേജില്‍ തണ്ടപ്പേര്‍ നമ്പര്‍ 4129ലെ റീ-സര്‍വ്വെ നമ്പര്‍ 47/13ല്‍പ്പെട്ട 1.53 ആര്‍സ് വസ്തുവും അതില്‍ നില്‍പ്പ് ചമയങ്ങളും ഏപ്രില്‍ 24ന് രാവിലെ 11.30ന് തണ്ണീര്‍മുക്കം തെക്ക് വില്ലേജ് ഓഫീസില്‍ ലേലം ചെയ്യുമെന്ന് ചേര്‍ത്തല തഹസില്‍ദാര്‍ അറിയിച്ചു. ചേര്‍ത്തല താലൂക്ക് ഓഫീസ്, തണ്ണീര്‍മുക്കം തെക്ക് വില്ലേജ് ഓഫീസ് എന്നിവിടങ്ങളില്‍ നിന്ന് കൂടുതല്‍ വിവരം ലഭിക്കും.

ആലപ്പുഴ: കോടതി പിഴ ഈടാക്കുന്നതിനായി കുട്ടനാട് താലൂക്കിലെ നെടുമുടി വില്ലേജില്‍ ബ്ലോക്ക് 28 റീസര്‍വ്വേ 157/10ല്‍ പെട്ട 1.87 ആര്‍സ് പുരയിടം  നെടുമുടി വില്ലേജാഫീസില്‍ വെച്ച് ഏപ്രില്‍ 20ന് രാവിലെ 11മണിക്ക് ലേലം ചെയ്യുമെന്ന് കുട്ടനാട് തഹസില്‍ദാര്‍ അറിയിച്ചു. വിശദവിവരത്തിന് ഫോണ്‍: 0477 270222

ആലപ്പുഴ: ആരോഗ്യ മേഖലയുടെ സമഗ്ര പുരോഗതിക്കായി സംസ്ഥാന സര്‍ക്കാര്‍ നടപ്പാക്കുന്ന ആര്‍ദ്രം പദ്ധതിക്ക് പള്ളിപ്പുറം ഗ്രാമപഞ്ചായത്തില്‍ തുടക്കമായി. കോവിഡ് വൈറസ് ഭീതിയുടെ സാഹചര്യത്തില്‍ വളരെ കുറച്ച് അംഗങ്ങള്‍ മാത്രം പങ്കെടുത്ത ചെറിയ ചടങ്ങായാണ് ഉദ്ഘാടനം നടത്തിയത്. പളളിപ്പുറം കുടുംബാരോഗ്യ കേന്ദ്രത്തില്‍ നടന്ന പരിപാടിയില്‍ തൈക്കാട്ടുശേരി ബ്ലോക്ക് പഞ്ചായത്ത് പ്രസിഡന്റ് നിര്‍മ്മല ശെല്‍വരാജ് പദ്ധതി ഉദ്ഘാടനം ചെയ്തു. പള്ളിപ്പുറം ഗ്രാമപഞ്ചായത്ത് പ്രസിഡന്റ് പി.ആര്‍ ഹരിക്കുട്ടന്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് രാജേഷ് രാമകൃഷ്ണന്‍, ബ്ലോക്ക് പഞ്ചായത്ത് അംഗം പി.ഡി.

ആലപ്പുഴ: ഹരിപ്പാട് താലൂക്ക് ആശുപത്രിയിലേക്ക് എക്സ്റേ, അള്‍ട്ര സൗണ്ട് സ്‌കാന്‍സ് ആന്‍ഡ് അദര്‍ ഇന്‍വസ്റ്റിഗേഷന്‍ നടത്തുന്നതിന് ടെന്‍ഡര്‍ ക്ഷണിച്ചു. മാര്‍ച്ച് 30ന് ഉച്ചക്ക് 12 മണി വരെ ടെന്‍ഡര്‍ സമര്‍പ്പിക്കാം. അന്നേദിവസം 2.30ന് ടെന്‍ഡര്‍ തുറക്കും. സൂപ്രണ്ട്, ഹരിപ്പാട് താലൂക്ക് ആശുപത്രി, ഹരിപ്പാട് എന്ന വിലാസത്തില്‍ ടെന്‍ഡര്‍ നല്‍കണം. വിശദവിവരത്തിന് ഫോണ്‍: 0479- 2412765

ആലപ്പുഴ: ഹരിപ്പാട് താലൂക്ക് ആശുപത്രിയിലെ ഫാര്‍മസിയില്‍ ഇല്ലാത്ത മരുന്നുകളും സര്‍ജിക്കല്‍ ഉപകരണങ്ങളും അടുത്ത ഒരു വര്‍ഷത്തേയ്ക്ക് വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. മാര്‍ച്ച് 30ന് രാവിലെ 11 മണി വരെ ടെന്‍ഡര്‍ സമര്‍പ്പിക്കാം. അന്നേദിവസം രണ്ടിന്് ടെന്‍ഡര്‍ തുറക്കും. കൂടതല്‍ വിവരത്തിന് ഹരിപ്പാട് താലൂക്ക് ആശുപത്രിയുമായി ബന്ധപ്പെടുക. ഫോണ്‍: 0479- 2412765