സംസ്ഥാന ആരോഗ്യവകുപ്പ് സംഘടിപ്പിക്കുന്ന പബ്ലിക് ഹെല്‍ത്ത് ഇന്റേണ്‍ഷിപ്പ് പ്രോഗ്രാമിന് അപേക്ഷ ക്ഷണിച്ചു.   മെഡിസിന്‍, പൊതുജനാരോഗ്യം, നഴ്‌സിംഗ്, ഹോസ്പിറ്റല്‍ അഡ്മിനിസ്‌ട്രേഷന്‍, ബിസിനസ് അഡ്മിനിസ്‌ട്രേഷന്‍, ടെക്‌നോളജി, സുവോളജി, എന്‍വയോണ്‍മെന്റ് - വാട്ടര്‍ മാനേജ്‌മെന്റ്, ന്യൂട്രിഷ്യന്‍, ഹോം സയന്‍സ്, ഡയറ്ററ്റിക്‌സ്, കമ്യൂണിക്കേഷന്‍, സാമൂഹ്യശാസ്ത്രം/സേവനം, ഫാമിലി ആന്റ് കമ്മ്യൂണിറ്റി സയന്‍സ്, ബയോഇന്‍ഫര്‍മാറ്റിക്‌സ്, ചൈല്‍ഡ് ഡവലപ്‌മെന്റ് ആന്റ് ബിഹേവിയര്‍ സയന്‍സ്, സ്റ്റാറ്റിറ്റിക്‌സ് ഇവയിലേതെങ്കിലും വിഷയത്തില്‍ ബിരുദത്തിനോ ബിരുദാനന്തര ബിരുദത്തിനോ പഠിക്കുന്നവര്‍ക്കും കോഴ്‌സ് പൂര്‍ത്തിയാക്കി പന്ത്രണ്ട

സംസ്ഥാന വൈദ്യുതി റഗുലേറ്ററി കമ്മീഷന്‍ 2018 ഏപ്രില്‍ ഒന്നു മുതല്‍ 2022 മാര്‍ച്ച് 31 വരെ നാലു വര്‍ഷത്തേക്ക് നടപ്പാക്കുന്ന  റെഗുലേഷന്‍ താരിഫ് കരട് സംബന്ധിച്ച് പൊതുജനങ്ങളുടെ അഭിപ്രായങ്ങളും നിര്‍ദേശങ്ങളും സമര്‍പ്പിക്കാമെന്ന് കമ്മീഷന്‍ ചെയര്‍മാന്‍ പ്രേമന്‍ ദിനരാജ് വാര്‍ത്താ സമ്മേളനത്തില്‍ അറിയിച്ചു. ജനുവരി ഒന്ന് വൈകിട്ട് അഞ്ചുവരെ അഭിപ്രായങ്ങള്‍ നല്‍കാം. കരട് റഗുലേഷന്റെ പൂര്‍ണ രൂപം കമ്മീഷന്റെ വെബ്‌സൈറ്റില്‍ (www.erckerala.org) ലഭിക്കും. 

    ശബരിമല തീര്‍ഥാടനം  പ്രമാണിച്ച് ഇന്ന് (29ന് ) രാത്രി തുറന്നു പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍:    മാടപ്പള്ളില്‍ മെഡിക്കല്‍സ് പത്തനംതിട്ട, ഹരികൃഷ്ണ മെഡിക്കല്‍സ് കോഴഞ്ചേരി, ഗുഡ് ലൈഫ് മെഡിക്കല്‍സ്  കോന്നി, ജെ ജെ മെഡിക്കല്‍സ്  അടൂര്‍, ന്യൂ  മെഡിക്കല്‍സ് സെന്‍ട്രല്‍ ജംഗ്ഷന്‍ പന്തളം, നീതി മെഡിക്കല്‍ സ്റ്റോര്‍ കച്ചേരി ജംഗ്ഷന്‍ തിരുവല്ല, പുതുക്കുടിയില്‍ മെഡിക്കല്‍സ് കീക്കൊഴൂര്‍ റാന്നി, കുര്യന്‍  മെഡിക്കല്‍സ് കുമ്പളാംപൊയ്ക.                                                      (66/17)    
 

    മകരവിളക്ക് മഹോത്സവത്തിനായി ശബരിമല ക്ഷേത്രം 30ന് വൈകിട്ട് അഞ്ചിന് തുറക്കും. ജനുവരി 14നാണ് മകരവിളക്ക് മഹോത്സവം. പന്തളം കൊട്ടാരത്തില്‍ നിന്ന് കൊണ്ടുവന്ന തിരുവാഭരണം ചാര്‍ത്തി സന്ധ്യാ ദീപാരാധന നടത്തുന്നതോടെ പൊന്നമ്പലമേട്ടില്‍       മകരജ്യോതിസ് തെളിയും. 20ന് രാവിലെ ഏഴിന് നടയടയ്ക്കും. 
                                           (പിഎന്‍പി 3490/17)
 

    കോന്നി-ചന്ദനപ്പള്ളി റോഡില്‍ കോന്നി ജംഗ്ഷനില്‍ കലുങ്കിന്‍റെ നിര്‍മാണം നടക്കുന്നതിനാല്‍ ഇതുവഴിയുള്ള ഗതാഗതം ഇന്ന് (29) മുതല്‍ രണ്ട് ദിവസത്തേക്ക് നിരോധിച്ചതായി പൊതുമരാമത്ത് നിരത്ത് ഉപവിഭാഗം അസിസ്റ്റന്‍റ് എക്സിക്യൂട്ടീവ് എന്‍ജിനീയര്‍ അറിയിച്ചു.
                                                 (പിഎന്‍പി 3495/17)

    ജില്ലയുടെ സമഗ്ര വികസനം ലക്ഷ്യമാക്കി ജില്ലാ ആസൂത്രണ സമിതിയുടെ നേതൃത്വത്തി ല്‍ വിവിധ ഉപസമിതികള്‍ തയാറാക്കിയ കരട് ജില്ലാ പദ്ധതി സംബന്ധിച്ച് ജനുവരി അഞ്ചിന് കിഴക്കേടത്ത് മറിയം കോംപ്ലക്സില്‍ വികസന സെമിനാര്‍ നടക്കും. ജലവിഭവ വകുപ്പ് മന്ത്രി മാത്യു ടി.തോമസ് ഉദ്ഘാടനം നിര്‍വഹിക്കും. ജില്ലാ ആസൂത്രണ സമിതി ചെയര്‍പേഴ്സണും ജില്ലാ പഞ്ചായത്ത് പ്രസിഡന്‍റുമായ അന്നപൂര്‍ണാദേവി അധ്യക്ഷത വഹിക്കും. സംസ്ഥാന ആസൂത്രണ ബോര്‍ഡ് മെമ്പര്‍ ഡോ.കെ.എന്‍.ഹരിലാല്‍ മുഖ്യപ്രഭാഷണം നടത്തും.

ജില്ലാ കുടുംബശ്രീ മിഷന്‍റെ നേതൃത്വത്തില്‍ കുടുംബശ്രീ ചിക്കന്‍ എന്ന പേരില്‍ ഇറച്ചിക്കോഴി വളര്‍ത്തല്‍ യൂണിറ്റുകള്‍ ആരംഭിക്കും. കുടുംബശ്രീ അംഗങ്ങള്‍ക്ക് അധിക വരുമാനം ലഭ്യമാക്കുന്നതിനൊപ്പം ഗുണമേډയുള്ളതും സുരക്ഷിതവുമായ ഇറച്ചിക്കോഴിയെ നാട്ടില്‍തന്നെ ഉത്പാദിപ്പിക്കുകയും അമിതവിലക്കയറ്റം തടയുകയുമാണ് പദ്ധതിയുടെ  ലക്ഷ്യം. പദ്ധതിയുടെ ഭാഗമായി ഉത്പാദിപ്പിക്കുന്ന കോഴികളെ കുടുംബശ്രീ ചിക്കന്‍ എന്ന പേരില്‍ വിപണിയില്‍ ലഭ്യമാക്കും. ആദ്യഘട്ടമായി ജില്ലയില്‍ 10 കോഴിയിറച്ചി വിപണന കേന്ദ്രങ്ങള്‍ ആരംഭിക്കും. 

  സംസ്ഥാന മൃഗസംരക്ഷണ വകുപ്പിന്റെ ഇരുപത്തിമൂന്നാംഘട്ട കുളമ്പുരോഗ പ്രതിരോധ കുത്തിവെയ്പ് പരിപാടിയുടെ  ജില്ലാതല ഉദ്ഘാടനം ബദിയടുക്കയിലെ ബേള കന്നുകാലി ഫാമില്‍നടത്തി. ജില്ലാമൃഗസംരക്ഷണ ഓഫീസര്‍ ഡോ. വി ശ്രീനിവാസന്‍ ഉദ്ഘാടനം ചെയ്തു.  ഗോരക്ഷാപദ്ധതിയുടെ  ജിലല കോര്‍ഡിനേറ്റര്‍ ഡോ. പി നാഗരാജ അധ്യക്ഷത വഹിച്ചു.  കന്നുകാലി ഫാമിലെ അസിസ്റ്റന്റ് ഡയറക്ടര്‍  ഡോ. ജയപ്രകാശ്, റീജിയണല്‍ അനിമല്‍ ഹസ്ബന്ററി സെന്ററിലെ അസിസ്റ്റന്റ് പ്രൊജക്ട് ഓഫീസര്‍ ഡോ. രാജലക്ഷ്മി, ബദിയടുക്ക വെറ്ററിനറി സര്‍ജന്‍ ഡോ. ഇ ചന്ദ്രബാബു, കന്നുകാലി ഫാമിലെ  ഫീല്‍ഡ് ഓഫീസര്‍ രവിശങ്കര്‍  എന്നിവര്‍ സംസാരിച്ചു.