ജനനി ശിശു സുരക്ഷ കാര്യക്രം/മാതൃയാനം പദ്ധതി പ്രകാരം ജില്ലയില്‍ സര്‍ക്കാര്‍ ആശുപത്രികളില്‍ പ്രസവിച്ച അമ്മമാരെയും കുട്ടികളെയും റണ്ണിങ് കോണ്‍ട്രാക്ട് വഴി  വീട്ടില്‍ എത്തിക്കുന്നതിനും ഗര്‍ഭിണികളെ സര്‍ക്കാര്‍ ആശുപത്രികളില്‍ എത്തിക്കുന്നതിനും  ടാക്‌സി കാര്‍ ഉടമകളില്‍ നിന്നും/ സംഘടനകളില്‍/ ഏജന്‍സി/ യൂനിയനുകളില്‍ നിന്നും അപേക്ഷ ക്ഷണിച്ചു. ടെന്‍ഡര്‍ ഫോം സ്വീകരിക്കുന്ന അവസാന തീയതി മാര്‍ച്ച് 28. ടെന്‍ഡര്‍ ഫോം മലപ്പുറം ആരോഗ്യ കേരളം ഓഫീസില്‍ ലഭിക്കും. ഫോണ്‍: 0483: 2730313.
 

വണ്ടൂര്‍ ഐ.സി.ഡി.എസ് അഡീഷനല്‍ പ്രൊജക്ട് ഓഫീസിന് പരിധിയില്‍ വരുന്ന അങ്കണവാടികളിലെ ഒഴിവിലേക്കുള്ള മുന്‍ഗണനാ ലിസ്റ്റിലേക്ക് പരിഗണിക്കുന്നതിനായി തൃക്കലങ്ങോട്, തിരുവാലി, പാണ്ടിക്കാട് ഗ്രാമപഞ്ചായത്തുകളില്‍ അങ്കണവാടി കെട്ടിടം നിര്‍മിക്കുന്നതിനായി  സൗജന്യമായി സ്ഥലം വിട്ടു നല്‍കിയവരുടെയും അങ്കണവാടി ജീവനക്കാരിയായിരിക്കെ മരണപ്പെട്ടവരുടെയും ആശ്രിതര്‍ ഏപ്രില്‍ 30ന് അഞ്ചിനകം ബന്ധപ്പെട്ട രേഖകള്‍ സഹിതം വണ്ടൂര്‍ അഡീഷനല്‍, കാരക്കുന്ന്, തൃക്കലങ്ങോട് പി.ഒ എന്ന വിലാസത്തില്‍ അപേക്ഷ നല്‍കണമെന്ന് ശിശുവികസന പദ്ധതി ഓഫീസര്‍ അറിയിച്ചു.
 

ഒറ്റത്തവണ ഉപയോഗമുള്ള പ്ലാസ്റ്റിക്  ഉത്പന്നങ്ങളുടെ നിരോധനം കര്‍ശനമായി നടപ്പാക്കാന്‍ പഞ്ചായത്ത് സെക്രട്ടറിമാരുടെ നേതൃത്വത്തിലുള്ള സംഘം ജില്ലയില്‍ പരിശോധന ശക്തമാക്കി. ജില്ലയിലെ മുഴുവന്‍ ഗ്രാമപഞ്ചായത്തുകളിലെ 6,064 വ്യാപാരസ്ഥാപനങ്ങളില്‍ നടത്തിയ പരിശോധനയില്‍  1167.40 കിലോ പ്ലാസ്റ്റിക് പിടിച്ചെടുക്കുകയും 2,87,600 രൂപ പിഴ ഈടാക്കുകയും ചെയ്തു. ജില്ലാകലക്ടറുടെ കര്‍ശനമായ നിര്‍ദേശത്തെ തുടര്‍ന്നാണ് നടപടി. 

പത്തനംതിട്ട ജില്ലയില്‍ കൊറോണയുമായി ബന്ധപ്പെട്ട് ഏറ്റവും അവസാനം ലഭിച്ച പരിശോധനാഫലവും  നെഗറ്റീവെന്നു ജില്ലാ കളക്ടര്‍ പി.ബി നൂഹ് പറഞ്ഞു. പുതിയതായി രണ്ടുപേരെകൂടി ആശുപത്രിയില്‍ ഐസലേഷനില്‍ പ്രവേശിപ്പിച്ചു. ഇതില്‍ ഒരാള്‍ ആരോഗ്യവകുപ്പില്‍ ഡോക്ടറാണ്. എന്നാല്‍ ഇദേഹത്തിന് കൊറോണ ലക്ഷണമുള്ള രോഗികളുമായി നേരിട്ടുബന്ധമില്ല. പനിയുള്ളതിനാല്‍ മുന്‍കരുതലെന്ന നിലയ്ക്കാണ് ആശുപത്രിയില്‍ നിരീക്ഷണത്തിലേക്കു മാറ്റിയത്. 

പക്ഷിപ്പനി പ്രതിരോധ പ്രവര്‍ത്തനങ്ങളുടെ ഭാഗമായുള്ള തുടര്‍ നടപടികള്‍ മൂന്നു മാസം  നീണ്ടു നില്‍ക്കും. മാര്‍ച്ച് 14ന് രാവിലെ വളരെ നേരത്തെ തന്നെ പക്ഷിപ്പനി സ്ഥിരീകരിച്ച പരപ്പനങ്ങാടി പാലത്തിങ്ങലില്‍ നിന്നുള്ള ഒരു കിലോമീറ്റര്‍ പരിധിക്കുള്ളില്‍ കോഴികളെയും താറാവുകളെയും മറ്റ് വളര്‍ത്തു പക്ഷികളെയും കൊന്നൊടുക്കല്‍ തുടങ്ങും. രോഗ പ്രതിരോധ നടപടിയുടെ ഭാഗമായി പരപ്പനങ്ങാടി - തിരൂരങ്ങാടി നഗരസഭ പരിധികളിലെ കോഴി ഇറച്ചി വില്‍ക്കുന്ന കടകളുടെ ലൈസന്‍സ് താത്ക്കാലികമായി റദ്ദാക്കി.

ആരോഗ്യ വകുപ്പ്, മല്ലപ്പള്ളി ഗ്രാമപഞ്ചായത്ത്, എ കെ ജി പെയിന്‍ ആന്‍ഡ് പാലയേറ്റീവ് സൊസൈറ്റി എന്നിവ സംയുക്തമായി മല്ലപ്പള്ളിയില്‍ കൊറോണ ജാഗ്രത കേന്ദ്രം ആരംഭിച്ചു. കൊറോണാ പ്രതിരോധ പ്രവര്‍ത്തനങ്ങളുടെ ഭാഗമായി യാത്രക്കാര്‍ക്ക് ബോധവല്‍ക്കരണവും പരിശോധനയും നടത്തുകയാണ് ലക്ഷ്യം. താലൂക്ക് ആശുപത്രിയില്‍ നിന്നുള്ള ജീവനക്കാരും,  എ കെ ജി പെയിന്‍ ആന്‍ഡ് പാലയേറ്റീവ് വോളന്റിയര്‍മാരും, പൊലീസും അടങ്ങുന്ന സംഘമാണ് ജാഗ്രതാ കേന്ദ്രത്തില്‍ ഉണ്ടാവുക. ഇവര്‍ യാത്രക്കാരെ നിരീക്ഷിക്കുകയും വിവരങ്ങള്‍ ശേഖരിക്കുകയും ചെയ്യും. ബോധവത്ക്കരണ പ്രവര്‍ത്തനങ്ങളുടെ ഭാഗമായി ലഘുലേഖകള്‍ വിതരണം ചെയ്യും.

കോവിഡ് 19 ഭീഷണി നിലനില്‍ക്കെ മലപ്പുറം ജില്ലയില്‍ രണ്‍ു പേര്‍ക്ക് വൈറസ് ബാധ സ്ഥിരീകരിച്ചു. ജിദ്ദയില്‍ നിന്നെത്തിയ രണ്‍ു സ്ത്രീകള്‍ക്കാണ് വൈറസ് ബാധ. ഇരുവരും മഞ്ചേരി ഗവ. മെഡിക്കല്‍ കോളജ് ആശുപത്രിയിലെ ഐസൊലേഷന്‍ വാര്‍ഡില്‍ പ്രത്യേക നിരീക്ഷണത്തിലാണ്. രണ്‍ുപേരുടേയും ആരോഗ്യ നില തൃപ്തികരമാണെന്നും ആശങ്കപ്പെടേണ്‍ സാഹചര്യമില്ലെന്നും ജില്ലാ കലക്ടര്‍ ജാഫര്‍ മലിക് അറിയിച്ചു.