അഴിയൂര്‍ ഗ്രാമപഞ്ചായത്തിലെ കക്കടവ് ഭാഗത്ത് മാഹി പുഴയ്ക്ക് കുറുകെ ദേശീയ പാത ബൈപാസ് നിര്‍മാണത്തിന് നിര്‍മ്മിച്ച ബണ്ടുകള്‍ പൂര്‍ണ്ണമായി പൊളിച്ചുമാറ്റി. ബൈപ്പാസ് നിര്‍മ്മാണ കമ്പനിയായ ഇകെകെയോട് ബണ്ട് പൊളിച്ചു മാറ്റാന്‍ ജില്ലാ കലക്ടര്‍ സാംബശിവ റാവു കഴിഞ്ഞ മാസം നിര്‍ദ്ദേശിച്ചിരുന്നു. മാഹി പുഴയിലെ സ്വാഭാവിക ഒഴുക്ക് തടസ്സപ്പെടുത്തി നിര്‍മ്മിച്ച ബണ്ടുകള്‍ പ്രളയത്തിന് കാരണമായി എന്നു കാണിച്ച് അഴിയൂര്‍ ഗ്രാമപഞ്ചായത്ത് ജില്ലാ കലക്ടര്‍ക്ക് കത്ത് നല്‍കിയതിന്റെ അടിസ്ഥാനത്തിലാണ് 110 മീറ്റര്‍ വീതിയില്‍ ബണ്ടുകള്‍ പൊളിച്ചു മാറ്റിയത്. 

മലമ്പുഴ 2 വില്ലേജിലെ 0.35, 1.29 ഏക്കര്‍ സ്ഥലങ്ങളില്‍ കൃഷിചെയ്ത് വിളവെടുക്കാനുള്ള അവകാശം ജൂണ്‍ 22 ന് രാവിലെ 11 ന് മലമ്പുഴ 2 വില്ലേജ് ഓഫീസില്‍ ലേലം ചെയ്യുമെന്ന് പാലക്കാട് താലൂക്ക് തഹസില്‍ദാര്‍ (ഭൂരേഖ) അറിയിച്ചു. ബ്ലോക്ക് നമ്പര്‍ 28 ലെ 0.35 ഏക്കര്‍ ഭൂമി, 1.29 ഏക്കറിലെ തെങ്ങ്, പന, മൂച്ചി എന്നിവയില്‍ നിന്നും കായ്ഫലം എടുക്കുന്നതിനുള്ള അനുമതിയാണ് നല്‍കുന്നത്.

തമിഴ്നാട് പോലീസില്‍ ബി.ഡി.ഡി യൂണിറ്റ്സ് ഇന്‍ ആര്‍മി/എന്‍.എസ.്ജി & സി.എം.ഇ പൂനെ എന്നീ സ്ഥാപനങ്ങളില്‍ നിന്നും ബി.ഡി&ഡി കോഴ്സുകള്‍ വിജയകരമായി പൂര്‍ത്തിയാക്കി പ്രവൃത്തി പരിചയ സര്‍ട്ടിഫിക്കറ്റുളള ഇന്‍ഡ്യന്‍ ആര്‍മിയില്‍ നിന്നും വിരമിച്ച വിമുക്തഭടന്മാരെ നിയമിക്കുന്നു. നിര്‍ദ്ദിഷ്ട യോഗ്യതയുളള 10-ാം ക്ലാസ് പാസ്സായ 55 വയസ്സില്‍ താഴെയുളള വിമുക്തഭടന്മാര്‍ക്കാണ് അവസരം. കൂടുതല്‍ വിവരങ്ങള്‍ ജൈനിമേടിലുളള ജില്ലാ സൈനിക ക്ഷേമ ഓഫീസില്‍ ലഭിക്കും. ഫോണ്‍ : 0491-2971633.

പാലക്കാട് താലൂക്ക് പരാതി പരിഹാര അദാലത്ത് ജൂണ്‍ 20 ന് രാവിലെ 10.30 മുതല്‍ ജില്ലാ കലക്ടറുടെ നേതൃത്വത്തില്‍ വീഡിയോ കോണ്‍ഫറന്‍സ് മുഖേന നടക്കും. ഇന്ന് (ജൂണ്‍ 18) വൈകീട്ട് അഞ്ച് വരെ അക്ഷയകേന്ദ്രം വഴി ലഭിക്കുന്ന പരാതികളാണ് അദാലത്തില്‍ പരിഗണിക്കുക. പരാതി സമര്‍പ്പിച്ചവര്‍ക്ക് അദാലത്തില്‍ പങ്കെടുക്കാന്‍ അക്ഷയ കേന്ദ്രങ്ങളില്‍ സൗകര്യമൊരുക്കിയിട്ടുണ്ട്. കൂടുതല്‍ വിവരങ്ങള്‍ പ്രദേശത്തെ അക്ഷയ കേന്ദ്രത്തില്‍ ലഭിക്കുമെന്ന് പാലക്കാട് തഹസില്‍ദാര്‍ അറിയിച്ചു.

കേരളത്തിലെ പത്ര-ദൃശ്യ-ഡിജിറ്റല്‍ മാധ്യമരംഗത്ത് പ്രവര്‍ത്തിക്കുന്നവര്‍ക്കും പത്ര ഏജന്റുമാര്‍ക്കും വിതരണക്കാര്‍ക്കും മറ്റ് ക്ഷേമനിധിയില്‍ അംഗങ്ങളല്ലാത്ത തൊഴിലാളികള്‍ക്കും സംസ്ഥാന അസംഘടിതത്തൊഴിലാളി സാമൂഹ്യസുരക്ഷാപദ്ധതിയില്‍ അംഗങ്ങളാവാം. പ്രസ്തുത അംഗങ്ങള്‍ക്ക് കേരള അസംഘടിത തൊഴിലാളി സാമൂഹ്യസുരക്ഷാ ബോര്‍ഡ് മുഖാന്തരമുള്ള ആനുകൂല്യങ്ങള്‍ ലഭ്യമാകും.

സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതിയില്‍ കുറഞ്ഞത് ഒരു വര്‍ഷമെങ്കിലും അംഗത്വമുള്ളവര്‍ക്ക് 60 വയസ് പൂര്‍ത്തിയാകുന്ന മുറയ്ക്ക് അവരുടെ അംഗത്വകാലയളവിന് ആനുപാതികമായി റിട്ടയര്‍മെന്റ് ആനുകൂല്യം അനുവദിക്കുന്നതാണ്.

കാളികാവ് അഡീഷണൽ പ്രൊജക്ടിലെ കരുവാരക്കുണ്ട്, എടപ്പറ്റ, തുവ്വൂർ പഞ്ചായത്തുകളിൽ അങ്കണവാടി വർക്കർ/ഹെൽപ്പർ തസ്തികകളിലേക്ക് നിയമിക്കുന്നതിന് സേവനസന്നദ്ധരും ശാരീരികശേഷിയുളളവരുമായ വനിതകളിൽ നിന്നും അപേക്ഷ ക്ഷണിച്ചു. അപേക്ഷകർ 18-46 പ്രായപരിധിയിൽ ഉളളവരും അപേക്ഷിക്കുന്ന ഗ്രാമ പഞ്ചായത്തിൽ സ്ഥിരതാമസമുളളവരുമായിരിക്കണം. നിശ്ചിത അപേക്ഷ ഫോറത്തിന്റെ മാതൃക കരുവാരക്കുണ്ട് പ്രവർത്തിക്കുന്ന ഐ.സി.ഡി.എസ് ഓഫീസ്, ബന്ധപ്പെട്ട പഞ്ചായത്തുകൾ എന്നിവിടങ്ങളിൽ നിന്നും ലഭിക്കും. പൂരിപ്പിച്ച അപേക്ഷകൾ 30ന് വൈകിട്ട് അഞ്ചു വരെ കരുവാരക്കുണ്ട് പഞ്ചായത്തിനു സമീപമുളള ഐ.സി.ഡി.എസ് കാളികാവ് അഡീഷണൽ ഓഫീസിൽ സ്വീകരിക്കും.

    കൂറുമാറ്റ നിരോധന നിയമപ്രകാരം  മലപ്പുറം ജില്ലയിലെ അമരമ്പലം ഗ്രാമപഞ്ചായത്ത് അംഗം ടി.പി.ഹംസയെ  സംസ്ഥാന തിരഞ്ഞെടുപ്പ് കമ്മീഷണർ  വി . ഭാസ്‌കരൻ അയോഗ്യനാക്കി.
നിലവിൽ ഗ്രാമപഞ്ചായത്ത് അംഗമായി  തുടരുന്നതിനും തദ്ദേശ സ്വയംഭരണ സ്ഥാപനങ്ങളിലേയ്ക്ക് മത്സരിക്കുന്നതിനും 2020 ജൂൺ 16 മുതൽ ആറ് വർഷത്തേയ്ക്കാണ് വിലക്ക് ഏർപ്പെടുത്തിയിട്ടുള്ളത്.  

തദ്ദേശ സ്വയംഭരണ സ്ഥാപനങ്ങളിലേയ്ക്ക് ഈ വർഷം നടത്തുന്ന പൊതു തിരഞ്ഞെടുപ്പിനുളള അന്തിമ വോട്ടർപട്ടിക പ്രസിദ്ധീകരിച്ചതായി സംസ്ഥാന തിരഞ്ഞെടുപ്പ് കമ്മീഷണർ വി. ഭാസ്‌കരൻ അറിയിച്ചു.