മെക്കാഡം ടാറിങ് നടത്തി റോഡ് ഗതാഗതത്തിന്  സൗകര്യം ലഭിച്ച നീലേശ്വരം രാജാ റോഡ് മേല്‍പ്പാലത്തിനു താഴെ അലക്ഷ്യമായി  വാഹനങ്ങള്‍ നിര്‍ത്തിയിടുന്നതും വാഹനങ്ങള്‍ പാര്‍ക്ക് ചെയ്യുന്നതും ഒഴിവാക്കും.    വഴിയോര കച്ചവടവും തത്ക്കാലം നിര്‍ത്തലാക്കി.  മേല്‍പാലത്തിനു താഴെയുള്ള ഓട്ടോറിക്ഷാ പാര്‍ക്കിങ് സൗകര്യപ്രദമായ വിധത്തില്‍  ക്രമീകരിച്ചു. മേല്‍പ്പാലത്തിനു കീഴില്‍ പാര്‍ക്ക് ചെയ്തിരുന്ന ഇരുചക്ര വാഹനമുടമകള്‍ക്ക്  റെയില്‍വോ സ്റ്റേഷന്റെ കിഴക്കുഭാഗത്തും പടിഞ്ഞാറുഭാഗത്തുമുള്ള സൗകര്യങ്ങള്‍ പ്രയോജനപ്പെടുത്താം. നഗരസഭാ അധികൃതരും പോലീസും ചേര്‍ന്നാണ് പുതിയ ക്രമീകരണം ഒരുക്കിയത്.

 ജില്ലാ കുടുംബശ്രീ മിഷന്റെ നേതൃത്വത്തില്‍ കൊറോണ ബാധിത പ്രദേശങ്ങളില്‍ ഉപയോഗിക്കാനാവശ്യമായ കോട്ടണ്‍ മാസ്‌ക് ഉദ്പാദനം കുടുംബശ്രീ സംരംഭങ്ങള്‍ വഴി  ആരംഭിച്ചു. കരിഞ്ചന്തയില്‍ വലിയ വിലയില്‍ വില്‍പനക്കെത്തുന്നത് തടയുകയും ആവശ്യക്കാര്‍ക്ക്  ഗുണമേന്മയുളള കോട്ടണ്‍ മാസ്‌ക് ലഭ്യമാക്കുക എന്ന ലക്ഷ്യത്തോടെയാണ് ഉദ്പാദനം ആരംഭിച്ചത്. ആശുപത്രികളിലേക്കും മറ്റു സ്ഥാപനങ്ങളിലേക്കും മാസ്‌കുകള്‍ ആവശ്യാനുസരണം നല്‍കാന്‍ കുടുംബശ്രീ യൂണിറ്റുകള്‍ തയ്യാറാണ്.

ഉദുമ ഗ്രാമപഞ്ചായത്തിലെ   2019-20 സാമ്പത്തിക വര്‍ഷത്തിലെ പദ്ധതിയായ ക്ലബ്ബുകള്‍ക്ക് കിറ്റ് വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. ക്രിക്കറ്റ്, ഫുട്‌ബോള്‍, വോളിബോള്‍, കബഡി  കളികള്‍ക്കുളള സ്‌പോര്‍ട്്‌സ് കിറ്റുകളാണ് ആവശ്യം.  ഫോണ്‍ 9400463708 

പട്ടിക വര്‍ഗ വിഭാഗക്കാരുടെ ഉന്നമനത്തിനായി മികച്ച പ്രവര്‍ത്തനങ്ങളാണ് വെസ്റ്റ് എളേരി ഗ്രാമ പഞ്ചായത്തില്‍ നടക്കുന്നത്. മലയോര പഞ്ചായത്തായ വെസ്റ്റ് എളേരിയില്‍  70 ഓളം കോളനികളിലായി 1304 പട്ടിക വര്‍ഗ കുടുംബങ്ങളാണുള്ളത്. കോളനികളുടെ അടിസ്ഥാന സൗകര്യവികസനത്തില്‍ ഊന്നല്‍ നല്‍കിയുള്ള പ്രവര്‍ത്തനമാണ്  പഞ്ചായത്ത് നടപ്പാക്കുന്നത്. പട്ടിക വര്‍ഗ വിഭാഗത്തിലെ 160 കൂടുംബങ്ങള്‍ക്കാണ് ലൈഫ് മിഷന്‍ പദ്ധതിയിലൂടെ വീട് ലഭിച്ചത്. കോളനികളിലേക്കുള്ള റോഡുകളുടെ നിര്‍മ്മാണത്തിനും പഞ്ചായത്ത് പ്രത്യേക ശ്രദ്ധ നല്കുന്നു.

* ക്ഷേമപെൻഷനുകൾക്ക് അപേക്ഷിക്കാനുള്ള സമയം മൂന്നുമാസത്തേക്ക് നീട്ടി
* വകുപ്പുകളുടെ ഏകോപനത്തിന് സെക്ടറൽ കമ്മിറ്റികൾ
* വായ്പാ തിരിച്ചടവ്: ബാങ്കുകളുമായി ഉടൻ ചർച്ച
സംസ്ഥാനത്ത് പുതുതായി മൂന്നുപേർക്ക് കൂടി കോവിഡ്19 സ്ഥിരീകരിച്ചു. ഇതോടെ സംസ്ഥാനത്ത് നിലവിൽ രോഗം സ്ഥിരീകരിച്ച് ചികിത്സയിലുള്ളവരുടെ എണ്ണം 24 ആയതായി മുഖ്യമന്ത്രി പിണറായി വിജയൻ വാർത്താസമ്മേളനത്തിൽ അറിയിച്ചു.

വിദേശത്ത് നിന്ന് വരുന്നവരേയും പോകുന്നവരേയും വിമാനത്താവളങ്ങളിൽ കർശനമായി പരിശോധിക്കുമെന്ന് മുഖ്യമന്ത്രി പിണറായി വിജയൻ പറഞ്ഞു. കോവിഡ്-19 നിയന്ത്രിക്കുന്നതിന് വിമാനത്താവളങ്ങളിലെ പരിശോധന കർശനമാക്കുന്നത് സംബന്ധിച്ച് മുഖ്യമന്ത്രി പിണറായി വിജയൻ സംസ്ഥാനത്തെ നാലു വിമാനത്താവളങ്ങളിലെയും മേധാവികളുമായി വീഡിയോ കോൺഫറൻസിലൂടെ സംസാരിച്ചു.

തിരുവനന്തപുരം ഗവ. സെൻട്രൽ പ്രസിൽ (കോൺഫിഡൻഷ്യൽ) ഡെപ്യൂട്ടി സൂപ്രണ്ടായി സേവനമനുഷ്ഠിച്ചിരുന്ന വി.എസ്. പ്രദീപിനെ ഗവ. പ്രസുകളുടെ സൂപ്രണ്ടായി സ്ഥാനക്കയറ്റം നൽകി നിയമിച്ച് ഉത്തരവായി.
പി.എൻ.എക്സ്.1073/2020

* മുഖ്യമന്ത്രിയുടെ അധ്യക്ഷതയിൽ സർവ്വകക്ഷിയോഗം നടന്നു
സെൻസസ് പ്രവർത്തനങ്ങൾ നടക്കേണ്ടത് അനിവാര്യമാണെന്ന് മുഖ്യമന്ത്രി വിളിച്ചുചേർത്ത സർവ്വകക്ഷിയോഗം വിലയിരുത്തി. ദേശീയ ജനസംഖ്യാ രജിസ്റ്റർ (എൻ.പി.ആർ) പ്രവർത്തനങ്ങൾ സംസ്ഥാന സർക്കാർ സ്റ്റേ ചെയ്ത സാഹചര്യത്തിൽ സെൻസസുമായി സഹകരിക്കാൻ യോഗത്തിൽ ധാരണയായി.

കോവിഡ് 19 വൈറസ് വ്യാപനം തടയാന്‍ ജില്ലയില്‍ ആരോഗ്യ വകുപ്പ് ബ്രേക്ക് ദ ചെയ്ന്‍ ക്യാമ്പയിന് തുടക്കം കുറിച്ചു. ഫലപ്രദമായി കൈ കഴുകി, വ്യക്തിശുചിത്വം പാലിച്ച് കോവിഡ് 19 വൈറസിന്റെ വ്യാപനത്തെ ഫലപ്രദമായി പ്രതിരോധിക്കുകയാണ്  ബ്രേക്ക് ദ ചെയിന്‍ ക്യാമ്പയിന്റെ ലക്ഷ്യം.