എറണാകുളം : ജില്ലയിലെ കോവിഡ് പ്രതിരോധ പ്രവർത്തനങ്ങൾ വിലയിരുത്താൻ ജില്ല കളക്ടർ എസ്. സുഹാസിന്റെ അധ്യക്ഷതയിൽ ജില്ലാ ദുരന്ത നിവാരണ അതോറിറ്റി പ്രത്യേക യോഗം ചേർന്നു. ജില്ലയിലെ ഇതുവരെയുള്ള കോവിഡ് പ്രതിരോധ പ്രവർത്തനങ്ങളും സമൂഹ വ്യാപനം ഉണ്ടായാൽ വേണ്ട തയ്യാറെടുപ്പുകളും യോഗത്തിൽ ചർച്ച ചെയ്തു. 

സംസ്ഥാന മോട്ടോര്‍ തൊഴിലാളി ക്ഷേമനിധി ബോര്‍ഡ് അംഗങ്ങള്‍ക്ക് പ്രഖ്യാപിച്ചിട്ടുളള കോവിഡ്-19 ധനസഹായത്തിന് 2020 ജൂണ്‍ 30 വരെ അപേക്ഷിക്കാം.  ക്ഷേമനിധി പെന്‍ഷന്‍ ഉള്‍പ്പെടെ വിവിധ ആനുകൂല്യങ്ങള്‍ക്കുളള അപേക്ഷ സമര്‍പ്പിക്കുന്നതിനുളള സമയ പരിധി ലോക്ഡൗണ്‍ കാലയളവില്‍ അവസാനിച്ചതിനാല്‍ അപേക്ഷ സമര്‍പ്പിക്കുവാന്‍ സാധിക്കാതെ പോയ തൊഴിലാളികള്‍ക്ക്് അപേക്ഷിക്കുന്നതിനുളള സമയപരിധി ലോക്ഡൗണ്‍ അവസാനിക്കുന്നത് മുതല്‍ മുന്ന് മാസത്തേക്ക് ദീര്‍ഘിപ്പിച്ചിട്ടുണ്ടെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു.

     കൂട്ടുകാരും നാട്ടുകാരും സ്നേഹം കൊണ്ട് നിർമിച്ച പുതിയ വീട്ടിലേക്ക് ചെറു പുഞ്ചിരിയോടെ ജെ. വി പ്രവീണും കുടുംബവും പ്രവേശിച്ചപ്പോൾ ആദ്യ സ്നേഹ വീട്ടിൽ പുതിയ ജീവിതം നെയ്യാൻ കാരണക്കാർ ആയതിന്റെ  തൃപ്തിയിലും സന്തോഷത്തിലുമായിരുന്നു അങ്കമാലി ബ്ലോക്ക്‌ റിസോഴ്സ് സെന്റർ. റോജി എം.ജോൺ എം. എൽ. എ യാണ് സ്നേഹവീടിന്റെ താക്കോൽ ദാനം നിർവഹിച്ചത്. ഭിന്ന ശേഷിക്കാരായ കുട്ടികൾക്ക് വീട് നിർമിച്ചു നൽകാൻ      സമഗ്ര ശിക്ഷാ കേരള ആരംഭിച്ച പദ്ധതിയാണ് സ്നേഹ വീട്.       അയ്യമ്പുഴ പഞ്ചായത്ത് ചുളളി ഒലീവ്മൗണ്ടില്‍(വാര്‍ഡ് 12) ആണ് പ്രവീണിന്റെ സ്‌നേഹവീട്.

കൊച്ചി:  മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികള്‍ക്ക് കോവിഡ്-19 സൗജന്യ ധനസഹായം സുഗമമായി ലഭ്യമാക്കുന്നതിലേക്കായി ബോര്‍ഡ് ഓണ്‍ലൈന്‍ പോര്‍ട്ടല്‍ സംവിധാനം ആരംഭിച്ചിട്ടുണ്ട്. നാളിതുവരെ അപേക്ഷ നല്‍കാത്ത തൊഴിലാളികള്‍ക്ക് www.kmtwwfb.org   വെബ് സൈറ്റിലൂടെയോ motorworker.kmtwwfb.kerala.gov.in  പോര്‍ട്ടലിലൂടെയോ അപേക്ഷ നല്‍കാം. അപേക്ഷ സമര്‍പ്പിക്കുന്നതിനുളള അവസാന തീയതി ജൂണ്‍ 30. ഈ അവസരം പരമാവധി പ്രയോജനപ്പെടുത്തണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

സംസ്ഥാന മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികള്‍ക്ക് കോവിഡ്-19 സൗജന്യ ധനസഹായം സൂഗമമായി ലഭ്യമാക്കുന്നതിന് ഓണ്‍ലൈന്‍ പോര്‍ട്ടല്‍ സംവിധാനം ആരംഭിച്ചു.  അംഗത്വത്തിന് ഇതുവരെ അപേക്ഷിക്കാത്ത തൊഴിലാളികള്‍ക്ക്  www.kmtwwfb.org എന്ന വെബ് സൈറ്റിലൂടെയോ  motorworker.kmtwwfb.kerala.gov.in എന്ന പോര്‍ട്ടലിലൂടെയോ അപേക്ഷ നല്‍കാമെന്ന്് ബോര്‍ഡ് ചെയര്‍മാന്‍ അറിയിച്ചു.  അവസാന തീയതി ജൂണ്‍ 30.  

സർക്കാർ മെഡിക്കൽ കോളേജ്, എറണാകുളം പുറപ്പെടുവിക്കുന്ന പത്രക്കുറിപ്പ്:- 

ഗുരുതരാവസ്ഥയിൽ ഐ സി യു വിൽ കഴിയുന്ന രോഗികൾ

1.എറണാകുളം സർക്കാർ മെഡിക്കൽ കോളേജിൽ കോവിഡ് ചികിത്സയിൽ കഴിയുന്ന  തൃശൂർ  സ്വദേശിനിയായ  80 വയസ്സുകാരി ഗുരുതരാവസ്ഥയിൽ തന്നെ തുടരുന്നു.ശ്വാസകോശ അണുബാധയുള്ള രോഗി ദീർഘ കാലമായുള്ള വൃക്ക രോഗത്തിനും ചികിത്സയിലാണ്

2.കുവൈറ്റിൽ നിന്നും 12  ആം തീയതി  കൊച്ചിയിൽ എത്തിയ കൊല്ലം സ്വദേശിയായ 53 വയസ്സുകാരനെ   കോവിഡ് ന്യൂമോണിയ മൂലം ഐസിയു  വിൽ  പ്രവേശിപ്പിച്ചിട്ടുണ്ട്. ദീർഘകാലമായി പ്രമേഹ രോഗിയായ ഇദ്ദേഹം കൃത്രിമശ്വസനസഹായിയുടെ സഹായത്തിലാണ്.

എറണാകുളം: ജില്ലാ പഞ്ചായത്തിലെ കോൺഫിഡൻഷ്യൽ അസിസ്റ്റൻ്റ് ഗ്രേഡ് രണ്ട് തസ്തികയിലേക്ക് ഡപ്യൂട്ടേഷനിൽ നിയമനം നടത്തുന്നതിനായി അപേക്ഷ ക്ഷണിച്ചു. വിവിധ സർക്കാർ വകുപ്പുകളിൽ സമാന തസ്തികയിൽ ജോലി ചെയ്യുന്നവർക്ക് അപേക്ഷിക്കാം. ജൂൺ 30 വൈകീട്ട് അഞ്ചിനകം അപേക്ഷ സമർപ്പിക്കണം. കൂടുതൽ വിവരങ്ങൾക്ക് ഫോൺ: 8848915115

എറണാകുളം : വിമാന താവളത്തിലെ യാത്ര ക്രമീകരണങ്ങൾ പരിഷ്കരിക്കുന്നതുമായി ബന്ധപ്പെട്ട് ജില്ല കളക്ടർ എസ്. സുഹാസിന്റെ അധ്യക്ഷതയിൽ ചർച്ച നടത്തി. ആരോഗ്യ വകുപ്പ്, ഗതാഗത വകുപ്പ്, അഗ്നി ശമന സേന, കെ. എസ്. ആർ. ടി. സി പ്രതിനിധികൾ തുടങ്ങിയവർ ചർച്ചയിൽ പങ്കെടുത്തു. അന്താരാഷ്ട്ര വിമാനങ്ങളുടെ എണ്ണം വർധിപ്പിച്ച സാഹചര്യത്തിൽ വിമാന ത്താവളത്തിലെ  യാത്ര ക്രമീകരണങ്ങളിൽ വേണ്ട പരിഷ്‌കാരങ്ങൾ ചർച്ച ചെയ്തു. ജില്ല മെഡിക്കൽ ഓഫീസർ ഡോ. എൻ. കെ കുട്ടപ്പൻ, ദേശീയ ആരോഗ്യ ദൗത്യം ജില്ല പ്രോജക്ട് ഓഫീസർ ഡോ. മാത്യൂസ് നുമ്പേലി, ആർ. ടി. ഒ. ജി അനന്തകൃഷ്ണൻ തുടങ്ങിയവർ പങ്കെടുത്തു.

എറണാകുളം: മൂത്തകുന്നം - ഇടപ്പള്ളി ഹൈവേ നിർമ്മാണത്തിനായുള്ള കല്ലിടൽ പ്രവർത്തികൾ ജൂൺ 30 ന് ആരംഭിക്കാൻ കളക്ടർ എസ്.സുഹാസിൻ്റെ അധ്യക്ഷതയിൽ ചേർന്ന ഉദ്യോഗസ്ഥരുടെ യോഗത്തിൽ തീരുമാനം.