ജൂൺ 22,29 തിയതികളിൽ നടക്കുന്ന കേരള ടീച്ചേഴ്‌സ് എലിജിബിലിറ്റി ടെസ്റ്റിന്റെ (കെ-ടെറ്റ്) ഹാൾടിക്കറ്റുകൾ ലഭ്യമാകാത്തവർക്ക് വിജ്ഞാപന പ്രകാരമുളള ഫോട്ടോ അപ്‌ലോഡ് ചെയ്ത് 20 വരെ പ്രിന്റ് ഔട്ട് എടുക്കാം.(ktet.kerala.gov.in)    
പി.എൻ.എക്സ്.1897/19

ഗ്രാമവികസന കമ്മീഷണറേറ്റിൽ പി.എം.എ.വൈ (ജി) സ്റ്റേറ്റ് പ്രോജക്ട് മാനേജ്‌മെന്റ് യൂണിറ്റിലേക്ക് ഐ.ടി പ്രൊഫഷണലിനെ ആവശ്യമുണ്ട്. ഐ.ടി/കംമ്പ്യൂട്ടർ സയൻസ് വിഷയങ്ങളിലെ ബിടെക്/എം.സി.എ യോഗ്യതയും, കേന്ദ്രാവിഷ്‌കൃത പദ്ധതികളുമായി ബന്ധപ്പെട്ട് ഇതേതരത്തിലുളള ജോലികൾ കൈകാര്യം ചെയ്ത് അഞ്ച് വർഷമെങ്കിലും പ്രവൃത്തി പരിചയമുളളവർക്കും അപേക്ഷിക്കാം. വിശദ വിവരങ്ങൾ www.rdd.kerala.gov.in  വെബ്‌സൈറ്റിൽ ലഭ്യമാണ്. അപേക്ഷകൾ ജൂൺ 26 അഞ്ചിനു മുമ്പ് തിരുവനന്തപുരം നന്തൻകോട് സ്വരാജ് ഭവനിലെ ഗ്രാമവികസന കമ്മീഷണറേറ്റിൽ ലഭ്യമാക്കണം.
പി.എൻ.എക്സ്.1896/19

ഭാഗ്യക്കുറി ടിക്കറ്റുകളിലെ സുരക്ഷാ സംവിധാനങ്ങളെക്കുറിച്ച് ജില്ലയിലെ ഭാഗ്യക്കുറി വിൽപ്പനക്കാർക്കും ഏജന്റുമാർക്കും പരിശീലനം നൽകുന്നതിനായി 21ന് പഴയ ജില്ലാ ഭാഗ്യക്കുറി ഓഫീസിലും (പുളിമൂട്) 22ന് ആറ്റിങ്ങൽ ഭാഗ്യക്കുറി സബ് ഓഫീസിലും 26ന് നെയ്യാറ്റിൻകര ഭാഗ്യക്കുറി സബ് ഓഫീസിലും വൈകുന്നേരം മൂന്ന് മണിക്ക് പരിശീലന പരിപാടികൾ സംഘടിപ്പിക്കും. എല്ലാ ഭാഗ്യക്കുറി ഏജന്റുമാരും വിൽപ്പനക്കാരും പരിശീലന പരിപാടിയിൽ പങ്കെടുക്കണമെന്ന് ജില്ലാ ഭാഗ്യക്കുറി ക്ഷേമനിധി ഓഫീസർ അറിയിച്ചു. വിശദവിവരങ്ങൾക്ക് 0471-2325582.
പി.എൻ.എക്സ്.1895/19

സൗദി അറേബ്യയിലെ പ്രമുഖ ഹോസ്പിറ്റലിലേക്ക് ബില്ലിങ് ക്ലർക്ക്/സൂപ്പർവൈസറിന്റെ ഒഴിവിലേക്ക് അഞ്ച് വർഷം പ്രവൃത്തിപരിചയമുളള യോഗ്യരായ ഉദ്യോഗാർത്ഥികളെ നിയമിക്കുന്നതിന് ഒ.ഡി.ഇ.പി.സി മുഖേന ഇന്റർവ്യൂ നടത്തുന്നു. താൽപര്യമുളളവർ ബയോഡാറ്റ സർട്ടിഫിക്കറ്റുകളുടെ പകർപ്പുകൾ എന്നിവ സഹിതം  gcc@odepc.in എന്ന ഇ-മെയിലിലേക്ക് ജൂൺ 22നകം അപേക്ഷിക്കണം. കൂടുതൽ വിവരങ്ങൾക്ക് www.odepc.kerala.gov.in സന്ദർശിക്കുക. ഫോൺ: 0471 2329440/41/42/43.
പി.എൻ.എക്സ്.1894/19

കേരള കള്ള് വ്യവസായ തൊഴിലാളി ക്ഷേമനിധി ബോർഡിൽ നിലവിലുണ്ടായിരുന്ന ക്ഷേമനിധി കുടിശ്ശിക ഒറ്റത്തവണ തീർപ്പാക്കൽ പദ്ധതിയുടെ കാലാവധി ആറ് മാസത്തേക്ക് കൂടി ദീർഘിപ്പിച്ച് സർക്കാർ ഉത്തരവായി. ഇതു പ്രകാരം 2017 ഒക്‌ടോബർ വരെ ക്ഷേമനിധി കുടിശ്ശിക വരുത്തിയിട്ടുളളവർക്ക് പലിശയിനത്തിൽ അടയ്ക്കാനുളള തുകയുടെ മൂന്നിൽ രണ്ട് ഭാഗം ഇളവോടെയും ലൈസൻസികൾ എല്ലാവരും തന്നെ മരണപ്പെട്ട സാഹചര്യമുണ്ടെങ്കിൽ 90 ശതമാനം പലിശയിളവോടെയും ക്ഷേമനിധി കുടിശ്ശിക അടച്ചു തീർക്കാം.
പി.എൻ.എക്സ്.1893/19
 

മൃഗസംരക്ഷണ വകുപ്പിന്റെ ആഭിമുഖ്യത്തിൽ ജില്ലയിലെ മികച്ച കർഷകരുടെ സംഗമവും കർഷക സെമിനാറും മന്ത്രിയുമായുളള മുഖാമുഖം പരിപാടിയും ജൂൺ 22ന് രാവിലെ 10.30ന് വി.ജെ.റ്റി ഹാളിൽ വനം വകുപ്പ് മന്ത്രി കെ.രാജു ഉദ്ഘാടനം ചെയ്യും. പ്ലാൻ പദ്ധതിയെക്കുറിച്ച് തയ്യാറാക്കിയ ഡോക്യൂമെന്ററിയുടെ പ്രകാശനം ദേവസ്വം മന്ത്രി കടകംപളളി സുരേന്ദ്രൻ നിർവ്വഹിക്കും. വി.എസ്.ശിവകുമാർ എം.എൽ.എ, മേയർ അഡ്വ.വി.കെ.പ്രശാന്ത്, ജില്ലാ പഞ്ചായത്ത് പ്രസിഡന്റ് വി.കെ.മധു, മറ്റു ജനപ്രതിനിധികൾ തുടങ്ങിയവർ പങ്കെടുക്കും.
പി.എൻ.എക്സ്.1892/19

സംസ്ഥാന യുവജനക്ഷേമ ബോർഡ് യുവജനങ്ങൾക്കായി സംഘടിപ്പിക്കുന്ന ഷോർട്ട് ഫിലിം ഫെസ്റ്റിവലിലേയ്ക്ക് അപേക്ഷ ക്ഷണിച്ചു. സ്ത്രീശാക്തീകരണം, വികസനം, മറ്റുളളവ (പരിസ്ഥിതി സംരക്ഷണം, ബോധവൽക്കരണം) എന്നീ മൂന്ന് വിഭാഗങ്ങളിലാണ് മത്സരം സംഘടിപ്പിക്കുന്നത്. ജൂലൈ ഒന്നു മുതൽ 31 വരെ അപേക്ഷകൾ ഓൺലൈനായി സ്വീകരിക്കും. 18നും 40നും വയസ്സിനും മദ്ധ്യേ പ്രായമുളള യുവജനങ്ങൾക്ക് മത്സരത്തിൽ പങ്കെടുക്കാം. വിശദവിവരങ്ങൾക്ക്സ www.ksywb.kerala.gov.in ന്ദർശിക്കുക. ഫോൺ: 0471 2733139, 2733602.
പി.എൻ.എക്സ്.1891/19

കൈമനം സർക്കാർ വനിത പോളിടെക്‌നിക്ക് കോളേജിലെ ഇൻസ്ട്രുമെന്റേഷൻ വിഭാഗത്തിൽ ദിവസ വേതനാടിസ്ഥാനത്തിൽ ഗസ്റ്റ് ട്രേഡ്‌സ്മാൻ ഒഴിവുണ്ട്. ഇൻസ്ട്രുമെന്റേഷൻ എഞ്ചിനിയറിംഗിൽ ഐ.ടി.ഐ/തത്തുല്യ യോഗ്യത അല്ലെങ്കിൽ ഡിപ്ലോമ യോഗ്യതയുളള ഉദ്യോഗാർത്ഥികൾ ബയോഡാറ്റ, യോഗ്യത തെളിയിക്കുന്ന അസ്സൽ സർട്ടിഫിക്കറ്റുകൾ എന്നിവയുമായി ജൂൺ 22ന് രാവിലെ പത്തിന് പ്രിൻസിപ്പാൾ മുമ്പാകെ കൂടിക്കാഴ്ചയ്ക്ക് ഹാജരാകണം.
പി.എൻ.എക്സ്.1890/19

കൈമനം സർക്കാർ വനിത പോളിടെക്‌നിക്ക് കോളേജിലെ കമ്പ്യൂട്ടർ/കമ്പ്യൂട്ടർ (ഹിയറിംഗ് ഇംപെയേർഡ്) വിഭാഗത്തിൽ മണിക്കൂർ വേതനാടിസ്ഥാനത്തിലുളള ഗസ്റ്റ് ട്രേഡ് ഇൻസ്ട്രക്ടർ/ട്രേഡ്‌സ്മാൻ താൽക്കാലിക ഒഴിവുകളുണ്ട്. കമ്പ്യൂട്ടർ എഞ്ചിനിയറിംഗിൽ ഐ.ടി.ഐ (കോപ്പ) അഥവാ തത്തുല്യ യോഗ്യത അല്ലെങ്കിൽ ഡിപ്ലോമ യോഗ്യതയുളള ഉദ്യോഗാർത്ഥികൾ ബയോഡാറ്റ, യോഗ്യത തെളിയിക്കുന്ന അസ്സൽ സർട്ടിഫിക്കറ്റുകൾ എന്നിവയുമായി ജൂൺ 22ന് രാവിലെ പത്തിന് പ്രിൻസിപ്പാൾ മുമ്പാകെ കൂടിക്കാഴ്ചയ്ക്ക് ഹാജരാകണം.
പി.എൻ.എക്സ്.1889/19