ഇത്തിക്കര ബ്ലോക്ക് പഞ്ചായത്ത് കലയ്ക്കോട് കമ്മ്യൂണിറ്റി ഹെല്‍ത്ത് സെന്ററിലേക്ക് കരാര്‍ അടിസ്ഥാനത്തില്‍ ഫാര്‍മസിസ്റ്റിന്റെ ഒഴിവിലേക്ക് അപേക്ഷിക്കാം. സര്‍ക്കാര്‍/സര്‍ക്കാര്‍ അംഗീകൃത സ്ഥാപനങ്ങളില്‍ നിന്ന് ഫാര്‍മസിസ്റ്റ് ഡിപ്ലോമ/ബിരുദമാണ് യോഗ്യത.  ഇത്തിക്കര ബ്ലോക്ക് പഞ്ചായത്ത്, താഴം, ചാത്തന്നൂര്‍ പി ഒ, കൊല്ലം വിലാസത്തില്‍ ജൂണ്‍ 24 നകം അപേക്ഷ നല്‍കണം. വിശദവിവരങ്ങള്‍ 0474-2593260, 2592232 എന്നീ നമ്പരുകളില്‍ ലഭിക്കും.
 (പി.ആര്‍.കെ നമ്പര്‍ 1635/2020)

പാരിപ്പള്ളി സര്‍ക്കാര്‍ മെഡിക്കല്‍ കോളജില്‍ താത്കാലികാടിസ്ഥാനത്തില്‍ സ്റ്റാഫ് നഴ്‌സിനെ നിയമിക്കുന്നു. ബയോഡാറ്റ, യോഗ്യത, തിരിച്ചറിയല്‍ രേഖ, പ്രവൃത്തിപരിചയം, മറ്റ് വിവരങ്ങള്‍ എന്നിവ https://forms.gle/eUFFr6gkXC3qVLjP8     എന്ന ലിങ്കില്‍ ജൂണ്‍ 21ന് വൈകിട്ട് 4.30 നകം അപ്‌ലോഡ് ചെയ്യണം.
യോഗ്യത - പ്ലസ് ടൂവും(സയന്‍സ്), ജി എന്‍ എം/ബി എസ് സി നഴ്‌സിങും നഴ്‌സിങ് കൗണ്‍സില്‍ രജിസ്‌ട്രേഷനും. പ്രായം 18 നും 40 നും ഇടയില്‍. ശമ്പളം 17,000 രൂപ. ഇന്റര്‍വ്യൂ ഓണ്‍ലൈന്‍ വഴി നടത്തും. വിശദ വിവരങ്ങള്‍ 0474-2575717 നമ്പരില്‍ ലഭിക്കും.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗത്വം എടുത്ത തൊഴിലാളികള്‍ക്ക് കോവിഡ് 19 ധനസഹായത്തിനുള്ള അപേക്ഷ ജൂണ്‍ 30 വരെ സമര്‍പ്പിക്കാം.
(പി.ആര്‍.കെ നമ്പര്‍ 1633/2020)  

ജില്ലാ സൈനിക ക്ഷേമ ഓഫീസ് മുഖാന്തരം രണ്ടാം ലോക മഹായുദ്ധ സേനാനികളും അവരുടെ വിധവകളുമായവരില്‍ പ്രതിമാസ സാമ്പത്തിക സഹായം വാങ്ങിക്കുന്നവര്‍ 2020-21 സാമ്പത്തിക വര്‍ഷത്തെ ലൈഫ് സര്‍ട്ടിഫിക്കറ്റ് അടിയന്തരമായി ജില്ലാ സൈനിക ക്ഷേമ ഓഫീസില്‍ സമര്‍പ്പിക്കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു. വിശദ വിവരങ്ങള്‍ 0474-2792987 നമ്പരില്‍ ലഭിക്കും.
(പി.ആര്‍.കെ നമ്പര്‍ 1632/2020)  

കോവിഡ് രോഗപ്രതിരോധ പ്രവര്‍ത്തനങ്ങളുടെയും വിവിധ സഹായ സഹകരണങ്ങളുടെയും ഭാഗമായി ആവശ്യമായ ഭക്ഷ്യധാന്യങ്ങള്‍ കൊല്ലം ഹോളി ക്രോസ് സൊസൈറ്റി ഓഫ് സിസ്റ്റേഴ്‌സ് ജില്ലാ ഭരണകൂടത്തിന് കൈമാറി. 450 കിലോഗ്രാം അരി, 60 കിലോഗ്രാം ഗോതമ്പ് മാവ്, സണ്‍ഫ്‌ളവര്‍ ഓയില്‍ എന്നിവ സൊസൈറ്റി സുപ്പീരിയര്‍ ഫ്രാന്‍ക ചാലയ്ക്കല്‍, സിസ്റ്റര്‍ ആശ എന്നിവരില്‍ നിന്നും ജില്ലാ ഭരണകൂടത്തിന് വേണ്ടി കോവിഡ് സെല്‍ സൂപ്രണ്ട് കെ പി ഗിരിനാഥ് ഏറ്റുവാങ്ങി. ഭക്ഷ്യധാന്യങ്ങള്‍ അര്‍ഹരായ ട്രാന്‍സ്‌ജെന്‍ഡേഴ്‌സ് ഗ്രൂപ്പിന് സാമൂഹ്യനീതി വകുപ്പ് മുഖേന വിതരണം ചെയ്യുവാന്‍ കൊട്ടിയം സപ്ലൈകോയ്ക്ക് കൈമാറിയതായി ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു.

ചെറിയ തകരാറുകള്‍ മൂലം ഉപയോഗിക്കാത്ത ടി വികളും സ്മാര്‍ട് ഫോണുകളും ജില്ലാ ശുചിത്വ മിഷന്‍ നന്നാക്കി ഓണ്‍ലൈന്‍ പഠനത്തിന് ഉപയോഗപ്പെടുത്തും. സേഫ് കൊല്ലത്തിന്റെ ആഭിമുഖ്യത്തില്‍ ജില്ലാ ശുചിത്വ മിഷന്‍ നടത്തുന്ന കാമ്പയിന്റെ ഭാഗമായാണ് ഇത്. തകരാറ് പരിഹരിച്ച ടി വിയും സ്മാര്‍ട് ഫോണും വിദ്യാഭ്യാസ വകുപ്പിന് കൈമാറി ആവശ്യമുളള വിദ്യാര്‍ഥികള്‍ക്ക് എത്തിക്കുകയാണ് ലക്ഷ്യം. തദ്ദേശ സ്വയംഭരണ സ്ഥാപനങ്ങളുടെ സഹായത്തോടെയാണ് ജില്ലാ ഭരണകൂടം പദ്ധതി നടപ്പാക്കുക.  

ജില്ലയിലെ തീരപ്രദേശങ്ങളില്‍ നിര്‍മാണ പ്രവര്‍ത്തനങ്ങള്‍ നടത്തുന്നതിന് തീരദേശ നിയന്ത്രണ സമിതിയുടെ(സി ആര്‍  ഇസഡ്) അനുമതിക്കായി സമര്‍പ്പിച്ച   95 അപേക്ഷകള്‍ കേരള തീരദേശ പരിപാലന സമിതി ജില്ലാ യോഗം പരിഗണിച്ചു. കമ്മിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസറിന്റെ അധ്യക്ഷതയില്‍ ചേര്‍ന്ന യോഗം നഗരസഭകള്‍ ഉള്‍പ്പെടെ 13 തദ്ദേശ സ്വയംഭരണ സ്ഥാപനങ്ങളില്‍ നിന്നുള്ള അപേക്ഷകളാണ് പരിശോധിച്ചത്.

മെഡിക്കൽ വിദ്യാഭ്യാസ വകുപ്പ് ജനുവരിയിൽ നടത്തിയ ഡിഫാം പാർട്ട് 2 സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു. വിശദവിവരങ്ങൾ  www.dme.kerala.gov.in എന്ന വെബ്‌സൈറ്റിൽ ലഭിക്കും.