കോട്ടയം കോളേജ് വിദ്യാഭ്യാസ ഡെപ്യൂട്ടി ഡയറക്ടർ ഓഫീസിൽ തീർപ്പാക്കാത്ത ഫയലുകൾ തീർപ്പാക്കുന്നതിന് ഫയൽ അദാലത്ത് സംഘടിപ്പിക്കുന്നു. ഉന്നത വിദ്യാഭ്യാസ വകുപ്പ് മന്ത്രി കെ.ടി. ജലീലിന്റെ അദ്ധ്യക്ഷതയിൽ ഫെബ്രുവരി മാസത്തിൽ നടത്തുന്ന അദാലത്തിലേക്ക് ജനുവരി 15 നകം പരാതികൾ നൽകാം. പരാതികൾ ഡെപ്യൂട്ടി ഡയറക്ടർ, കോളേജ് വിദ്യാഭ്യാസ ഡെപ്യൂട്ടി ഡയറക്ടർ ഓഫീസ്, വയസ്‌കരക്കുന്ന് പി.ഒ കോട്ടയം -686001  എന്ന വിലാസത്തിൽ അയക്കണം. കൂടുതൽ വിവരങ്ങൾക്ക് ഫോൺ: 0481 2563317.
(പി.ആർ.പി. 46/2019)

മൃഗസംരക്ഷണ വകുപ്പിന്റെ കുളമ്പുരോഗ പ്രതിരോധ കുത്തിവയ്പ്പായ ഗോരക്ഷ പദ്ധതിയുടെ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് വി.കെ. മധു നിർവഹിച്ചു. കന്നുകാലികളും പന്നികളുമടക്കം ജില്ലയിലെ ഒരു ലക്ഷത്തിലധികം മൃഗങ്ങൾക്കാണു കുത്തിവയ്‌പ്പെടുക്കുന്നത്. ഇതിനായി ലൈവ് സ്റ്റോക്ക് ഇൻസ്‌പെക്ടർമാരുടെ നേതൃത്വത്തിലുള്ള സ്‌ക്വാഡുകൾ ഫെബ്രുവരി ഏഴു വരെ കർഷകരുടെ വീടുകളിലെത്തുകയും വാക്‌സിനെടുക്കുകയും ചെയ്യും. വാക്‌സിനേഷൻ ചാർജായി ഒരു മൃഗത്തിന് 10 രൂപയാണ് കർഷകനിൽനിന്ന് ഈടാക്കുന്നതെന്ന് ജില്ലാ മൃഗസംരക്ഷണ ഓഫിസർ അറിയിച്ചു.
(പി.ആർ.പി. 45/2019)

കേരള നവോത്ഥാന ചരിത്രത്തിൽ ഇടംനേടിയ മഹാത്മാഗാന്ധി - അയ്യങ്കാളി കൂടിക്കാഴ്ചയുടെ 82-ാം വാർഷികാഘോഷ വേദിയായ വെങ്ങാന്നൂരിൽ ഇൻഫർമേഷൻ - പബ്ലിക് റിലേഷൻസ് വകുപ്പ് സംഘടിപ്പിച്ച നവോത്ഥാന ഫോട്ടോ പ്രദർശനം നിയമസഭാ സ്പീക്കർ പി. ശ്രീരാമകൃഷ്ണൻ ഉദ്ഘാടനം ചെയ്തു.

പുതുതലമുറയ്ക്ക് ഏറെ ഗുണകരമാകും പി.ആർ.ഡി. സംഘടിപ്പിക്കുന്ന ഇത്തരം പ്രദർശനങ്ങളെന്നു സ്പീക്കർ പറഞ്ഞു. അയ്യങ്കാളിയുടെ സമര ജീവിതത്തിലെ ത്രസിക്കുന്ന ഏടുകളായ പഞ്ചമിയുടെ സ്‌കൂൾ പ്രവേശനവും വില്ലുവണ്ടി സമരവും അയ്യങ്കാളിയെ പിടികൂടി നൽകുന്നവർക്കു സവർണർ ഇനാം പ്രഖ്യാപിക്കുന്നതുമായ ചരിത്ര രേഖകൾ ഉൾക്കൊള്ളുന്നതാണു പ്രദർശനം.

പ്രവാസികളുടെ പ്രശ്‌നങ്ങൾ പരിഹരിക്കുന്നതിനായി ജില്ലയിൽ രൂപീകരിച്ച പ്രവാസി പരാതി പരിഹാര കമ്മിറ്റിയുടെ രണ്ടാമത് യോഗം ജനുവരി 24 ന് മൂന്ന് മണിക്ക് കുടപ്പനക്കുന്ന് കളക്ടറേറ്റിൽ ചേരുമെന്ന് ജില്ലാ കളക്ടർ ഡോ. കെ. വാസുകി അറിയിച്ചു. ഗവൺമെന്റ്/ഗവൺമെന്റ് ഇതര സ്ഥപനങ്ങളുമായുള്ള പ്രശ്‌നങ്ങൾ, ലൈസൻസുകൾ നേടുന്നതിലുള്ള പ്രശ്‌നങ്ങൾ തുടങ്ങിയവ കമ്മിറ്റി മുമ്പാകെ ഹാജരായി ബോധിപ്പിക്കാം. പ്രവാസികൾക്കും പ്രവാസിക്ഷേമത്തിനായി പ്രവർത്തിക്കുന്ന സംഘടനകൾക്കും 24 ന് നടക്കുന്ന യോഗത്തിൽ പങ്കെടുത്ത് പ്രശ്‌നങ്ങൾ അവതരിപ്പിക്കാമെന്ന് കളക്ടർ അറിയിച്ചു.
   (പി.ആർ.പി. 42/2019)

**കാലാവധി പൂർത്തിയാക്കുംമുൻപ് ശേഷിക്കുന്ന ഭൂരഹിതർക്കും പട്ടയം

ഈ സർക്കാർ അധികാരത്തിലെത്തി രണ്ടര വർഷത്തിനിടെ സംസ്ഥാനത്ത് ഭൂരഹിരതരായ ഒരു ലക്ഷത്തിലേറെ പേർക്ക് പട്ടയം നൽകാൻ കഴിഞ്ഞതായി റവന്യൂ മന്ത്രി ഇ. ചന്ദ്രശേഖരൻ. ശേഷിക്കുന്ന ഭൂരഹിതർക്കു സർക്കാരിന്റെ കാലാവധി പൂർത്തിയാകും മുൻപു പട്ടയം നൽകാനുള്ള നടപടികൾ   പുരോഗമിക്കുന്നതായും മന്ത്രി പറഞ്ഞു. തിരുവനന്തപുരം ജില്ലയിലെ പട്ടയമേള ഉദ്ഘാടനം ചെയ്യുകയായിരുന്നു അദ്ദേഹം. ജില്ലയിലെ 444 ഭൂരഹിതർക്കു മേളയിൽ പട്ടയവും കൈവശാവകാശ രേഖയും വിതരണം ചെയ്തു.

ജില്ലാ ആസൂത്രണ സമിതിയോഗം ഈ മാസം 22ന് രാവിലെ 11ന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ചേരും.  (പിഎന്‍പി 169/19)

പത്തനംതിട്ട വിശ്രമകേന്ദ്രത്തിലെ പുതിയ വിഐപി ബ്ലോക്കിന്റെ നിര്‍മാണോദ്ഘാടനം നാളെ (18) പകല്‍ 11:30ന് പൊതുമരാമത്ത്-രജിസ്ട്രേഷന്‍ വകുപ്പ് മന്ത്രി ജി.സുധാകരന്‍ നിര്‍വഹിക്കും. വിശ്രമകേന്ദ്ര പരിസരത്ത് ചേരുന്ന യോഗത്തില്‍ വീണാജോര്‍ജ് എംഎല്‍എ അധ്യക്ഷത വഹിക്കും. ആന്റോ ആന്റണി എംപി മുഖ്യപ്രഭാഷണം നടത്തും.