കര്‍ഷക തൊഴിലാളി ക്ഷേമനിധി ബോര്‍ഡിന്റെ പത്തനംതിട്ട ഡിവിഷന്‍ ഓഫീസില്‍ അംഗങ്ങളായ തൊഴിലാളികളുടെ മക്കളില്‍ എസ്എസ്എല്‍സി പരീക്ഷയില്‍ 80 ശതമാനവും ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി അവസാന വര്‍ഷ പരീക്ഷകളില്‍ 90 ശതമാനവും പ്രൊഫഷണല്‍ കോഴ്‌സുകള്‍ക്ക് അവസാന വര്‍ഷ പരീക്ഷയില്‍ 80 ശതമാനവും മാര്‍ക്ക് നേടിയവര്‍ക്ക് വിദ്യാഭ്യാസ ധനസഹായത്തിന് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ജൂലൈ 15. ഫോണ്‍: 0468 2327415.

                 (പിഎന്‍പി 1415/19)

ജില്ലയില്‍ പ്രവര്‍ത്തിക്കുന്ന ഇസിഎച്ച്എസ് പോളിക്ലിനിക്കില്‍ മെഡിക്കല്‍ സ്‌പെഷ്യലിസ്റ്റിനെ (എംഡി, ജനറല്‍ മെഡിസിന്‍) ആവശ്യമുണ്ട്. ഫോണ്‍: 9497028518.                                                                         (പിഎന്‍പി 1414/19)

വകയാര്‍ സര്‍വീസ് സഹകരണ ബാങ്കിന്റെ നവീകരിച്ച ഓഫീസ് മന്ദിരത്തിന്റെ  ഉദ്ഘാടനം  എംഎല്‍എമാരായ രാജു ഏബ്രഹാമും ചിറ്റയം ഗോപകുമാറും ചേര്‍ന്ന് നിര്‍വഹിച്ചു. ഒപ്പം പൊതുയോഗ ഹാളിന്റെ ഉദ്ഘാടനവും നിര്‍വഹിച്ചു. ബാങ്കിലെ മികച്ച കര്‍ഷകരെയും, ആദ്യകാല സഹകാരികളെയും ചടങ്ങില്‍ ആദരിച്ചു. മികച്ച വനിത സ്വയം സഹായ സംഘങ്ങള്‍ക്കുള്ള അവാര്‍ഡ് വിതരണം ചെയ്തു. 

എറണാകുളത്ത് പ്രവർത്തിക്കുന്ന കാപ്പ ഉപദേശക ബോർഡ് ഓഫീസിൽ നിലവിൽ ഒഴിവുളള രണ്ട് ക്ലാർക്ക് തസ്തികകളിലേക്ക് ഡെപ്യൂട്ടേഷൻ വ്യവസ്ഥയിൽ നിയമിക്കുന്നതിന് സംസ്ഥാന സർക്കാർ സർവീസിൽ അസിസ്റ്റന്റ്/ക്ലാർക്ക് തസ്തികയിൽ ജോലി ചെയ്യുന്ന ഉദ്യോഗസ്ഥരിൽ നിന്നും അപേക്ഷ ക്ഷണിച്ചു. അപേക്ഷകർ നിലവിൽ ജോലി ചെയ്യുന്ന വകുപ്പിൽ നിന്നും നിരാക്ഷേപപത്രവും കെ.എസ്.ആർ പാർട്ട് 1 ചട്ടം 144 പ്രകാരമുളള സ്റ്റേറ്റ്‌മെന്റും സഹിതം സെക്രട്ടറി, ഉപദേശക സമിതി, കാപ്പ, പാടം റോഡ്, എളമക്കര, എറണാകുളം എന്ന വിലാസത്തിൽ അപേക്ഷ അയയ്ക്കണം. കൂടുതൽ വിവരങ്ങൾക്ക്: 0484-2537411
പി.എൻ.എക്സ്.1823/19

ജേർണലിസത്തിൽ ഡിഗ്രി/ഡിപ്ലോമയും ഓൺലൈൻ മാധ്യമത്തിൽ  മൂന്ന് വർഷത്തിൽ കുറയാത്ത പ്രവൃത്തിപരിചയവും ഉള്ളവർക്ക് ഐ.ആൻഡ്.പി.ആർ.ഡിയുടെ മൊബൈൽ വാർത്താധിഷ്ഠിത പദ്ധതിയിൽ ദിവസവേതനാടിസ്ഥാനത്തിൽ റിപ്പോർട്ടർ നിയമനത്തിന് അപേക്ഷിക്കാം. അപേക്ഷയോടൊപ്പം വിശദമായ ബയോഡാറ്റ ഡയറക്ടർ, ഇൻഫർമേഷൻ പബ്‌ളിക് റിലേഷൻസ് വകുപ്പ്, വെബ് ആന്റ് ന്യൂ മീഡിയ, സൗത്ത് ബ്‌ളോക്ക്, സെക്രട്ടേറിയറ്റ്, തിരുവനന്തപുരം 695001 എന്ന വിലാസത്തിൽ ജൂൺ 25നകം അയയ്ക്കണം.
പി.എൻ.എക്സ്.1822/19

കേരള സംസ്ഥാന പരിവർത്തിത ക്രൈസ്തവ ശുപാർശിത വിഭാഗ വികസന കോർപ്പറേഷൻ പട്ടികജാതിയിൽ നിന്നും ക്രിസ്തുമതം സ്വീകരിച്ചവരും അർഹതയുള്ളവരുമായ ശുപാർശിത വിഭാഗങ്ങളിൽപ്പെട്ട (ഒ.ഇ.സി)മാത്രം, മുന്നാക്ക/പിന്നാക്ക വിഭാഗങ്ങളിലെ മറ്റു ജാതിക്കാർ അർഹരല്ല) സമർത്ഥരായ വിദ്യാർത്ഥികൾക്ക് സ്‌കോളർഷിപ്പ് നൽകുന്നു. 2019 മാർച്ചിൽ നാലാം ക്ലാസ്സ് പരീക്ഷ എഴുതുകയും എല്ലാ വിഷയങ്ങൾക്കും എ ഗ്രേഡ് നേടുകയും ചെയ്ത മുൻഗണനാ വിഭാഗത്തിലെ കുടുംബങ്ങളിലെ വിദ്യാർത്ഥികളെയാണ് പരിഗണിക്കുന്നത്. തിരഞ്ഞെടുക്കപ്പെടുന്ന 100 വിദ്യാർത്ഥികൾക്ക് പത്താം ക്ലാസ്സ് വരെ പഠന മികവ് തുടരുന്നപക്ഷം എല്ലാ വർഷവും സ്‌കോളർഷിപ്പ് ലഭിക്കും.

കേരള ക്ലിനിക്കൽ എസ്റ്റാബ്ലിഷ്‌മെന്റ് ആക്ട് 2018ന്റെ ഭാഗമായുളള പരാതി പരിഹാര സമിതിയിലേക്ക് ചെയർമാന്റെയും (ഉയർന്ന പ്രായ പരിധി 62 വയസ്) രണ്ട് അംഗങ്ങളുടെയും (ഉയർന്ന പ്രായ പരിധി 62 വയസ്) ഒഴിവുകളിലേക്ക് അപേക്ഷ ക്ഷണിച്ചു. അപേക്ഷ ലഭിക്കേണ്ട അവസാന തിയതി ജൂലൈ 17. അപേക്ഷകൾ സെക്രട്ടറി, കേരള ക്ലിനിക്കൽ എസ്റ്റാബ്ലിഷ്‌മെന്റ് കൗൺസിൽ ഓഫീസ്, സ്റ്റേറ്റ് ഹെൽത്ത് സിസ്റ്റംസ് റിസർച്ച് സെന്റർ (SHSRC) തൈക്കാട്, തിരുവനന്തപുരം 695014 എന്ന വിലാസത്തിൽ അയയ്ക്കണം. കൂടുതൽ വിവരങ്ങൾക്ക്  www.clinicalestablishments.kerala.gov.in     

സംസ്ഥാനത്തെ  9941 പ്രൈമറി സ്‌കൂളുകളിൽ  ഹൈടെക് ലാബ് സ്ഥാപിക്കു ന്നതിന് മുന്നോടിയായി പൊതുവിദ്യാഭ്യാസ വകുപ്പിന് കീഴിലുള്ള കേരളാ ഇൻഫ്രസ്ട്രക്ചർ ആന്റ് ടെക്‌നോളജി ഫോർ എഡ്യൂക്കേഷനും (കൈറ്റ്)  സ്‌കൂളുകളും തമ്മിൽ ധാരണാപത്രം ഒപ്പിടണമെന്ന് സർക്കാർ ഉത്തരവായി.

കൊച്ചി: സര്‍ക്കാര്‍ ഉടമസ്ഥതയിലുളള വിവിധ കമ്പനി/ബോര്‍ഡ്/കോര്‍പറേഷനുകളിലെ ലാസ്റ്റ് ഗ്രേഡ് സര്‍വന്റ്‌സ് (കാറ്റഗറി നമ്പര്‍ 113/2017) തസ്തികയുടെ തെരഞ്ഞെടുപ്പിലേക്കായി ജൂണ്‍ 17, 18, 19 തീയതികളിലായി രാവിലെ 7.30 മുതല്‍ എറണാകുളം ജില്ലാ പി.എസ്.സി ഓഫീസ് പരിസരത്ത് സൈക്ലിംഗ് ടെസ്റ്റും, വിജയിക്കുന്ന ഉദ്യോഗാര്‍ഥികള്‍ക്കായി തുടര്‍ന്ന് സര്‍ട്ടിഫിക്കറ്റ് പരിശോധനയും (ഒ.റ്റി.വി) നടത്തും.