ജില്ലയില്‍ 65000 ഹെക്ടര്‍ സ്ഥലത്ത് ഒരു കോടിയില്‍പരം തെങ്ങ് കൃഷിയുണ്ട്.  വര്‍ഷത്തില്‍ 3000 മില്ലി മീറ്റര്‍ മഴ ലഭിക്കുന്നുണ്ടെങ്കിലും വളരെ കുറച്ചു ദിവസങ്ങളിലേക്ക് കേന്ദ്രീകൃതമായി പെയ്യുന്ന മഴ വെള്ളം, മണ്ണില്‍   സംഭരിച്ചു നിര്‍ത്താനുള്ള നടപടികളിലൊന്നാണ് തെങ്ങിന്‍ തടം തുറക്കല്‍.  കാലവര്‍ഷം തുടങ്ങുന്ന സമയത്ത് തന്നെ ഓരോ തെങ്ങിന്റെയും തടം തുറക്കണം.

ഇടിഞ്ഞു വീഴാറായ  മേല്‍ക്കൂരയില്‍ നിന്നും അടച്ചുറപ്പില്ലാത്ത വീടുകളില്‍ നിന്നുമൊക്കെയായി  കാലങ്ങളായി മോചനമില്ലാതെ ദുരിതം അനുഭവിച്ച 7951 കുടുംബങ്ങള്‍ സന്തോഷത്തിന്റെ നാളുകളിലാണ്. മൂന്നോട്ട് എന്തെന്നറിയാത്തവര്‍ക്ക് സുരക്ഷിത ഭവനത്തിനൊപ്പം ലൈഫ് മിഷനിലൂടെ മികച്ച ജീവിത സാഹചര്യങ്ങള്‍ ഒരുങ്ങി. കനത്ത കാലവര്‍ഷത്തിലും പേടി കൂടാതെ നിറഞ്ഞ ചിരിയോടെ സുരക്ഷിതരായി ഇവര്‍ക്ക് ഈ ഭവനങ്ങളില്‍ അന്തിയുറങ്ങാം. നാലുവര്‍ഷം പിന്നിട്ട സംസ്ഥാന സര്‍ക്കാറിന്  വീട് ലഭിച്ച  ഓരോ മുഖത്തേയും നിറഞ്ഞ പുഞ്ചിരിയാണ്  മികച്ച സമ്മാനം.

ജില്ലാ കളക്ടര്‍ പി.ബി. നൂഹിന്റെ നേതൃത്വത്തില്‍ നടത്തുന്ന മല്ലപ്പള്ളി താലൂക്ക് തല ഓണ്‍ലൈന്‍ അദാലത്ത് ജൂലൈ 18ന്. ജില്ലാ കളക്ടര്‍ കളക്ടറേറ്റില്‍ നിന്നും വീഡിയോ കോണ്‍ഫറന്‍സിലൂടെ അക്ഷയ കേന്ദ്രങ്ങള്‍ മുഖേന ജനങ്ങളുടെ പരാതികള്‍ കേള്‍ക്കും. 

തിരുവല്ല കുമ്പഴ റോഡില്‍ സ്ഥിതി ചെയ്യുന്ന കോഴഞ്ചേരി പൊതുമരാമത്ത് വകുപ്പ് വിശ്രമ േകന്ദ്ര സമുച്ചയത്തില്‍ പ്രവര്‍ത്തിക്കുന്ന കാന്റീന്‍ പാട്ടവ്യവസ്ഥയില്‍ ഏറ്റെടുത്ത്     നടത്തുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ 16ന് വൈകിട്ട് മൂന്നിന് മുമ്പ് പൊതുമരാത്ത്  കെട്ടിട വിഭാഗം സബ്ഡിവിഷന്‍ ഓഫീസില്‍ ലഭിക്കണം.          (പിഎന്‍പി 2581/20)

കോവിഡ് കാലത്ത് മൂന്ന് മുതല്‍ ആറ് വയസ്സ് പ്രായമുളള ഗുരുതര പോഷകാഹാര കുറവ് അനുഭവിക്കുന്ന കുഞ്ഞുങ്ങള്‍ക്ക് വനിതാശിശു വികസന വകുപ്പ് വിതരണം ചെയ്യുന്ന തേനമൃത് ന്യൂട്രിബാര്‍ ജില്ലയില്‍ വിതരണം ആരംഭിച്ചു. സ്ത്രീകളുടേയും കുട്ടികളുടേയും പോഷക കുറവ് പരിഹരിക്കുന്നതിനായി രൂപം കൊണ്ട സമ്പുഷ്ടകേരളം പദ്ധതിയുടെ ഭാഗമായാണ് തേനമൃത് ന്യൂട്രിബാര്‍ നിര്‍മ്മിച്ചു നല്‍കുന്നത്.

ആറു സ്പെഷല്‍ ട്രെയിനുകളിലായി ഇതര സംസ്ഥാനങ്ങളില്‍നിന്ന് പത്തനംതിട്ട ജില്ലക്കാരായ 77 പേര്‍ കൂടി വെള്ളി (ജൂണ്‍ 12), ശനി (ജൂണ്‍ 13 ), ഞായര്‍ (ജൂണ്‍ 14) ദിവസങ്ങളിലായി എത്തി. ഇവരില്‍ ഏഴു പേരെ വിവിധ കോവിഡ് കെയര്‍ സെന്ററുകളിലും 70 പേരെ വീടുകളിലും നിരീക്ഷണത്തില്‍ പ്രവേശിപ്പിച്ചു.                 (പിഎന്‍പി 2583/20)

 പരാതി പരിഹാരത്തിന് നവീന മാതൃക. ജില്ലാ കളക്ടറുടെ  മഞ്ചേശ്വരം താലൂക്ക്തല ഓണ്‍ലൈന്‍ അദാലത്ത് ശ്രദ്ധേയമായി. ലോക് ഡൗണിനെ തുടര്‍ന്ന് സര്‍ക്കാര്‍ ഓഫീസുകളില്‍ പൊതുജനങ്ങള്‍ക്ക് എത്തിച്ചേരാന്‍ ബുദ്ധിമുട്ട് അനുഭവപ്പെടുന്ന സാഹചര്യത്തില്‍ ജില്ലാകളക്ടര്‍ ഡോ. ഡി.സജിത് ബാബുവിന്റെ നേതൃത്വത്തില്‍ ഓണ്‍ലൈനായി സംഘടിപ്പിച്ച പരാതി പരിഹാര അദാലത്ത്  അപേക്ഷകര്‍ക്ക് ആശ്വാസമായി. മഞ്ചേശ്വരത്ത് ലഭിച്ച ആറ് ഓണ്‍ ലൈന്‍ പരാതികളില്‍ അഞ്ചിനും കളക്ടര്‍ തത് സമയം പരിഹാര നിര്‍ദ്ദേശം നല്‍കി.

തിരുവനന്തപുരം, കരിപ്പൂര്‍, കൊച്ചി അന്താരാഷ്ട്ര വിമാനതാവളങ്ങളിലായി വെള്ളി (ജൂണ്‍ 12) ,ശനി (ജൂണ്‍ 13 ) ദിവസങ്ങളിലായി 20 വിമാനങ്ങളില്‍ പത്തനംതിട്ട ജില്ലക്കാരായ 221 പ്രവാസികള്‍കൂടി എത്തി. ഇവരില്‍ 43 പേര്‍ കോവിഡ് കെയര്‍ സെന്ററുകളിലും 178  പേര്‍ വീടുകളിലും നിരീക്ഷണത്തില്‍ പ്രവേശിച്ചു.                          (പിഎന്‍പി 2587/20)