ആരോഗ്യ വകുപ്പിന്റെ കീഴിലുള്ള കെ.എച്ച്.ആർ.ഡബ്ലു.എസിന്റെ വിവിധ യൂണിറ്റുകളിൽ താത്കാലിക നിയമനം നടത്തുന്നു. കോഴിക്കോട് റീജിയണിൽ പ്ലംബർ, കോഴിക്കോട്, തിരുവനന്തപുരം റീജിയണുകളിൽ ഡി.ടി.പി ഓപ്പറേറ്റർ, വാച്ച്മാൻ, റേഡിയോളജിസ്റ്റ്, എ.സി.ആർ ലാബ് ഡയറക്ടർ തസ്തികകളിലാണ് നിയമനം. 

കേരള കർഷകത്തൊഴിലാളി ക്ഷേമനിധി ബോർഡ് തിരുവനന്തപുരം ഡിവിഷൻ ഓഫീസിൽ 2011 ഡിസംബർ വരെ വിവാഹ ആനുകൂല്യത്തിന് അപേക്ഷ നൽകിയ അംഗങ്ങൾക്ക് ചെക്ക് വിതരണം ചെയ്യുന്നു. ആധാർ കാർഡ്, ഇലക്ഷൻ ഐ.ഡി കാർഡ്, ബാങ്ക് പാസ്സ് ബുക്ക്, റേഷൻ കാർഡ്, ക്ഷേമനിധി പാസ്സ് ബുക്ക്  എന്നിവയുടെ അസലും കോപ്പിയും, മേൽവിലാസം, പേര് വ്യത്യാസം ഉണ്ടെങ്കിൽ വില്ലേജ് ഓഫീസറുടെ സർട്ടിഫിക്കറ്റും സഹിതം  എം.ആർ.എ.19, ദീപ, മഞ്ചാടിവിള ലൈൻ, വൈലോപ്പള്ളി സംസ്‌കൃതി ഭവനു സമീപം എന്ന വിലാസത്തിൽ നേരിട്ടെത്തി ചെക്ക് കൈപ്പറ്റണമെന്ന് വെൽഫെയർഫണ്ട് ഓഫീസർ അറിയിച്ചു. ഫോൺ: 0471-2729175.
പി.എൻ.എക്സ്.1830/19

വഖ്ഫ് വസ്തുക്കളുടെ സർവെ ഡിസംബറിൽ പൂർത്തിയാക്കാൻ കർമ്മ പരിപാടി ആവിഷ്‌കരിച്ചതായി സർവെ കമ്മീഷണർ അറിയിച്ചു. സംസ്ഥാനത്തെ വഖ്ഫ് കമ്മിറ്റി ഭാരവാഹികൾ കൈവശമുള്ള ഭൂമിയുടെ ഉടമസ്ഥാവകാശം, കൈവശാവകാശം തെളിയിക്കുന്നതിനുള്ള രേഖകൾ, കരം അടച്ച രസീത് എന്നിവയുടെ പകർപ്പ് തുടർ നടപടിക്കായി ജില്ലാ കളക്ടറേറ്റിലെ സർവെ സൂപ്രണ്ട് ഓഫീസിൽ നൽകണം. ഇതിനകം സംസ്ഥാനത്തെ 1500 ഏക്കറിലധികം വഖ്ഫ് ഭൂമി അളന്നു തിരിച്ച് ഭൂരേഖകൾ തയ്യാറാക്കിയിട്ടുണ്ട്. രേഖകൾ ഹാജരാക്കുന്നതിന് വഖ്ഫ് ഭാരവാഹികൾക്ക് നോട്ടീസും നൽകിയിട്ടുണ്ട്. 
പി.എൻ.എക്സ്.1829/19

പൊതുമരാമത്ത് വകുപ്പിലെ വിവിധ വിഭാഗങ്ങളിലെ മൂവായിരത്തിലധികം ഓവർസിയർമാർ പങ്കെടുക്കുന്ന ഒന്നാം ഓവർസിയേഴ്‌സ് കോൺഗ്രസ് ഇന്ന് (ജൂൺ 16)  രാവിലെ 10ന് നിശാഗന്ധി ഓഡിറ്റോറിയത്തിൽ പൊതുമരാമത്ത് രജിസ്‌ട്രേഷൻ മന്ത്രി ജി. സുധാകരൻ ഉദ്ഘാടനം ചെയ്യും.
പി.എൻ.എക്സ്.1828/19

എസ്.എസ്.എൽ.സി, പ്ലസ്ടു കഴിഞ്ഞ വിദ്യാർത്ഥികൾക്കും രക്ഷകർത്താക്കൾക്കുമായി ഉന്നത വിദ്യാഭ്യാസ അവസരങ്ങൾ പരിചയപ്പെടുത്തുന്നതിന് തിരുവനന്തപുരം ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തിൽ കരിയർ സെമിനാർ സംഘടിപ്പിക്കുന്നു. ഈ മാസം നടക്കുന്ന സെമിനാറിൽ പങ്കെടുക്കുവാൻ താത്പര്യമുള്ളവർ തിരുവനന്തപുരം ജില്ലാ എംപ്ലോയ്‌മെന്റ് ഓഫീസിലെ വൊക്കേഷണൽ ഗൈഡൻസ് യൂണിറ്റുമായി ബന്ധപ്പെടണം.
പി.എൻ.എക്സ്.1827/19

കേരള സ്റ്റേറ്റ് പ്രോഗ്രാം ഓഫീസർ, ജില്ലാ പ്രോജക്ട് കോ-ഓർഡിനേറ്റർ, ജില്ലാ പ്രോഗ്രാം ഓഫീസർ എന്നീ തസ്തികകളിൽ സമഗ്രശിക്ഷയിൽ ഡെപ്യൂട്ടേഷൻ നിയമനത്തിന് 21, 22 തിയതികളിൽ രാവിലെ 9ന് തിരുവനന്തപുരം നന്ദാവനത്തെ സമഗ്രശിക്ഷാ കേരളയുടെ സ്റ്റേറ്റ് പ്രോജക്ട് ഓഫീസിൽ ഇന്റർവ്യൂ നടത്തും. അപേക്ഷ സമർപ്പിച്ചിട്ടുള്ളവർ ബന്ധപ്പെട്ട രേഖകൾ സഹിതം ഇന്റർവ്യൂവിന് ഹാജരാകണം. ഇന്റർവ്യൂവിന്റെ വിശദവിവരങ്ങൾ www.ssakerala.in ൽ ലഭ്യമാണ്.
പി.എൻ.എക്സ്.1826/19

എസ്.എ.റ്റി ആശുപത്രിയിലെ ആർ.എസ്.ബി.വൈ, കെ.എ.എസ്.പി, ആർ.ബി.എസ്.കെ, ആരോഗ്യകിരണം, ജെ.എസ്.എസ്.കെ, താലോലം, കാരുണ്യബനവലന്റ് ഫണ്ട് പദ്ധതികളിൽ റേറ്റ്‌കോൺട്രാക്റ്റ് ക്ഷണിച്ചു. സൂപ്രണ്ട്, എസ്.എ.റ്റി ആശുപത്രി, തിരുവനന്തപുരം എന്ന വിലാസത്തിൽ 17നകം ലഭിക്കണം.
പി.എൻ.എക്സ്.1825/19

    സംസ്ഥാന ക്ലിനിക്കല്‍ എസ്റ്റാബ്ലിഷ്‌മെന്റ്  നിയമവുമായി ബന്ധപ്പെട്ട് ക്ലിനിക്കല്‍ സ്ഥാപനങ്ങളുടെ താത്കാലിക രജിസ്‌ട്രേഷന്‍ ആരംഭിച്ചതായി ജില്ലാ മെഡിക്കല്‍ ഓഫിസര്‍ അറിയിച്ചു. ക്ലിനിക്കല്‍ എസ്റ്റാബ്ലിഷ്‌മെന്റ് നിയമത്തിന്റെ പരിധിയില്‍ വരുന്ന മെഡിക്കല്‍ കോളജുകള്‍, ആശുപത്രികള്‍, ക്ലിനിക്കുകള്‍, ലാബുകള്‍, സ്‌കാനിങ് സെന്ററുകള്‍ എന്നിവയുടെ മേധാവികള്‍ www.clinicalestablishments.kerala.gov.in എന്ന വെബ്‌സൈറ്റ് വഴി രജിസ്‌ട്രേഷന്‍ നടത്തണമെന്നും അറിയിപ്പില്‍ പറയുന്നു.  കൂടുതല്‍ വിവരങ്ങള്‍ക്ക് 0471 2471291.
(പി.ആര്‍.പി. 650/2019)