കേരള കര്‍ഷകതൊഴിലാളി നിയമം 1974 ലെ വകുപ്പ് (9) പ്രകാരം ഭൂവുടമകളില്‍ നിന്ന് റവന്യൂ വകുപ്പ് പിരിച്ചെടുത്തിരുന്ന കേരള കര്‍ഷകതൊഴിലാളി ക്ഷേമനിധി ബോര്‍ഡിലേക്കുളള ഭൂവുടമാ വിഹിതം ജൂണ്‍ 16 മുതല്‍ തൃശ്ശൂര്‍ ജില്ലാ ട്രഷറിയിലെ സ്പെഷ്യല്‍ ടി.എസ്.ബി അക്കൗണ്ട് നമ്പര്‍ 799011400005373 ല്‍ മാത്രമായിരിക്കും സ്വീകരിക്കുകയെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു.

ബേപ്പൂര്‍ വില്ലേജ് റീസര്‍വ്വേ നമ്പര്‍ 77 ല്‍ ഉള്‍പ്പെട്ട 5.36 സെന്റ് ഭൂമിയും കൂഴിക്കൂറും 2020 ആഗസ്റ്റ് അഞ്ചിന് രാവിലെ 11.30ന് ബേപ്പൂര്‍  വില്ലേജ് ഓഫീസില്‍ ലേലം ചെയ്യുമെന്ന് കോഴിക്കോട് തഹസില്‍ദാര്‍ അറിയിച്ചു.

നാഷണല്‍ എംപ്ലോയ്മെന്റ് സര്‍വ്വീസ് വകുപ്പിന് കീഴിലെ  കരിയര്‍ ഡവലപ്പ്മെന്റ് സെന്ററുകള്‍ വീഡിയോ കോണഫറന്‍സിഗ് വഴി കരിയര്‍ സേവനങ്ങള്‍ ലഭ്യമാക്കുന്നു. വിദ്യാര്‍ത്ഥികളുടെ വിദ്യാഭ്യാസ യോഗ്യതയനുസരിച്ച് വിവിധ ഗ്രൂപ്പുകളായി തരം തിരിച്ചാണ് പരിപാടിയില്‍ പങ്കെടുപ്പിക്കുക. കരിയര്‍ സംബന്ധമായ സംശയങ്ങള്‍ ദൂരീകരിക്കാനും ഉചിതമായ തീരുമാനം കൈക്കൊള്ളാനും ഉപകരിക്കുന്ന നിലയിലാണ് പദ്ധതി ആസൂത്രണം ചെയ്തിരിക്കുന്നത്.  

    വെള്ളപ്പൊക്കം നേരിടാനുള്ള പ്രതിരോധ പ്രവര്‍ത്തനങ്ങളുടെ അനുകരണ അഭ്യാസം (മോക് ഡ്രില്‍ ) ജൂണ്‍ 16 ന് ഉച്ചയ്ക്ക് 12 മണിക്ക് നടക്കും. ചിറയിന്‍കീഴ് താലൂക്കിലെ വാമനപുരം നദീതീരത്തെ കൊട്ടിയോടാണ് ജില്ലാ ദുരന്തനിവാരണ അതോറിറ്റിയുടെ  ആഭിമുഖ്യത്തില്‍ മോക്ഡ്രില്‍ നടത്തുന്നത്.  പ്രദേശത്തെ 70 ഓളം കുടുംബങ്ങളെ മാറ്റിപാര്‍പ്പിക്കുന്ന രീതിയിലാണ് ഇത് സംഘടിപ്പിക്കുന്നത്. കോവിഡിന്റെ പശ്ചാത്തലത്തില്‍ പൊതുജനങ്ങള്‍  കാണാനെത്തുന്നത് ഒഴിവാക്കണമെന്ന് ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ഡെപ്യൂട്ടി കളക്ടര്‍ അനു എസ്.നായര്‍ അറിയിച്ചു.

ചോറോട് കൈനാട്ടിയിലെ 26 ാം നമ്പര്‍ റേഷന്‍ കട കൈനാട്ടിയില്‍ തന്നെ പുതിയ കെട്ടിടത്തില്‍ നവീകരിച്ച മുറിയിലേക്ക് പുനഃസ്ഥാപിച്ചതായി വടകര താലൂക്ക് സപ്ലൈ ഓഫീസര്‍ അറിയിച്ചു.

കോഴിക്കോട് സൈനിക ഓഫീസ് സമുച്ചയത്തിലെ കായ്ഫലമുളള തെങ്ങുകളില്‍ നിന്നും 2020 ജൂലൈ ഒന്ന് മുതല്‍ 2021 ജൂണ്‍ 30 വരെയുളള കാലയളവില്‍ ആദായം മൊത്തം കണക്കാക്കി എടുക്കാന്‍ താല്‍പര്യമുളളവരില്‍ നിന്ന്  അപേക്ഷ ക്ഷണിച്ചു. അപേക്ഷ ലഭിക്കേണ്ട അവസാന തീയതി ജൂണ്‍ 25 വൈകീട്ട് അഞ്ച് മണി വരെ. മറ്റ് വിവരങ്ങള്‍ക്കും നിബന്ധനകള്‍ക്കും ജില്ലാ സൈനിക ക്ഷേമ ഓഫീസുമായി നേരിട്ട് ബന്ധപ്പെടണം.

മലപ്പുറം ജില്ല, നിലമ്പൂര്‍ താലൂക്കിലെ പുന്നപ്പാല ശിവ  ക്ഷേത്രത്തിലേക്ക് പാരമ്പര്യേതര ട്രസ്റ്റികളായി നിയമിക്കപ്പെടുന്നതിന് ഹിന്ദുമതധര്‍മ്മ സ്ഥാപന നിയനപ്രകാരം അര്‍ഹരായ തദ്ദേശവാസികളില്‍ നിന്നു അപേക്ഷ ക്ഷണിച്ചു. അപേക്ഷകള്‍ ജൂലൈ ആറിന് വൈകീട്ട് അഞ്ച് മണിക്കകം കോഴിക്കോട് സിവില്‍ സ്റ്റേഷനിലെ മലബാര്‍ ദേവസ്വം ബോര്‍ഡ് അസിസ്റ്റന്റ് കമ്മീഷണറുടെ ഓഫീസില്‍ ലഭിക്കണം. അപേക്ഷാ ഫോറത്തിനും മറ്റ് വിവരങ്ങള്‍ക്കും  മേപ്പടി ഓഫീസിലോ, വകുപ്പിന്റെ മഞ്ചേരി ഡിവിഷന്‍ ഇന്‍സ്പെക്ടറുടെ ഓഫീസിലോ ബന്ധപ്പെടണം.

കോഴിക്കോട് ഗവ. എഞ്ചിനീയറിങ്ങ് കോളേജില്‍ എ ഇ ആന്റ് ഐ എഞ്ചിനീയറിംഗ് ഡിപ്പാര്‍ട്ട്മെന്റിലെ യന്ത്ര റോബോട്ടിക്ക്  ലാബിലേക്കാവശ്യമായ ഉപകരണങ്ങള്‍ വാങ്ങുന്നതിന് വേണ്ടി ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ജൂലൈ മൂന്ന്, ഉച്ച രണ്ട് മണി വരെ. ഫോണ്‍: 0495 2383220, 2383210. വെബ്സൈറ്റ്: www.geckkd.ac.in.