കേരള സംസ്ഥാന പട്ടികജാതി പട്ടികവർഗ വികസന കോർപ്പറേഷൻ തിരുവനന്തപുരം ജില്ലാ ഓഫീസിൽ നിന്നും വായ്പ എടുത്ത ഗുണഭോക്താക്കൾക്ക് നിലവിലെ യാത്രാ അസൗകര്യം പരിഗണിച്ച് വായ്പയുടെ തിരിച്ചടവ്/ കുടിശ്ശിക തുക കോർപറേഷന്റെ  The District Manager, KSDC for SC/ST, A/c No. 67066616142, Branch: SBI, Vellayambalam, IFSC: SBIN0070308 എന്ന അക്കൗണ്ടിലേക്ക് അടയ്ക്കാം. പണം അടയ്ക്കുന്ന ഗുണഭോക്താക്കൾ 0471-2723155 എന്ന നമ്പറിൽ വിളിച്ച് പണം അടച്ച വിവരം യഥാസമയം അറിയിക്കുകയും വേണം.
പി.എൻ.എക്സ്. 2158/2020

സംസ്ഥാനത്ത് കോവിഡ് 19 സമൂഹ വ്യാപനം നടന്നിട്ടുണ്ടോയെന്ന് പരിശോധിക്കുന്നതിന്റെ ഭാഗമായി ജില്ലയില്‍ 950 പേരില്‍ ആന്റിബോഡി ടെസ്റ്റ് നടത്തിയതായി ആരോഗ്യവകുപ്പ് അധികൃതര്‍ അറിയിച്ചു. ജില്ലാ സര്‍വെയ്ലന്‍സ് ഓഫീസറും ഡെപ്യൂട്ടി ഡി.എം.ഒ.യുമായ ഡോ. കെ എ നാസറാണ് പരിശോധനയ്ക്ക് നേതൃത്വം നല്‍കിയത്. സമ്പര്‍ക്ക സാധ്യതയുടെ അടിസ്ഥാനത്തില്‍ അഞ്ച് ഗ്രൂപ്പുകളായി തിരിച്ച് 950 പേരുടെ രക്തസാമ്പിള്‍ ശേഖരിച്ചാണ് ആന്റിബോഡി ടെസ്റ്റ് നടത്തിയത്. ജൂണ്‍ 13 ന് ആരംഭിച്ച് മൂന്നു ദിവസങ്ങളിലായാണ് പരിശോധന നടന്നത്.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികള്‍ക്ക് കോവിഡ് സൗജന്യ ധനസഹായം സുഗമമായി ലഭിക്കുന്നതിന് ഓണ്‍ലൈന്‍     പോര്‍ട്ടല്‍ ആരംഭിച്ചു. ഇതുവരെ ധനസഹായത്തിന് അപേക്ഷിക്കാത്ത തൊഴിലാളികള്‍ക്ക് www.kmtwwfb.org എന്ന വെബ്‌സൈറ്റിലൂടെയോ motorworker.kmtwwfb.kerala.gov.in എന്ന പോര്‍ട്ടലിലൂടെയോ ജൂണ്‍ 30 വരെ അപേക്ഷ നല്‍കാം.                                   (പിഎന്‍പി 2603/20)

2020 മെയ് 18 മുതല്‍ ഭാഗ്യക്കുറി ക്ഷേമനിധി അംഗത്വം പുതുക്കിയ അംഗങ്ങള്‍ക്ക് ഭാഗ്യകൂപ്പണ്‍, മാസ്‌ക്, സാനിറ്റൈസര്‍ എന്നിവ ജില്ലാ ഭാഗ്യക്കുറി ക്ഷേമനിധി ഓഫീസില്‍ വിതരണം ചെയ്യും. അംഗത്വം പുനസ്ഥാപിച്ച അംഗങ്ങള്‍ ഈ മാസം 30ന് മുമ്പ് അംഗത്വ പാസ്ബുക്കുമായി ഓഫീസിലെത്തി ഇവ കൈപ്പറ്റണം. അംശദായ അടവില്‍ കുടിശിക വരുത്തിയതുമൂലം അംഗത്വം നഷ്ടമായവര്‍ക്ക് ജൂണ്‍ 30 വരെ അംഗത്വം പുനസ്ഥാപിക്കാന്‍ അവസരമുണ്ട്. ഫോണ്‍: 0468 2222709.                   (പിഎന്‍പി 2602/20)

പട്ടി കജാതി വികസന വകുപ്പ് പന്തളം ഐടിഐയിലെ ഐഎംസി ഭാഗമായി എംഎംവി ആന്‍ഡ് ഇലക്ട്രീഷ്യന്‍ ട്രേഡില്‍ ആവശ്യമായ ടൂള്‍സ് ലഭ്യമാക്കുന്നതിന് ഈ മാസം 29 വരെ ടെന്‍ഡര്‍ നല്‍കാം. അന്നേദിവസം ഉച്ചയ്ക്ക് 12 വരെ ടെന്‍ഡര്‍ ഫോറം വാങ്ങാം.                           (പിഎന്‍പി 2601/20)

തിരുവനന്തപുരം ജില്ലാ വിദ്യാഭ്യാസ ഓഫീസിന്റെ പരിധിയിലുള്ള ഗവൺമെന്റ് മണക്കാട് ഗേൾസ് എച്ച്.എസ്.എസ്, ഗവൺമെന്റ് എസ്.എം.വി.ബോയ്‌സ് എച്ച്.എസ്.എസ്, ഗവൺമെന്റ് തൈക്കാട് മോഡൽ ബോയ്‌സ് എച്ച്.എസ്.എസ്. എന്നീ പരീക്ഷാ സെന്ററുകളിൽ ഫെബ്രുവരി 2020 കെ-ടെറ്റ് പരീക്ഷ എഴുതി വിജയിച്ചവർ വഴുതക്കാട് കോട്ടൺഹിൽ ഗവൺമെന്റ് ഗേൾസ് ഹയർസെക്കന്ററി സ്‌ക്കൂളിൽ നടക്കുന്ന സർട്ടിഫിക്കറ്റ് പരിശോധനയ്ക്ക് ഹാജരാകണം. സർട്ടിഫിക്കറ്റ് പരിശോധന ഈ മാസം 17 മുതൽ അടുത്ത മാസം 17 വരെ നിശ്ചിത തീയതികളിലായി നടക്കും. രജിസ്റ്റർ നമ്പർ 521389 മുതൽ 809273 വരെയുളളവരുടെ സർട്ടിഫിക്കറ്റ് പരിശോധനയാണ് നടക്കുന്നത്.

സംസ്ഥാന ബാംബൂ കോർപറേഷൻ ഈറ്റയിലും മുളയിലും നിർമിച്ച ഓഫീസ് സ്‌റ്റേഷനറി ഉത്പന്നങ്ങളുടെ വിതരണോദ്ഘാടനം വ്യവസായ മന്ത്രി ഇ. പി. ജയരാജൻ നിർവഹിച്ചു. ഹരിതകേരളം മിഷൻ ഉപാധ്യക്ഷ ഡോ. ടി. എൻ. സീമ ഉത്പന്നങ്ങൾ ഏറ്റുവാങ്ങി.

* മന്ത്രി ജി.സുധാകരൻ ഫ്ളാഗ് ഓഫ് ചെയ്തു
കിഫ്ബി  സാമ്പത്തിക സഹായത്തോടെ പൊതുമരാമത്ത് വകുപ്പ് നടപ്പിലാക്കി വരുന്ന വിവിധ ജോലികളുടെ ഗുണപരിശോധനയ്ക്കും ടെസ്റ്റിംഗിനുമായി  വിവിധ ജില്ലകളിലെ ക്വാളിറ്റി കൺട്രോൾ ലാബുകളിലേക്ക് അനുവദിച്ച വാഹനങ്ങൾ പൊതുമരാമത്ത് വകുപ്പ് മന്ത്രി ജി. സുധാകരൻ ഫ്ളാഗ് ഓഫ് ചെയ്തു. പബ്ലിക് ഓഫീസ് അങ്കണത്തിൽ നടന്ന ചടങ്ങിൽ ക്വാളിറ്റി കൺട്രോൾ വിഭാഗം ചീഫ് എഞ്ചിനീയർ മധുമതിക്ക് താക്കോൽ നൽകി മന്ത്രി വിതരണോദ്ഘാടനം നിർവഹിച്ചു. പത്ത് ജില്ലകൾക്കാണ് വാഹനങ്ങൾ വിതരണം ചെയ്തത്.