മലയാള ഭാഷയുമായി ബന്ധപ്പെട്ട് ജില്ലാതല ഏകോപന സമിതി യോഗം ഡിസംബര്‍ 29ന് ഉച്ചക്ക് 12ന് കലക്‌ട്രേറ്റ് സമ്മേളന ഹാളില്‍ ചേരും.

വനിതാ ശിശു വികസന വകുപ്പ് - ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റ്  നാഷ്ണല്‍ ഇന്‍സ്റ്റിറ്റ്യൂട്ട് ഓഫ്  സ്പീച്ച് ആന്റ് ഹിയറിങ്ങുമായി സഹകരിച്ച്  ''സ്‌ട്രോക്കും പുനരധിവാസവും'' വിഷയത്തെ അധികരിച്ച് രക്ഷിതാക്കള്‍ക്കും സാമൂഹ്യ പ്രവര്‍ത്തകര്‍ക്കും സ്‌പെഷ്യല്‍ എഡ്യൂകേറ്റര്‍മാര്‍ക്കുമായി സൗജന്യ ഓണ്‍ലൈന്‍ ബോധവല്‍ക്കരണ സെമിനാര്‍ സംഘടിപ്പിക്കുന്നു. എസ്.എ.ടി ആശുപത്രീ ന്യൂറോളജി വിഭാഗത്തിലെ ഡോ: ബിന്ദു തങ്കപ്പന്‍ സെമിനാറിന് നേതൃത്വം നല്‍കും. ജില്ലയില്‍ സെമിനാറില്‍ പങ്കെടുക്കുന്നതിനായി  സജ്ജീകരണങ്ങള്‍ മഞ്ചേരി മിനി സിവില്‍ സ്റ്റേഷനിലെ ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റില്‍ ഒരുക്കിയിട്ടുണ്ട്.

പൊന്നാനി കോസ്റ്റല്‍ പൊലീസ് സ്റ്റേഷനിലെ രക്ഷാ പ്രവര്‍ത്തന ബോട്ടിലേക്ക് കരാര്‍ അടിസ്ഥാനത്തില്‍ 89 ദിവസത്തേക്ക് താല്‍കാലിക നിയമനത്തിന് വിവിധ തസ്തികകളിലേക്ക് അപേക്ഷ ക്ഷണിച്ചു.  
സ്രാങ്ക് (രണ്ട് എണ്ണം): യോഗ്യത: കേരള മൈനര്‍ പോര്‍ട്ടിസ് നല്‍കിയിട്ടുള്ള മാസ്റ്റര്‍ ക്രാഫ്റ്റ് റൂള്‍സ് / എം.എം.ഡി സര്‍ട്ടിഫിക്കറ്റ്, കടലില്‍ അഞ്ച് വര്‍ഷം ബോട്ട് ഓടിച്ച പരിചയം. പ്രായം 2018 ജനുവരി ഒന്നിന് 50 വയസ്സില്‍ കവിയാന്‍ പാടില്ല.

ളാലം ശ്രീമഹാദേവക്ഷേത്രം പാലായിലെ ഉത്സവത്തോടനുബന്ധിച്ച് ഡിസംബര്‍ 24 മുതല്‍ 2018 ജനുവരി രണ്ടു വരെയുളള ദിവസങ്ങളില്‍ ക്ഷേത്രത്തിന്റെ മൂന്ന് കിലോമീറ്റര്‍ ചുറ്റളവിലുളള പ്രദേശം ഉത്സവമേഖലയായി പ്രഖ്യാപിച്ചു. 

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അടക്കുവാനുള്ള ഉടമാ വിഹിതം സൗത്ത് ഇന്ത്യന്‍ ബാങ്കിന്റെ കേരളത്തിലെ എല്ലാ ശാഖകള്‍ വഴിയും സ്വീകരിക്കുമെന്ന് ജില്ലാ എക്‌സി.ഓഫീസര്‍ അറിയിച്ചു.
പി എന്‍ സി/4732/2017