കോവിഡ് 19 രോഗ പ്രതിരോധത്തിന്റെ ഭാഗമായി നിരീക്ഷണത്തില്‍ കഴിയുകയായിരുന്ന 515 പേര്‍ തിങ്കളാഴ്ച നിരീക്ഷണ കാലം പൂര്‍ത്തിയാക്കി. പുതുതായി നിരീക്ഷണത്തിലായ 249 പേര്‍ ഉള്‍പ്പെടെ നിലവില്‍ 3419 പേരാണ് ജില്ലയില്‍ നിരീക്ഷണത്തിലുള്ളത്.  34 പേര്‍ ജില്ലാ ആശുപത്രിയിലാണ് നിരീക്ഷണത്തിലുളളത്. ജില്ലയില്‍ നിന്നും ഇതുവരെ  പരിശോധനയ്ക്ക് അയച്ച 2545 ആളുകളുടെ സാമ്പിളുകളില്‍ 2114 എണ്ണത്തിന്റെ ഫലം ലഭിച്ചു. 426 സാമ്പിളുകളുടെ ഫലം ലഭിക്കാനുണ്ട്.

        കോവിഡ് 19 രോഗ പ്രതിരോധത്തിന്റെ ഭാഗമായി നിരീക്ഷണത്തില്‍ കഴിയുകയായിരുന്ന 515 പേര്‍ തിങ്കളാഴ്ച നിരീക്ഷണ കാലം പൂര്‍ത്തിയാക്കി. പുതുതായി നിരീക്ഷണത്തിലായ 249 പേര്‍ ഉള്‍പ്പെടെ നിലവില്‍ 3419 പേരാണ് ജില്ലയില്‍ നിരീക്ഷണത്തിലുള്ളത്.  34 പേര്‍ ജില്ലാ ആശുപത്രിയിലാണ് നിരീക്ഷണത്തിലുളളത്. ജില്ലയില്‍ നിന്നും ഇതുവരെ  പരിശോധനയ്ക്ക് അയച്ച 2545 ആളുകളുടെ സാമ്പിളുകളില്‍ 2114 എണ്ണത്തിന്റെ ഫലം ലഭിച്ചു. 426 സാമ്പിളുകളുടെ ഫലം ലഭിക്കാനുണ്ട്.

       കോവിഡിന്റെ സമൂഹ വ്യാപനം തടയുന്നതിലും നിരീക്ഷണ സംവിധാന മൊരുക്കുന്നതിലും  കാര്യക്ഷമമായ പ്രവര്‍ത്തനങ്ങളാണ് ജില്ലയില്‍ നടക്കുന്നതെന്ന് ഗതാഗത വകുപ്പ് മന്ത്രി എ.കെ ശശീന്ദ്രന്‍ പറഞ്ഞു. ഭൂരിഭാഗം മേഖലകളിലും നിയന്ത്രണങ്ങള്‍ ഒഴിവാക്കിയ സാഹചര്യത്തില്‍ ആരും ഇളവുകള്‍ ദുരുപയോഗം ചെയ്യരുത്. ജാഗ്രത തുടരണമെന്നും അദ്ദേഹം പറഞ്ഞു. ജില്ലയില്‍ കോവിഡ് പ്രതിരോധ പ്രവര്‍ത്തനങ്ങള്‍ വിലയിരുത്തുന്നതിന്റെ ഭാഗമായി കളക്‌ട്രേറ്റില്‍ ചേര്‍ന്ന  യോഗത്തില്‍ അധ്യക്ഷത വഹിക്കുകയായിരുന്നു അദ്ദേഹം.  

സപ്ലൈകോ വില്പനശാലകൾ വഴി നൽകുന്ന അതിജീവന കിറ്റ് വിതരണം ജൂൺ 20 വരെ സർക്കാർ ദീർഘിപ്പിച്ചതായി സപ്ലൈകോ സി എംഡി പി.എം.അലി അസ്ഗർ പാഷ അറിയിച്ചു.

     ജില്ലയില്‍ ഓരാള്‍ക്ക് കൂടി കോവിഡ് സ്ഥിരീകരിച്ചു. കുവൈത്തില്‍ നിന്ന് ജൂണ്‍ 10 ന് ജില്ലയിലെത്തി വീട്ടിലും 12 മുതല്‍ ജില്ലാ ആശുപത്രിയിലും നിരീക്ഷണത്തിലായിരുന്ന തൊണ്ടര്‍നാട് സ്വദേശിയായ 40 കാരനാണ്  രോഗം സ്ഥിരീകരിച്ചത്.
       നിലവില്‍ രോഗം സ്ഥിരീകരിച്ച് 21 പേര്‍ മാനന്തവാടി ജില്ലാ ആശുപത്രിയിലും ഒരാള്‍ ബീച്ച് ആശുപത്രിയിലുമാണ് ചികിത്സയില്‍ കഴിയുന്നത്.

     കോവിഡ് 19 വ്യാപനം തടയുന്നതിന്റെ ഭാഗമായി ജില്ലയില്‍ വാണിജ്യ, വാണിജ്യേതര സ്ഥാപനങ്ങള്‍ പാലിക്കേണ്ട ആരോഗ്യ മാര്‍ഗ്ഗ നിര്‍ദേശങ്ങള്‍ പുറപ്പെടുവിച്ചു. സ്ഥാപനങ്ങള്‍ തുറന്ന് പ്രവര്‍ത്തിക്കുന്ന സാഹചര്യത്തില്‍ രോഗ വ്യാപനം തടയുന്നതിന്റെ ഭാഗമായാണ് നിര്‍ദേശങ്ങള്‍ നല്‍കിയത്.

കോഴിക്കോട് ജില്ലയില്‍ ഇന്ന് (14.06.2020) പുതുതായി 627 പേർ കൂടി നിരീക്ഷണത്തിൽ വന്നതായി ജില്ലാ മെഡിക്കൽ ഓഫീസർ ഡോ. ജയശ്രീ വി അറിയിച്ചു. ഇപ്പോൾ ആകെ 11,342പേര്‍ നിരീക്ഷണത്തിലുണ്ട്.  ഇതുവരെ 37,486 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി  20 പേര്‍  മെഡിക്കല്‍ കോളേജ് ആശുപത്രിയിലും 7 പേർ ഫസ്റ്റ് ലൈൻ ട്രീറ്റ്മെന്റ് സെന്ററായ ലക്ഷദ്വീപ് ഗസ്റ്റ് ഹൗസിലും നിരീക്ഷണത്തിൽ വന്നു. ഇതോടെ മെഡിക്കൽ കോളേജിൽ  90 പേരും ലക്ഷദ്വീപ് ഗസ്റ്റ് ഹൗസിൽ  75 പേരും ഉൾപ്പെടെ 165 പേർ ആശുപത്രിയിൽ നീരീക്ഷണത്തിൽ ഉണ്ട്. 25 പേർ ആശുപത്രികളിൽ നിന്നും ഡിസ്ചാർജ് ആയി.

കോഴിക്കോട് ജില്ലയില്‍ ഇന്ന് (14.06.20) എട്ടു പേര്‍ക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. ഇവരില്‍ അഞ്ച് പേര്‍ വിദേശത്ത് നിന്നും (യു.എ.ഇ 2, സൗദി 2, കുവൈത്ത് 1) മൂന്ന് പേര്‍ ചെന്നൈയില്‍ നിന്നും വന്നവരാണ്. എറണാകുളത്ത് ചികിത്സയിലായിരുന്ന കോഴിക്കോട് സ്വദേശി ഇന്ന് രോഗമുക്തനായിട്ടുണ്ട്.

പോസിറ്റീവായവര്‍:

1. ഒഞ്ചിയം സ്വദേശി (44 വയസ്സ്)- ജൂണ്‍ ആറിന് സൗദിയില്‍ നിന്ന് കരിപ്പൂര്‍ വഴി നാട്ടിലെത്തി കൊറോണ പരിചരണ കേന്ദ്രത്തില്‍ നിരീക്ഷണത്തിലായിരുന്നു. ഇപ്പോള്‍ ഫസ്റ്റ്‌ലൈന്‍ ട്രീറ്റ്‌മെന്റ് സെന്ററില്‍ ചികിത്സയിലാണ്.

മഴക്കാലമുന്നൊരുക്കത്തിന്റെ ഭാഗമായി കോഴിക്കോട് ജില്ലയിലെ വെള്ളപ്പൊക്ക ദുരിതാശ്വാസ പ്രവര്‍ത്തനങ്ങളുടെ കാര്യക്ഷമത പരിശോധിക്കാനും വകുപ്പുകളുടെ ഏകോപനം സംബന്ധിച്ച തയ്യാറെടുപ്പുകള്‍ വിലയിരുത്തുന്നതിനുമായി മോക്ക് ഡ്രില്‍ സംഘടിപ്പിക്കും. ഇന്ന് (ജൂണ്‍ 16)  ഉച്ചയ്ക്ക് ശേഷം മൂന്നിക്ക് കോഴിക്കോട് താലൂക്കിലെ വേങ്ങേരി വില്ലേജിലാണ് മോക്ക് ഡ്രില്‍ നടക്കുക. റവന്യു, പൊലിസ്, ഫയര്‍ഫോഴ്‌സ്, കെ.എസ്.ഇ.ബി, പൊതുമരാമത്ത്, ആരോഗ്യം തുടങ്ങിയ വകുപ്പുകളുടെ ഏകോപനത്തിലാണ് മോക്ക് ഡ്രില്‍ സംഘടിപ്പിക്കുന്നത്.