കോവിഡ്-19 ന്റെ സാഹചര്യത്തില്‍ തൊടുപുഴ ബ്ലോക്ക് പഞ്ചായത്തില്‍ എത്തുന്നവരെ തെര്‍മ്മല്‍ സ്‌കാനിംഗിന് ശേഷമാണ് ഓഫീസില്‍ പ്രവേശിപ്പിക്കുന്നത്. ഓഫീസ് പ്രവര്‍ത്തനം സാധാരണ നിലയിലായതിനാല്‍ ജീവനക്കാരുടേയും പൊതുജനങ്ങളുടേയും ആരോഗ്യ സുരക്ഷ ഉറപ്പാക്കുന്നതിനുവേണ്ടണ്‍ിയാണ് നടപടി.  ഓഫീസില്‍ എത്തുന്നവര്‍ സാമൂഹ്യ അകലം പാലിക്കണമെന്നും മാസ്‌ക് ധരിക്കണമെന്നും കൈകള്‍ സോപ്പിട്ടുകഴുകിയതിനുശേഷം മാത്രം ഓഫീസില്‍ പ്രവേശിക്കണമെന്നും അധികൃതര്‍ അറിയിച്ചു.

കൊവിഡ് 19നെ തുടര്‍ന്ന് മാറ്റിവച്ച ദേവികുളം താലൂക്ക് അദാലത്തില്‍ വീഡിയോ കോണ്‍ഫറന്‍സിലൂടെ പരാതി പരിഹാരവുമായി ജില്ലാകളക്ടര്‍ എച്ച്.ദിനേശന്‍.  സഫലം 2020 പരാതിപരിഹാര അദാലത്തിന്റെ ഭാഗമായി ദേവികുളം താലൂക്ക് തല അദാലത്തില്‍ വീഡിയോ കോണ്‍ഫറന്‍സിലൂടെ പരാതികള്‍ കേട്ട് പരിഹാര നടപടികള്‍ക്ക് ഉത്തരവ് നല്‍കുകയായിരുന്നു ജില്ലാ കളക്ടര്‍. സഫലം 2020 ഭാഗമായി എല്ലാ താലുക്കുകളിലും അദാലത്ത് സംഘടിപ്പിച്ചിരുന്നു. സമ്പര്‍ക്ക വിലക്കിനെ തുടര്‍ന്ന് ദേവികുളം താലൂക്ക് അദാലത്ത് മാറ്റി വെയ്ക്കുകയായിരുന്നു. ലോക്ക്ഡൗണ്‍ ഇളവുകള്‍ ലഭിച്ചതോടെ വീഡിയോ കോണ്‍ഫറന്‍സിലൂടെ അദാലത്ത് നടത്തി പരാതികള്‍ക്ക് പരിഹാരം കാണുകയായിരുന്നു.  

ജില്ലാ ആസ്ഥാനത്തെ  ടൂറിസം വികസനത്തിന് പ്രയോജനപ്രദമായി ഡിറ്റിപിസി യുടെ ആഭിമുഖ്യത്തില്‍ ചെറുതോണി പാറേമാവില്‍ ഹോട്ടല്‍ മഹാറാണി എന്ന സ്ഥാപനം തിങ്കളാഴ്ച മുതല്‍ പ്രവര്‍ത്തനമാരംഭിക്കും. ജൂണ്‍ 15ന് രാവിലെ 9.30ന് വൈദ്യുതിവകുപ്പ് മന്ത്രി എം.എം.മണി സ്ഥാപനത്തിന്റെ ഉദ്ഘാടനം നിര്‍വ്വഹിക്കും.  വിശാലമായ പാര്‍ക്കിംഗ് സൗകര്യവും താമസ സൗകര്യവും വെജ്-നോണ്‍വെജ് റെസ്റ്റോറന്റുമാണ് സ്ഥാപനത്തിന്റെ പ്രത്യേകത. ടൂറിസം വകുപ്പ് നിര്‍മ്മിച്ച്  ഡിറ്റിപിസിക്ക് കൈമാറിയ വഴിയോര വിശ്രമ കേന്ദ്രം ഡിറ്റിപിസി എക്‌സിക്യൂട്ടിവ് കമ്മറ്റിയുടെ തീരുമാന പ്രകാരമാണ് ഹോട്ടലായി പ്രവര്‍ത്തിപ്പിക്കുന്നത്.

ജില്ലയിൽ നിന്നും ഇന്ന് ( ജൂൺ 13) 299 അതിഥി തൊഴിലാളികൾ കൂടി സ്വദേശത്തേക്ക് മടങ്ങി. കോഴിക്കോട് - ദിബ്രുഗാർ (ആസ്സാം)  ട്രെയിനിൽ വൈകീട്ട് മൂന്നിന് വെസ്റ്റ് ബംഗാളിലേക്ക് 267 പേർ, ആസ്സാമിലേക്ക് 32 പേർ ഉൾപ്പെടെ 299 അതിഥി തൊഴിലാളികളാണ്  പാലക്കാട് ജംഗ്ഷൻ റെയിൽവേ സ്റ്റേഷനിൽ നിന്നും നാട്ടിലേക്ക് തിരിച്ചത്. 

താലൂക്കടിസ്ഥാനത്തിലുള്ള കേന്ദ്രങ്ങളില്‍ എത്തിച്ച്  തൊഴിലാളികളുടെ  ശരീരതാപനില പരിശോധിച്ച് രോഗ ലക്ഷണങ്ങള്‍ ഇല്ലെന്ന് ഉറപ്പുവരുത്തി മെഡിക്കല്‍ സര്‍ട്ടിഫിക്കറ്റ്  നല്‍കിയാണ് ഇവരെ വിട്ടയച്ചത്. നാട്ടില്‍ തിരിച്ചെത്തുന്നത് വരെയുള്ള ഭക്ഷ്യകിറ്റും നൽകിയിട്ടുണ്ട്.

 ഇതര സംസ്ഥാനങ്ങളിൽ  നിന്ന് വാളയാർ ചെക്പോസ്റ്റ് വഴി ഇന്ന്   ( ജൂൺ 13 നു വൈകിട്ട് 6 വരെ) 1543 പേർ  കേരളത്തിൽ എത്തിയതായി സ്പെഷ്യൽ ബ്രാഞ്ച് ഡി.വൈ.എസ്.പി  എം. കൃഷ്ണൻ അറിയിച്ചു. 856 പുരുഷൻമാരും 421 സ്ത്രീകളും 266 കുട്ടികളുമുൾപ്പെടെയുള്ളവർ 476 വാഹനങ്ങളിലായാണ് കേരളത്തിലേക്ക് എത്തിയത്. 398 കാറുകൾ, 54 ഇരുചക്രവാഹനങ്ങൾ, 14 ട്രാവലറുകൾ, 4 മിനി ബസുകൾ, 4 ഓട്ടോറിക്ഷകൾ , രണ്ട് ആംബുലൻ സുകൾ   എന്നിവയാണ് അതിർത്തി കടന്ന് കേരളത്തിലെത്തിയത്.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് (ജൂൺ 13)  വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 5 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 8 പേരെ അറസ്റ്റ് ചെയ്തു.    കണ്ടേയ്‌ൻമെന്റ്  സോണുകളിൽ സമയ പരിധി കഴിഞ്ഞും കടകൾ പ്രവർത്തിച്ചതിനും നിരീക്ഷണ കാലാവധി പൂർത്തിയാകും മുൻപ് പുറത്തിറങ്ങിയതിനുമാണ് കേസ് രജിസ്റ്റർ ചെയ്തത്.

 മാസ്ക് ധരിക്കാത്ത 26 പേർക്കെതിരെ കേസ് 

 അബുദാബി,  ജിദ്ദ,  ദോഹ,  ഷാർജ, കുവൈറ്റ്,  മസ്കറ്റ് എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂർ, കണ്ണൂർ, തിരുവനന്തപുരം അന്താരാഷ്ട്ര വിമാനത്താവളങ്ങളിൽ  ഇന്നലെ (ജൂണ്‍ 12) ജില്ലയിലെത്തിയത് 26 പാലക്കാട് സ്വദേശികള്‍.  ഇവരിൽ 14 പേർ ഇന്‍സ്റ്റിറ്റ്യൂഷനല്‍ ക്വാറന്റൈനില്‍ പ്രവേശിച്ചു.  12 പേർ വീടുകളിൽ നിരീക്ഷണത്തിലാണ്.

 കുവൈറ്റിൽ   നിന്നും നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ എത്തിയ 11 പേരിൽ 7 പേർ ഇൻസ്റ്റിറ്റ്യൂഷനൽ  ക്വാറന്റൈനിൽ പ്രവേശിച്ചു. 4  പേർ വീടുകളിൽ നിരീക്ഷണത്തിലാണ്.

ജില്ലയിൽ കോവിഡ് 19 ബാധിച്ച് ചികിത്സയിൽ ഉണ്ടായിരുന്ന ഒൻപത് പേർ ഇന്ന്(ജൂൺ 13) രോഗമുക്തരായി.
കാവശ്ശേരി സ്വദേശി (27 പുരുഷൻ), നാഗലശ്ശേരി സ്വദേശി (32 പുരുഷൻ), ചുനങ്ങാട് സ്വദേശി (56 പുരുഷൻ), മുണ്ടൂർ സ്വദേശി (47 പുരുഷൻ), ശ്രീകൃഷ്ണപുരം സ്വദേശി (23 പുരുഷൻ), കോട്ടായി സ്വദേശി (23 പുരുഷൻ), മണ്ണൂർ സ്വദേശി (50 പുരുഷൻ), കന്നിമാരി സ്വദേശി (38 പുരുഷൻ), കുത്തന്നൂർ സ്വദേശി (51 സ്ത്രീ) എന്നിവരാണ് രോഗ മുക്തരായത്.നിലവിൽ 173 പേർ ജില്ലയിൽ ചികിത്സയിൽ ഉള്ളതായി ആരോഗ്യവകുപ്പ് അറിയിച്ചു.

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 173 പേരാണ് ചികിത്സയിലുള്ളത്. കൂടാതെ, വിവിധ ആശുപത്രികളിലായി 32 പേര്‍ നിരീക്ഷണത്തിലുമുണ്ട്. ഇന്ന് (ജൂണ്‍ 13) ജില്ലയില്‍ 8 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 2 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 13188 സാമ്പിളുകള്‍ പരിശോധനയ്ക്കായി അയച്ചതില്‍ 12175 പരിശോധനാ ഫലങ്ങളാണ് ലഭ്യമായത്. 271 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇന്ന് 769 പരിശോധനാ ഫലങ്ങളാണ് ലഭിച്ചത്. പുതുതായി 253 സാമ്പിളുകളും അയച്ചു. ഇനി 1013 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

പാലക്കാട് ജില്ലയിൽ ഇന്ന്(ജൂൺ 13) എട്ട് പേർക്ക്  കോവിഡ് 19  സ്ഥിരീകരിച്ചു. ഇന്ന് രോഗം സ്ഥിരീകരിച്ചവരിൽ മൂന്ന് പേർ കണ്ണൂർ, മലപ്പുറം, എറണാകുളം ജില്ലകളിലാണ് ചികിത്സയിലുള്ളത്.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

ഉത്തർപ്രദേശ്-1
ആഗ്രയിൽ നിന്ന് ജൂൺ ആറിന് എത്തിയ അട്ടപ്പാടി കൽക്കണ്ടി സ്വദേശി(22 പുരുഷൻ).ഇദ്ദേഹം ഏഴു പേർ അടങ്ങുന്ന സംഘത്തോടൊപ്പം ആണ് എത്തിയിട്ടുള്ളത്.ഇതിൽ ഒരാൾക്ക് ജൂൺ 10 ന്‌ രോഗം സ്ഥിരീകരിച്ചിരുന്നു.

ദുബായ് -1
കൊപ്പം കീഴ്മുറി സ്വദേശി (22 പുരുഷൻ)