കോട്ടയം ജില്ലാ ടൂറിസം പ്രൊമോഷന്‍ കൗണ്‍സിലിന്‍റെ  2017        മുതലുള്ള വാര്‍ഷിക കണക്കുകള്‍ അക്കൗണ്ട് ചെയ്ത് ഓഡിറ്റ് ചെയ്യുവാന്‍ ചാര്‍ട്ടേര്‍ഡ് അക്കൗണ്ടന്‍റുമാരുടെ സേവനം ആവശ്യമുണ്ട്.  ഫോണ്‍:- 0481-2560479

കരിമണ്ണൂര്‍ ഭൂമിപതിവ് ഓഫീസിന് കീഴിലുള്ള വണ്ണപ്പുറം, ഉടുമ്പന്നൂര്‍, വെള്ളിയാമറ്റം, അറക്കുളം, നെയ്യാശ്ശേരി എന്നീ വില്ലേജുകളില്‍പ്പെട്ട 15000 ല്‍പ്പരം കൈവശക്കാര്‍ക്ക് പട്ടയം നല്കും.

പാലക്കാട് ജില്ലയിൽ ഇന്ന്(ജൂൺ 14) ആറ് പേർക്ക്  കോവിഡ് 19  സ്ഥിരീകരിച്ചു. 

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

ദുബായ്-1
ചാലിശ്ശേരി സ്വദേശി (27 പുരുഷൻ)

മുംബൈ-3
മെയ് 31ന് എത്തിയ മൂന്ന് അമ്പലപ്പാറ സ്വദേശികൾ(45,23 സ്ത്രീകൾ, 53 പുരുഷൻ)

സൗദി-1
ജൂൺ ആറിന് എത്തിയ കുമരംപുത്തൂർ സ്വദേശി (52 പുരുഷൻ)

ചെന്നൈ-1
മെയ് 30ന് എത്തിയ ചെത്തല്ലൂർ വെള്ളക്കുന്ന് സ്വദേശി (65 പുരുഷൻ)

 അയ്മനം പഞ്ചായത്തിലെ വിവിധ ഇനം മത്സ്യകൃഷി പദ്ധതികളിലേക്ക് അപേക്ഷകള്‍ ക്ഷണിച്ചു. പടുതക്കുളത്തിലെ ആസാം വാള, ബയോ ഫ്ലോക്ക്, കരിമീന്‍ തുടങ്ങിയ മത്സ്യകൃഷികള്‍ക്ക് പഞ്ചായത്തില്‍ ജൂണ്‍ 15നകം അപേക്ഷ നല്‍കണം

സുഭിക്ഷ പദ്ധതിയുടെ ഭാഗമായി കുറിച്ചി ഗ്രാമപഞ്ചായത്തില്‍  നടപ്പാക്കുന്ന കാര്‍ഷിക - മൃഗസംരക്ഷണ പദ്ധതി ഗുണഭോക്താക്കളെ തെരഞ്ഞെടുക്കുന്നതിന് അപേക്ഷ ക്ഷണിച്ചു. ജൂണ്‍ 30 വരെ സ്വീകരിക്കും. അപേക്ഷാ ഫോറം ഗ്രാമപഞ്ചായത്ത് ഓഫീസില്‍ ലഭിക്കും.

തൊടുപുഴ താലൂക്കില്‍ മുട്ടം വില്ലേജില്‍ ബ്ലോക്ക് 17ല്‍ റീസര്‍വ്വെ 357/2-2ല്‍ പട്ടയഭൂമിയില്‍ നിന്നിരുന്ന ഒരു ഈട്ടിമരം ജൂണ്‍ 24 ന് രാവിലെ 11 മണിക്ക് മുട്ടം വില്ലേജാഫീസില്‍ പരസ്യമായി ലേലം ചെയ്യും. ഫോണ്‍ 04862- 232242, 232303.

കൂടുതൽ ഗ്രാമപ്രദേശങ്ങൾ ഉൾപ്പെട്ട തരൂർ  മണ്ഡലത്തിലെ  സാധാരണ ജനങ്ങളുടെ യാത്രാ സൗകര്യം കണക്കിലെടുത്ത് തരൂർ മണ്ഡലത്തിൽ കൂടുതൽ കെ.എസ്.ആർ.ടി.സി സർവീസുകൾ  നാളെ( ജൂൺ 15 മുതൽ) ആരംഭിക്കുമെന്ന് സ്ഥലം എം.എൽ.എ കൂടിയായ മന്ത്രി എ.കെ ബാലൻ അറിയിച്ചു.

 പാലക്കാട് നിന്ന് കുഴൽമന്ദം, ആലത്തൂർ ,കാവശ്ശേരി, അത്തിപ്പറ്റ വഴി തോണിപ്പാടം ഭാഗത്തേക്ക്  ബസ് സർവീസ് ആരംഭിക്കും.വരുംദിവസങ്ങളിൽ  പഴമ്പാലക്കോട് വരെ കെ.എസ്.ആർ.ടി.സി  സർവീസ് ദീർഘിപ്പിക്കാൻ ഉദ്ദേശ്യമുണ്ട്.  നിലവിൽ പാലക്കാട് നിന്നും മലപ്പുറത്തേക്ക് ബസ് സർവീസുകൾ ഉള്ളതിനു പുറമെയാണ് ഈ റൂട്ട് അനുവദിച്ചിട്ടുള്ളത്.

ബാലവേല-ബാലഭിക്ഷാടനം-തെരുവ് ബാല്യമുക്ത കേരളം എന്ന ലക്ഷ്യത്തിനായി വനിതാ ശിശു വികസന വകുപ്പ്- ജില്ലാ ശിശു സംരക്ഷണ യൂണിറ്റ് മുഖാന്തിരം നടപ്പിലാക്കുന്ന ശരണബാല്യം പദ്ധതിയില്‍ 18 വകുപ്പുകളെ  ഏകോപിപ്പിച്ച് ജില്ലാ ടാസ്‌ക് ഫോഴ്‌സ് രൂപീകരിച്ച് പോലീസ്, തൊഴില്‍, എക്‌സൈസ്, വകുപ്പുകളെ ഏകോപിപ്പിച്ച് ജില്ലയിലെ വിവിധ മേഖലകളില്‍ ബാലവേല കണ്ടെത്താനുള്ള റെസ്‌ക്യൂ ഡ്രൈവുകള്‍ നടത്തി വരുന്നു. പദ്ധതിയുടെ ഭാഗമായി ജില്ലാതലത്തില്‍  സ്റ്റേക്ക് ഹോള്‍ഡേഴ്‌സിനായി വാട്‌സ്ആപ്പ് ഗ്രൂപ്പ് രൂപീകരിച്ച് കുട്ടികളെ സംബന്ധിക്കുന്ന പ്രശ്‌നങ്ങള്‍ ചര്‍ച്ച ചെയ്യുകയും ചെയ്യുന്നു.

 കുവൈറ്റ്, റിയാദ്, ദോഹ,  ഘാന, ആഡിസ് അബാബ   എന്നിവിടങ്ങളില്‍ നിന്നും നെടുമ്പാശ്ശേരി,  കണ്ണൂർ, തിരുവനന്തപുരം അന്താരാഷ്ട്ര വിമാനത്താവളങ്ങളിൽ  കഴിഞ്ഞ ദിവസം (ജൂണ്‍ 13) ജില്ലയിലെത്തിയത് 92 പാലക്കാട് സ്വദേശികള്‍.  ഇവരിൽ 9 പേർ ഇന്‍സ്റ്റിറ്റ്യൂഷനല്‍ ക്വാറന്റൈനില്‍ പ്രവേശിച്ചു.  83 പേർ വീടുകളിൽ നിരീക്ഷണത്തിലാണ്.

 കുവൈറ്റിൽ   നിന്നും നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ എത്തിയ 76 പേരിൽ 4 പേർ ഇൻസ്റ്റിറ്റ്യൂഷനൽ  ക്വാറന്റൈനിൽ പ്രവേശിച്ചു. 72 പേർ വീടുകളിൽ നിരീക്ഷണത്തിലാണ്.

കോവിഡ് 19-നെ തുടര്‍ന്ന് മടങ്ങിയെത്തുന്ന പ്രവാസികള്‍ക്ക് വ്യവസായ വാണിജ്യ വകുപ്പിന്‍റെ സഹായത്തിനായി www.industry.kerala.gov.in  എന്ന വെബ് സൈറ്റില്‍ രജിസ്റ്റര്‍ ചെയ്യണം. കൂടുതല്‍ വിവരങ്ങള്‍ ജില്ലാ വ്യവസായ കേന്ദ്രത്തിലും  താലൂക്ക് വ്യവസായ ഓഫീസുകളിലും ലഭിക്കും.

ഫോണ്‍: 0481 2573259,  9995401315, 9447029774 , 9645004229 , 9447124668, 8547068477